Zozue 11:12 - Bibeli do fee

¹² Zozue í gba ilui Hasɔɔu do ilu ŋa iyi à wa amɛɛ bɛ fei do ilaalu nŋa ŋa, nɔ í jɔ̀ à kpa aŋa fei, bɛi Moizi woo ce icɛi Aɔ̃ Lafɛ̃ɛ í tako í fɔu.

Zozue 11:12 Iomraidhean Croise

Wooda ku kɔsi 7:2

Waati iyi Aɔ̃ Lafɛ̃ɛ á da nŋɛ inɛ ŋau si awɔ, aa jɛ ŋa igũ ŋai, nɔ iŋɛò ŋa i maà dĩ akabuu ŋa. Aa kpa aŋa fei ŋai, i maà ce araare nŋa ŋa.

Wooda ku kɔsi 9:3

nnyi, Aɔ̃ Lafɛ̃ɛ nŋɛ, nŋu takaɛi á cua nŋɛ bɛi ina ku kpa amanɛ, nɔ nŋui á kpa ŋa, nŋui á kaye ŋa si waju nŋɛ nɔ i lele ŋa ŋa. Aa kpa ŋai anu akã bɛi Aɔ̃ Lafɛ̃ɛ í sɔ̃ ŋɛu.

Zozue 10:20

Ŋɔi Zozue do inɛi Izirɛli ŋau à jɛ mbɛɛ nŋa ŋau igũ à kãmia ŋa à kpa ŋa fei, í gbe inɛ gɔ ŋa iyi à ba à sa à nɛ ikpa ilu ku nɛ gbugbã ŋau.

Zozue 10:28

Ajɔ akãu bɛi Zozue í gba ilui Makeda, nɔ í kpa ilaaluu do inɛi iluɛ ŋa fei. Kù jɔ̀ inɛ kãma kù ba kù gbã. Nɔ í cea ilaaluu bɛi í cea ilaalui Zerikou mɔ.

Zozue 10:30

Nɔ Aɔ̃ Lafɛ̃ɛ í jɔ̀ inɛi Izirɛli ŋau à kãmia aŋa mɔ do ilaalu nŋa fei. Nɔ à kpa inɛi ilu ŋau fei a kù jɔ̀ baa inɛ akã, nɔ à cea ilaaluu bɛi à cea ilaalui Zerikou mɔ.

Zozue 10:32

Si ajɔ minjisiaɛ ŋɔi Aɔ̃ Lafɛ̃ɛ í daa inɛi Izirɛli ŋa ilui Lakisi si awɔ. Nɔ à kpa aŋa mɔ a kù jɔ̀ inɛ baa akã. À ce nŋai bɛi à cea inɛi Libuna ŋau.

Zozue 10:35

Ajɔ nŋu bɛ mɔi à jɛ ŋa igũ à kpa inɛi ilu ŋau fei bɛi à cea inɛi Lakisi ŋau.

Zozue 10:37

Nɔ à jɛ ŋa igũ à kpa ilaaluu do inɛɛ ŋa fei, nɔ ilu ŋa mɔ iyi à wa amɛɛ bɛ fei à jɛ ŋa igũ nɔ à kpa aŋa fei. Zozue kù jɔ̀ inɛ baa akã ku fita si. Bɛi í tako í cea ilui Egolɔ̃ɔu, bɛɛbɛi í cea aŋa mɔ. Í kpa ŋai fei mam mam.

Zozue 11:13

Amma inɛi Izirɛli ŋau a kù jo ilu ŋa iyi à wa si antaii geete ŋau baa akã, í gbe Hasɔɔ nŋu akã iyi Zozue í jo.

Zozue 11:15

Moizi í tako í na Zozue wooda ŋa iyi Aɔ̃ Lafɛ̃ɛ í naa si idei igũ ŋau, nɔ Zozue kù ce si ideu atafii.

Zozue 13:6

Nɔ aa gba ilu ŋa mɔ iyi à wa si iri kuta ŋau fei ŋai, hai Libãa hee ku bɔ Misirefɔti-Maimu. Ilɛ ŋau bɛ fei ti inɛi Sidɔ̃ɔ ŋai. An lele aŋa feii hai si wajui inɛi Izirɛli ŋau. Kpɛ̃ nŋa ilɛu. Jɔ̀ a ta kpasa, nɔ inɛ fei ku so iyi kpasau í náa si bɛi ǹ tako ǹ sɔ̃ɛu.

Zozue 21:44

Aɔ̃ Lafɛ̃ɛ í jɔ̀ à nɛ laakai ku sũ si kɔɔi ilɛ ŋau fei bɛi í tako í wãò bala nŋa ŋau. Nɔ í jɔ̀ mbɛɛ nŋa ŋau kãma ci ya yɔkɔ ku leekĩ si waju nŋa.

Zozue 8:31

Í maai do yaase bɛi Moizi woo ce icɛi Aɔ̃ Lafɛ̃ɛ í sɔ̃ inɛi Izirɛli ŋau wo. Ide ŋa iyi Moizi í sɔ̃ ŋau í nyi í kɔɔ má si tiai woodaɛ, í ni, bi kuweeu, do kuta ŋa iyi a kù gbei aa maaò ŋa. Nɔ à cea Aɔ̃ Lafɛ̃ɛ kuwee iyi à ya jo si ina fei sãa sãau do kuweei anu akã.

Zozue 8:8

Bii ì gba iluu ì tã, aa dasi ina ŋai bɛi Aɔ̃ Lafɛ̃ɛ í sɔ̃ ŋɛu. Bɛi ì nɛ ku ce ŋai ǹ sɔ̃ ŋɛ bɛ.

Zozue 9:24

Ŋɔi inɛi Gabaɔ̃ɔ ŋau à jɛa Zozue à ni, mii iyi í jɔ̀ à lasabu à fɔò bɛɛbɛ wee. À gbɔ iyi Aɔ̃ Lafɛ̃ɛɛ í na Moizi woo ce icɛɛ ilɛu ihɛ̃ ku jɛ tu ŋɛ. Nɔ bɛɛbɛ mɔi à gbɔ iyi aa maa kpa inɛ ŋa iyi à wa si ilɛu feii kpɛlɛ kpɛlɛ i maa nɛò wa ŋa. Na nŋu, kuto nŋɛ wa ihɛ̃ í jɔ̀ njo í mu wa ntɔ ntɔ na hunde nwa.