Zozue 10:42 - Bibeli do fee

⁴² Si igũ ku bɔ tuuba akãi Zozue í jɛ ilaalu ŋau bɛ fei igũ nɔ í gba ilɛ nŋa ŋau, domi Aɔ̃ Lafɛ̃ɛi Izirɛli wa sobi inɛi Izirɛli ŋa si igũu.

Zozue 10:42 Iomraidhean Croise

Iri ku kɔ̃ 118:6

Aɔ̃ Lafɛ̃ɛ í wɛɛ do amu, n kù nɛ zigiidai nkãma. Mii amanɛ ŋa aa yɔkɔ a ceem.

Iri ku kɔ̃ 46:1

Iriu ihɛ̃ ti inɛ ngboi woo kɔ̃ iri ŋai do amai Kore ŋa. À ya kɔ̃ɔi do imu ngbɛ.

Iri ku kɔ̃ 46:11

Nŋui í ni, i leekĩ nɔ i mà ŋa iyi amui ǹ jɛ Aɔ̃ Lafɛ̃ɛ. Amui ǹ kãmia dimi ŋa nɔ ǹ kãmia andunyau fei.

Iri ku kɔ̃ 46:7

Inɛi ilɛ ŋa à ce iba, bomma ŋa à yaya, à gbɔ imui Ilaaɔ̃, nɔ ilɛ í yɔ.

Iri ku kɔ̃ 80:3

Nyisi awa iyi à jɛ dimii Efaraimu do Bɛnzamɛɛ do Manasee ŋa gbugbãɛ, nɔ i faaba wa.

Kufita 14:14

Aɔ̃ Lafɛ̃ɛi á na ku ce igũ si agbɛ nŋɛ. Iŋɛ i leekĩ sɛ̃ɛ ŋa.

Kufita 14:25

Í jɔ̀ kutɛi sarɛtii igũ nŋa ŋau wa mile nɔ kù waa nɛ dee dee má. Ŋɔi inɛi Ezibiti ŋau à waa ni, ka saa inɛi Izirɛli ŋau ku jĩ, domi Aɔ̃ Lafɛ̃ɛi wa ce igũ do awa si agbɛ nŋa.

Ezai 43:4

Si bɛi ì nɛ bɛɛrɛ si wajum, nɔ ntɔ ntɔ ì jɛ inɛ iyi ǹ wa n saalu, nɔ ǹ nɛ kubiɛ, na nŋui í jɔ̀ an na inɛ ŋa si agbɛɛ, nɔ an na dimi gɔ ŋa n yaò kuwɛɛɛ.

Wooda ku kɔsi 20:4

Ntɔ ntɔ Aɔ̃ Lafɛ̃ɛ í wɛɛ do iŋɛ nɔ nŋui á ja nŋɛ ku ba ku faaba ŋɛ.

Zozue 10:14

Ajɔ kãma kù yɛ bɛi ajɔ nŋu bɛ hai tako hee do nsɛi fei bii Aɔ̃ Lafɛ̃ɛ í ce bɛi amanɛ í tɔɔɛ. Aɔ̃ Lafɛ̃ɛ takaɛi wa jaa inɛi Izirɛli ŋau.

Zozue 10:43

Nɔ Zozue do inɛɛ ŋau fei à sinda à nyi asɔ nŋa Giligali.