Zozue 11:15 - Bibeli do fee

¹⁵ Moizi í tako í na Zozue wooda ŋa iyi Aɔ̃ Lafɛ̃ɛ í naa si idei igũ ŋau, nɔ Zozue kù ce si ideu atafii.

Zozue 11:15 Iomraidhean Croise

Bomma 2, 30:12

Nɔ Ilaaɔ̃ í jɔ̀ idɔi inɛi Zudaa ŋa í jɛ akã nɔ à jɛsi a jirima ide iyi ilaaluu do inɛ ngbo ŋau à sɔ̃ ŋa.

Kuka 33:50

Ŋɔi Aɔ̃ Lafɛ̃ɛ í ba Moizi ide ku fɔ si lɔɔmai Moabu ŋau kɔkɔi idoi Zuudɛ̃ɛ do wajui Zerikou í ni,

Kuka 33:52

aa lele inɛi ilɛ ŋau fei ŋai. Aa lɛgɛ iwɛ̃ nŋa ŋa iyi à ce do kuta ku nɛ booda ŋau fei ŋai. Isɔ ŋa iyi à yɔ à ceò mii ŋa iyi à jɔ ŋa ŋau fei aa kɛkɛɛ ŋai, nɔ geete bii à ya cea iwɛ̃ nŋa ŋau kuwee fei, aa lɛgɛɛ ŋai.

Matie 23:23

Iŋɛ woo kɔ inɛ ŋa si wooda ŋa do Farisi ŋa, iŋɛ ilu muafiti ŋai. Aa yɛ ijuukpã ŋa, si na iyi í jɔ̀ ì waa na Ilaaɔ̃ akã si mɛɛwa fei si nyaui ayɛ ŋa, amma ì waa gbɛjɛ mii iyi í la í re si wooda ŋa. Mii ŋaui í jɛ idɔɔbii Ilaaɔ̃ ku ce do araare ku nyisi do ilu naanɛ ku jɛ. Nŋu ŋau bɛi í jɔ i ce ŋa, nɔ i maà gbɛjɛ iyi í gbe ŋau.

Luku 11:42

Amma ijuukpãi á jɛ tu ŋɛ, iŋɛ Farisi ŋa, si na iyi í jɔ̀ ì ya na Ilaaɔ̃ akã si mɛɛwa fei si nyaui ayɛ nŋɛ ŋa. Do nŋu fei, i kù waa ce jiida nɔ i kù waa nyisi kubii Ilaaɔ̃ ŋa. Iyi bɛi í jɔ i ya ce nɔ i maà gbɛjɛ iyi í gbe ŋa.

Woo bɛ ŋa 20:20

Iŋɛ taka nŋɛ ì mà mii iyi á ce nŋɛ aranfãani fei, n kù singa nŋɛ kãmaɛ. Amma ǹ sɔ̃ ŋɛ ntɔ fei nɔ ǹ kɔ ŋɛ si cio si bantuma do si kpasɛ̃ nŋɛ ŋa.

Woo bɛ ŋa 20:27

domi ǹ sisi nŋɛ ide iyi Ilaaɔ̃ í jilɛ fei n kù singa nŋɛ gɔgɔɛ.

Wooda ku kɔsi 31:3

Aɔ̃ Lafɛ̃ɛ nŋɛ takaɛi á nɛ ku maa cua nŋɛ. Nŋui á kpa inɛi ilɛ ŋa iyi à wa ice do ikpa ihɔ̃u ku ba i yɔkɔ i gba ilɛ nŋau ŋa. Zozuei á cua nŋɛ bɛi Aɔ̃ Lafɛ̃ɛ í fɔu.

Wooda ku kɔsi 31:5

Á so ŋai ku da nŋɛ si awɔ, nɔ i ce nŋa dee dee yaase bɛi ǹ jilɛ ŋɛu.

Wooda ku kɔsi 31:7

Ŋɔi Moizi í kpe Zozue nɔ í sɔ̃ɔ si wajui inɛi Izirɛli ŋau fei í ni, jɔ̀ i ce wɔɔkɔ nɔ i dasi gbugbã. Awɔi aa gbã inɛi Izirɛli ŋau i bɔò ŋa si ilɛ iyi Aɔ̃ Lafɛ̃ɛ í cea bala nŋa ŋa kuwãɛ do kugbasiu. Awɔi aa na ŋa a buba si ku jɛ tubu nŋa.

Wooda ku kɔsi 4:2

I maà kɔ̃ɔsi nkãma si wooda ŋa iyi ǹ na ŋɛu, nɔ i maà kaye nkãma ŋa, amma i jirima woodai Aɔ̃ Lafɛ̃ɛ dee dee bɛi ǹ sɔ̃ ŋɛu.

Wooda ku kɔsi 4:5

Ì mà ŋa iyi ǹ kɔ ŋɛ si wooda ikã ikã ŋa iyi Aɔ̃ Lafɛ̃ɛm í sɔ̃m fei ku ba i ceò icɛ ŋa si ilɛ bii aa na i koo i buba ŋa ku jɛ tu ŋɛu.

Wooda ku kɔsi 7:2

Waati iyi Aɔ̃ Lafɛ̃ɛ á da nŋɛ inɛ ŋau si awɔ, aa jɛ ŋa igũ ŋai, nɔ iŋɛò ŋa i maà dĩ akabuu ŋa. Aa kpa aŋa fei ŋai, i maà ce araare nŋa ŋa.

Zozue 1:7

Iyi í gbeɛ nŋui í jɛ i nɛ gbugbã nɔ i nɛ wɔɔkɔ ntɔ ntɔ, nɔ i maa jirima wooda iyi Moizi woo ce icɛm nɔu í sɔ̃ɛu fei. Maà sinda do ikpa awɔ njɛ walakɔ do ikpa awɔ canga ku ba mii iyi ì waa ce fei ku maa bɔ waju.

Zozue 11:12

Zozue í gba ilui Hasɔɔu do ilu ŋa iyi à wa amɛɛ bɛ fei do ilaalu nŋa ŋa, nɔ í jɔ̀ à kpa aŋa fei, bɛi Moizi woo ce icɛi Aɔ̃ Lafɛ̃ɛ í tako í fɔu.

Zozue 11:14

Inɛi Izirɛli ŋa à so amani ŋa do mɛɛmu ŋa iyi à ba si ilu ŋau, amma amanɛ ŋau à kpa ŋai fei sãa sãa a kù jɔ̀ inɛ kãma.

Zozue 11:16

Bɛɛbɛi Zozue í gba ilɛu fei, hai ilu ŋa iyi à wa iri kuta ŋau do ilu ŋa iyi à wa ikpa awɔ cangai kpãai inunu do ilɛi Gosɛni fei hee ku bɔ ilu ŋa iyi à wa itĩi tenkuu, do si lɔɔmai Zuudɛ̃ɛu hee do ilu ŋa iyi à wa si iri kuta ŋa do lɔɔma nŋa ŋau ikpa awɔ njɛi kpãai inunu.

Samuɛli 1, 15:11

inɔm í fɔ do iyi ǹ cica Saulu i jɛò ilaalu, domi í sinda hai bi tom nɔ kù waa jirima idem má. Ŋɔi idɔi Samuɛli í kɔ̃ nɔ í ce kutɔɔ hai idũu hee iju í koo í máu.