Zozue 11:16 - Bibeli do fee

¹⁶ Bɛɛbɛi Zozue í gba ilɛu fei, hai ilu ŋa iyi à wa iri kuta ŋau do ilu ŋa iyi à wa ikpa awɔ cangai kpãai inunu do ilɛi Gosɛni fei hee ku bɔ ilu ŋa iyi à wa itĩi tenkuu, do si lɔɔmai Zuudɛ̃ɛu hee do ilu ŋa iyi à wa si iri kuta ŋa do lɔɔma nŋa ŋau ikpa awɔ njɛi kpãai inunu.

Zozue 11:16 Iomraidhean Croise

Iri ku kɔ̃ 105:44

Í na ŋa ilɛi inɛ mmu ŋa. Nɔ aŋai à jɛ ribai icɛi inɛ ŋau fei,

Iri ku kɔ̃ 78:55

Í lele dimi mmu ŋa si waju nŋa, nɔ í na ŋa ilɛu. Í jɔ̀ dimii inɛi Izirɛli ŋa à ce si bi kuwa.

Ezekiɛli 17:23

An koo n lɔɔi si iri kuta iyi í gboka í re si ilɛi Izirɛliu. Á yɔ amaawɔ ŋa, á so iso, á ce jĩi ndii sɛɛdi nla nla. Yɛi dimi ikã ikã feii á ya ce antɛɛ si amaawɔɛ ŋa nɔ aa ya wa si abɛ jĩjĩɛ.

Ezekiɛli 36:8

Si waati nŋu bɛ, jĩi ndu ŋɛ ŋa aa ce wua ŋa nɔ aa so iso ŋa na zamaa nŋɛ. Ntɔ ntɔ, kaa kpɛ má zamaau ku nyi si ilɛɛ.

Wooda ku kɔsi 1:7

I dede i dasi kpãa bɛbɛi ŋa i bɔ ilɛi iri kuta tengi bii inɛi Amɔre ŋa à wau, do ilɛi inɛi Kanaã ŋa iyi à wa kɔkɔ nŋau, hai lɔɔmai Zuudɛ̃ɛu do ilɛi iri kuta ŋau, do inya bii ilɛ í munga anuu, do ilɛi Negɛbu do ilɛ iyi í wa itĩ tenku hee ku bɔ iri kutai Libãa ŋau, nɔ ku baa hee Efarata ido nlau.

Zozue 10:40

Zozue í jɛ ilɛu fei igũ. Í jɛ ilaalu ŋa iyi à wa si antaii iri kuta ŋau igũ do inɛ ŋa iyi à wa ikpa awɔ cangai kpãai inunu do ikpa bi gbaau, do inɛ ŋa iyi à wa si lɔɔmau hee do inɛ ŋa iyi à wa si fatama ŋa. Ilaalu ŋau fei í jɛ ŋa igũi nɔ í kpa inɛ fei, kù jɔ̀ inɛ kãma kù ba kù fita si. Í kpa andi mii iyi wa mi si hunde fei, si bɛi Aɔ̃ Lafɛ̃ɛi inɛi Izirɛli ŋau í fɔu.

Zozue 10:41

Zozue í jɛ igũ hai Kadɛsi-Baanea ku bɔ Gaza, nɔ í jɛ ilɛi Gosɛni fei igũ hee ku bɔ Gabaɔ̃ɔ.

Zozue 11:15

Moizi í tako í na Zozue wooda ŋa iyi Aɔ̃ Lafɛ̃ɛ í naa si idei igũ ŋau, nɔ Zozue kù ce si ideu atafii.

Zozue 11:2

Nɔ í bɛ inɛ ŋa má bi ilaalu ŋa iyi à wa ikpa awɔ njɛi kpãai inunu si antaii iri kutau, do bi ilaalu ŋa iyi à wa lɔɔmai idoi Zuudɛ̃ɛu do ikpa awɔ cangai kpãai inunui tenkui Kinerɔti do ilu ŋa iyi à wa ilɛ ilɛu, do bi inɛi geetei Dɔɔ ŋa iyi í wa ikpa nunui alɛu.

Zozue 11:21

Si waati bɛɛbɛi Zozue í nyi í dasi kpãa má, nɔ í koo í kpa inɛi Anaku ŋa iyi à wa bi iri kutai Eborɔ̃ɔu do Debii do Anabu do ilu ŋa iyi à wa ikpa iri kuta ŋa si ilɛi Zudaa do si ilɛi Izirɛli fei. Zozue í kpa aŋa fei nɔ í lɛgɛ ilu nŋa ŋau fei.

Zozue 12:8

Inya ŋau wee si iri kuta ŋai à wa, do si lɔɔma ŋa do si fatama ŋa do si geete ŋa. Gɔgɔ ŋa mɔ si gbaai à wa do ikpa awɔ cangai kpãai inunu. Ilɛu ilɛi inɛi Hɛti ŋai do inɛi Amɔre ŋa do inɛi Kanaã ŋa do inɛi Ferɛzi ŋa do inɛi Hɛvi ŋa do inɛi Zebusi ŋa.

Zozue 9:1

Ilaalui ilɛ ŋa iyi à wa ikpa nunui alɛi idoi Zuudɛ̃ɛu à gbɔ bɛi Zozue do inɛi Izirɛli ŋa à cea inɛi Ai ŋa. Laabaaui ideu í fangaa si ilu ŋa iyi à wa si iri kuta ŋau do ilu ŋa iyi à wa lɔɔma do ilu ŋa iyi à wa ikpa bi Tenku Nlau fei hee ku bɔ kɔkɔi ilɛi Libãa. Ŋɔi inɛi Hɛti ŋa do inɛi Amɔre ŋa do inɛi Kanaã ŋa do inɛi Ferɛzi ŋa do inɛi Hɛvi ŋa do inɛi Zebusi ŋa