Zozue 10:7 - Bibeli do fee

⁷ Ŋɔi gbakã Zozue í dede hai Giligali do soogeɛ ŋa do inɛ ŋa iyi à jɛ sooge ilu wɔɔkɔɛ ŋau fei à waa koo.

Zozue 10:7 Iomraidhean Croise

Ezai 8:12

Í ni, i maà too si kucei inɛ ŋau bɛ ŋa bii à waa dĩ tɔɔsii laalɔ ku ce si gãmɛi mii ŋa iyi à jilɛ. I maà jɔ̀ zigi nŋɛ ku daò mii iyi wa da zigi nŋa ŋa. I maà ce njoɛ ŋa.

Ezai 8:14

Nŋui á jɛ bi ku manjii nyaanze ikã ikã minjii Izirɛliu. Amma nŋui á nyi ku jɛ kuta bii aa koosɛ má, do kuta iyi í ya kɛkɛ inɛ. Inɛ nkpɔ nkpɔi á ko si isɛ, nɔ aa cukui bũu nŋa ku cɛ. Nŋui á jɛ cɛkũm si bii inɛi Zeruzalɛmu ŋa aa dasi. Kutɛi inɛ nkpɔ nkpɔi á mu nɔ a kaa yɔkɔ a nyaa.

Zozue 10:6

Ŋɔi inɛi Gabaɔ̃ɔ ŋau à bɛ ama ku bɔ Giligali koo sɔ̃ Zozue ku ni, maà fũsi awa woo ce icɛɛ ŋa awɔ. Naa wa gbãa gbãa i na i faaba wa domi ilaalui inɛi Amɔre ŋa iyi à wa si antaii iri kutau fei à tɔtɔɔ si wa wa.

Zozue 8:1

Ŋɔi Aɔ̃ Lafɛ̃ɛ í sɔ̃ Zozue í ni, maà ce njo, nɔ i maà mɔngɔ munya. Gbã soogeɛ ŋa fei nɔ i koo si ilui Aiu ŋa. An daaɛ ilaalui Aiu si awɔ, nŋu do inɛɛ ŋa do iluɛ do ilɛɛu fei.

Zozue 8:3

Ŋɔi Zozue wa ce sɔɔlu nŋu do soogeɛ ŋa fei ku ba a koo a jɛ inɛi ilui Ai ŋau igũ. Nɔ í cica sooge kaasãanɛ dubu kuntaa (30.000) í jɔ̀ à nɛ bɛ idũ.