Zozue 11:2 - Bibeli do fee

² Nɔ í bɛ inɛ ŋa má bi ilaalu ŋa iyi à wa ikpa awɔ njɛi kpãai inunu si antaii iri kutau, do bi ilaalu ŋa iyi à wa lɔɔmai idoi Zuudɛ̃ɛu do ikpa awɔ cangai kpãai inunui tenkui Kinerɔti do ilu ŋa iyi à wa ilɛ ilɛu, do bi inɛi geetei Dɔɔ ŋa iyi í wa ikpa nunui alɛu.

Zozue 11:2 Iomraidhean Croise

Ilaalu 1, 15:20

Ŋɔi Bɛni-Hadadi í jɛsi idei Aza. Nɔ í bɛ inɛ ngboi soogeɛ ŋau à bɔ igũ si ilui Izirɛli ŋa, nɔ à koo à jɛ Iyɔ̃ɔ igũ do Dãa do Abɛli-Bɛti-Maaka do ilɛi Kinerɔti fei do ilɛi Nɛfitali fei.

Ilaalu 1, 4:11

Amai Abinadabui í nɛ ilɛi Dɔɔ fei. Tafati amai Salomɔɔi í jɛ aboɛ.

Kuka 34:11

Hai Sefamu bɛ, Ribulai á bɔ do ikpa nunui daakɔi Aini, nɔ ku too itĩi tenkui Kinerɛti wa do ikpa nunui daakɔ.

Luku 1:39

Si anyii nŋu, ŋɔi Maari í dede do saasa í dasi kpãa wa nɛ ikpa geete ŋa, í bɔ ilu gɔ si ilɛi Zudee.

Luku 5:1

Ajɔ nŋu gɔ Jesu wa leekĩ kɔkɔi tenku iyi à ya kpe Zenezarɛti, nɔ zamaa nla gɔ wa manteɛ ku ba a gbɔ idei Ilaaɔ̃.

Zozue 10:40

Zozue í jɛ ilɛu fei igũ. Í jɛ ilaalu ŋa iyi à wa si antaii iri kuta ŋau igũ do inɛ ŋa iyi à wa ikpa awɔ cangai kpãai inunu do ikpa bi gbaau, do inɛ ŋa iyi à wa si lɔɔmau hee do inɛ ŋa iyi à wa si fatama ŋa. Ilaalu ŋau fei í jɛ ŋa igũi nɔ í kpa inɛ fei, kù jɔ̀ inɛ kãma kù ba kù fita si. Í kpa andi mii iyi wa mi si hunde fei, si bɛi Aɔ̃ Lafɛ̃ɛi inɛi Izirɛli ŋau í fɔu.

Zozue 10:6

Ŋɔi inɛi Gabaɔ̃ɔ ŋau à bɛ ama ku bɔ Giligali koo sɔ̃ Zozue ku ni, maà fũsi awa woo ce icɛɛ ŋa awɔ. Naa wa gbãa gbãa i na i faaba wa domi ilaalui inɛi Amɔre ŋa iyi à wa si antaii iri kutau fei à tɔtɔɔ si wa wa.

Zozue 11:16

Bɛɛbɛi Zozue í gba ilɛu fei, hai ilu ŋa iyi à wa iri kuta ŋau do ilu ŋa iyi à wa ikpa awɔ cangai kpãai inunu do ilɛi Gosɛni fei hee ku bɔ ilu ŋa iyi à wa itĩi tenkuu, do si lɔɔmai Zuudɛ̃ɛu hee do ilu ŋa iyi à wa si iri kuta ŋa do lɔɔma nŋa ŋau ikpa awɔ njɛi kpãai inunu.

Zozue 11:21

Si waati bɛɛbɛi Zozue í nyi í dasi kpãa má, nɔ í koo í kpa inɛi Anaku ŋa iyi à wa bi iri kutai Eborɔ̃ɔu do Debii do Anabu do ilu ŋa iyi à wa ikpa iri kuta ŋa si ilɛi Zudaa do si ilɛi Izirɛli fei. Zozue í kpa aŋa fei nɔ í lɛgɛ ilu nŋa ŋau fei.

Zozue 12:23

do ilaalui Dɔɔ iyi í wa iri kutai Dɔɔ ŋau do ilaalui Goyimu iyi í wa kɔkɔi Giligaliu

Zozue 12:3

Nŋui í nyi í nɛ hai lɔɔmau má hee ku bɔ ikpa tenkui Kinerɔti do ikpa nunui daakɔu hee ku koo si Tenku ku da Imu iyi í wa kɔkɔi Bɛti-Yesimɔti, do ilɛ iyi í wa ikpa awɔ cangai kpãai inunu kɔkɔi iri kuta gɔ iyi à ya kpe Pisigaa.

Zozue 13:27

Do ikpa lɔɔmai Zuudɛ̃ɛ má aŋai à nɛ ilui Bɛti-Haramu do Bɛti-Nimura do Sukɔtu do Safɔ̃ɔ. Ilu ŋau bɛ mbɔi ilɛi Sioni ilaalui Hɛsebɔ̃ɔi. Idoi Zuudɛ̃ɛui í jɛ kɔɔɛ hee ku bɔ kɔkɔi tenkui Kinerɔti do icei idou ikpa nunui daakɔ.

Zozue 17:11

Si ilɛi dimii Isakaa ŋa do ti Azɛɛ ŋa, dimii Manasee ŋau à nɛ ilɛ gɔ ŋa bɛ má. Ilɛ ŋau wee. Bɛti-Seãa do Yibileamu do Dɔɔ do Eni-Dɔɔ do Taanaki do Mɛgido do ilɛɛko nŋa ŋa fei. Ilu ŋau bɛ fei si ilɛ mɛɛtai à wa.

Woo kiiti ŋa 1:27

Inɛi Manasee ŋau a kù lele inɛi ilui Bɛti-Seãa ŋa do inɛi ilui Tanaku ŋa do inɛi Dɔɔ ŋa do inɛi Yibileamu ŋa do inɛi Mɛgido ŋa do inɛi ilu ŋa iyi à wa kɔkɔ nŋa ŋau fei. Nɔ inɛi Kanaã ŋau à wɛɛ nŋa si ilɛu bɛ.