Zozue 10:6 - Bibeli do fee

⁶ Ŋɔi inɛi Gabaɔ̃ɔ ŋau à bɛ ama ku bɔ Giligali koo sɔ̃ Zozue ku ni, maà fũsi awa woo ce icɛɛ ŋa awɔ. Naa wa gbãa gbãa i na i faaba wa domi ilaalui inɛi Amɔre ŋa iyi à wa si antaii iri kutau fei à tɔtɔɔ si wa wa.

Zozue 10:6 Iomraidhean Croise

Ilaalu 2, 4:24

Ŋɔi í jɔ̀ à dĩa gbankɛlɛu gaayi nɔ í sɔ̃ woo ce icɛu í ni, mu gbankɛlɛu ka nɛ. Maà na i leekĩ kpãa bii kãma bii n kù ni i leekĩ.

Iri ku kɔ̃ 125:2

Iri kuta ŋai à kaako Zeruzalɛmu. Do yaase bɛɛbɛi Aɔ̃ Lafɛ̃ɛ í kaako inɛɛ ŋa, hai nsɛi hee do ajɔ fei.

Ezai 33:22

Ntɔ ntɔ Aɔ̃ Lafɛ̃ɛi í jɛ woo gbã nwa. Nŋui í jɛ inɛ ngbo nwa. Aɔ̃ Lafɛ̃ɛi í jɛ ilaalu nwa. Nɔ nŋui í jɛ woo faaba nwa.

Kuka 13:29

Inɛi Amalɛki ŋai à wa si ilɛu do ikpa awɔ njɛi kpãai inunu. Inɛi Hɛti ŋa mɔ, do inɛi Zebusi ŋa do inɛi Amɔre ŋa aŋai à wa ilui iri kuta ŋau. Inɛi Kanaã ŋa mɔi à wa kɔkɔi tenkuu do itĩi idoi Zuudɛ̃ɛu.

Luku 1:39

Si anyii nŋu, ŋɔi Maari í dede do saasa í dasi kpãa wa nɛ ikpa geete ŋa, í bɔ ilu gɔ si ilɛi Zudee.

Wooda ku kɔsi 1:15

Nɔ ǹ so inɛ ngbo ŋa hai si dimi ŋau, inɛ ŋa iyi à jɛ ilu laakai ŋa nɔ inɛ ŋa à mà ŋa, ǹ jilɛ inɛ gɔ ŋa a jɛ inɛ ngboi amanɛ dubu, inɛ gɔ ŋa mɔ inɛ ngboi cĩɔ, inɛ gɔ ŋa mɔ inɛ ngboi ciitaa, inɛ gɔ ŋa mɔ inɛ ngboi mɛɛwa. Nɔ ǹ na aŋa fei gbugbãi a maa gbãò dimi nŋɛ ŋau.

Zozue 10:5

Si bɛɛbɛ ŋɔi ilaalui inɛi Amɔre ŋau à tɔtɔɔ aŋa miiu. Ilaalui Zeruzalɛmu do ti Eborɔ̃ɔ do ti Yamuti do ti Lakisi do ti Egolɔ̃ɔ à tɔtɔɔ à nɛ do sooge nŋa ŋa fei, nɔ à koo à ce asɔ kɔkɔi Gabaɔ̃ɔ ku ba à lɔ si ŋa.

Zozue 10:7

Ŋɔi gbakã Zozue í dede hai Giligali do soogeɛ ŋa do inɛ ŋa iyi à jɛ sooge ilu wɔɔkɔɛ ŋau fei à waa koo.

Zozue 21:11

Kiria-Aaba iyi à ya kpe Eborɔ̃ɔu. Aabau, balai Anakui. Iluu si iri kutai Zudaai í wa. À na ŋa iluu nɔ à na ŋa tengi bii mɛɛmu nŋa ŋa aa ya jɛ kɔkɔi iluu.

Zozue 5:10

Inɛi Izirɛli ŋa à koo à ce asɔ Giligali si lɔɔma iyi í wa kɔkɔi Zeriko, nɔ à jɛ jingaui Iku ku kua alɛi ajɔ maatɛ̃ɛsiai cukpau.

Zozue 9:15

Nɔ Zozue í dĩ akabuui laakai ku sũ do inɛ ŋau. Si akabuu iyi à dĩu í jɛsi nŋu ku jɔ̀ inɛ ŋau à wɛɛ si hunde. Nɔ inɛ ngboi inɛi Izirɛli ŋau mɔ à jɛsi do kugbasi.

Zozue 9:6

Ŋɔi à bɔ Giligali bi asɔi Zozue do inɛi Izirɛli ŋau nɔ à sɔ̃ ŋa à ni, hai ilɛ jĩijĩi à naa ihɛ̃, nɔ à bi awaɛ ŋa ka dĩ akabuu.

Zozue 9:8

Ŋɔi à sɔ̃ Zozue à ni, à tã sɔɔlu ka ce icɛ iyi í dasi wa fei. Amma Zozue í bee ŋa í ni, iŋɛ dimi mii ŋai, hai iwoi ì waa naa ŋa.