Zozue 10:40 - Bibeli do fee

⁴⁰ Zozue í jɛ ilɛu fei igũ. Í jɛ ilaalu ŋa iyi à wa si antaii iri kuta ŋau igũ do inɛ ŋa iyi à wa ikpa awɔ cangai kpãai inunu do ikpa bi gbaau, do inɛ ŋa iyi à wa si lɔɔmau hee do inɛ ŋa iyi à wa si fatama ŋa. Ilaalu ŋau fei í jɛ ŋa igũi nɔ í kpa inɛ fei, kù jɔ̀ inɛ kãma kù ba kù fita si. Í kpa andi mii iyi wa mi si hunde fei, si bɛi Aɔ̃ Lafɛ̃ɛi inɛi Izirɛli ŋau í fɔu.

Zozue 10:40 Iomraidhean Croise

Ilaalu 1, 15:29

Waati iyi í jɛ ilaalu, í kpa inɛi kpasɛ̃i Zeroboamu ŋai fei, kù jɔ̀ baa tɔkuɛ akã ku fita si. Í ce nfe ŋai fei, si bɛi Aɔ̃ Lafɛ̃ɛ í sɔ̃ Ahiya woo ce icɛɛ inɛi ilui Siloou,

Neemi 9:24

Ntɔ ntɔ à lɔ si ilɛu nɔ ì so inɛi Kanaã ŋa ì da nŋa si awɔ ì jɔ̀ à kãmia ŋa à gba ilɛ nŋau. Nɔ ì jɔ̀ à cea inɛi ilɛ ŋau do ilaalu nŋa ŋa bɛi à bi.

Iri ku kɔ̃ 9:17

Aɔ̃ Lafɛ̃ɛ í jɔ̀ à màa. Nŋui í ya ce iyi í jɛ dee dee. Í ya jɔ̀ inɛ laalɔ ŋa a dasi cɛkũm iyi aŋa taka nŋa à lei. Woo cã jĩnɛi iri ku kɔ̃ ŋau à waa mɔsi. Kusĩmi.

Kufita 34:12

Ce laakai i maà ti i ce anu akã do inɛi ilɛ bii aa lɔ ŋau ku ba a maà ti a na a jɛ nŋɛ bɛi cɛkũm.

Kuka 13:17

Waati iyi Moizi wa bi ku bɛ inɛ ŋau í sɔ̃ ŋa í ni, i koo i lɔ si ilɛi Kanaãu ŋa hai do ikpa awɔ cangai kpãai inunu, nɔ i dasi ilɛ iyi í nɛ iri kutau ŋa,

Wooda ku kɔsi 1:7

I dede i dasi kpãa bɛbɛi ŋa i bɔ ilɛi iri kuta tengi bii inɛi Amɔre ŋa à wau, do ilɛi inɛi Kanaã ŋa iyi à wa kɔkɔ nŋau, hai lɔɔmai Zuudɛ̃ɛu do ilɛi iri kuta ŋau, do inya bii ilɛ í munga anuu, do ilɛi Negɛbu do ilɛ iyi í wa itĩ tenku hee ku bɔ iri kutai Libãa ŋau, nɔ ku baa hee Efarata ido nlau.

Wooda ku kɔsi 2:34

Ŋɔi à gba iluɛ ŋau fei à lɛgɛ ŋa mam mam. À kpa inɛmɔkɔ do inaabo do ama keeke nŋa ŋa, a kù jɔ̀ baa inɛ akã ku fita si.

Wooda ku kɔsi 7:24

Á da nŋɛ ilaalu nŋa ŋau si awɔ, nɔ i kpa mii iyi á jɔ̀ a ye gigi nŋa fei si ilɛu ihɛ̃ ŋa. Kãma nŋa kaa leekĩ si waju nŋɛ. Aa ce nfe nŋa ŋai fei mam mam.

Zozue 10:35

Ajɔ nŋu bɛ mɔi à jɛ ŋa igũ à kpa inɛi ilu ŋau fei bɛi à cea inɛi Lakisi ŋau.

Zozue 10:37

Nɔ à jɛ ŋa igũ à kpa ilaaluu do inɛɛ ŋa fei, nɔ ilu ŋa mɔ iyi à wa amɛɛ bɛ fei à jɛ ŋa igũ nɔ à kpa aŋa fei. Zozue kù jɔ̀ inɛ baa akã ku fita si. Bɛi í tako í cea ilui Egolɔ̃ɔu, bɛɛbɛi í cea aŋa mɔ. Í kpa ŋai fei mam mam.

Zozue 10:39

Ŋɔi à jɛ aŋa mɔ igũ nɔ à kpa ilaaluu do inɛɛ ŋa hee do ilu ŋa iyi à wa amɛɛ bɛ fei. Nɔ à kpa inɛ ŋau fei a kù jɔ̀ inɛ baa akã. Ŋɔi Zozue í cea inɛi Debii ŋau do ilaalu nŋa fei bɛi í tako í cea inɛi Eborɔ̃ɔ ŋa do bɛi í cea inɛi Libuna ŋau do ilaalu nŋa fei.

Zozue 11:16

Bɛɛbɛi Zozue í gba ilɛu fei, hai ilu ŋa iyi à wa iri kuta ŋau do ilu ŋa iyi à wa ikpa awɔ cangai kpãai inunu do ilɛi Gosɛni fei hee ku bɔ ilu ŋa iyi à wa itĩi tenkuu, do si lɔɔmai Zuudɛ̃ɛu hee do ilu ŋa iyi à wa si iri kuta ŋa do lɔɔma nŋa ŋau ikpa awɔ njɛi kpãai inunu.

Zozue 12:8

Inya ŋau wee si iri kuta ŋai à wa, do si lɔɔma ŋa do si fatama ŋa do si geete ŋa. Gɔgɔ ŋa mɔ si gbaai à wa do ikpa awɔ cangai kpãai inunu. Ilɛu ilɛi inɛi Hɛti ŋai do inɛi Amɔre ŋa do inɛi Kanaã ŋa do inɛi Ferɛzi ŋa do inɛi Hɛvi ŋa do inɛi Zebusi ŋa.

Zozue 18:21

Ilu ŋa iyi à jɛ ti nyaanzei dimii Bɛnzamɛɛ ŋa wee. Zeriko do Bɛti-Hogula do Emɛki-Kesisi

Zozue 6:17

Aa kpa inɛi ilu ŋaui hee do mii ŋa iyi à nɛ fei. Rahabu abo à ta icuui aa jɔ̀ ŋa do inɛ ŋa iyi à wa bi tɛɛ inɔ kpasɛ̃ bɛ fei. Aa jɔ̀ɔ ŋai si na iyi í jɔ̀ nŋui í gba inɛ ŋa iyi à bɛ wa ihɛ̃ ŋau í singa ŋa.

Zozue 8:2

Iluu bɛ do ilaaluɛ aa ceai bɛi ì tako ì cea Zeriko do ilaaluɛ. Amma bɛbɛi, mii ŋa iyi aa ba hai si igũu ŋa, tu ŋɛi á jɛ. Hai amani nŋa ŋa, do mɛɛmu nŋa ŋau fei iŋɛi aa nɔɔ. Yaase bɛi aa ce i jɛò igũ ŋa wee. I koo i jilɛ sooge ŋa a sì a kaako angulei iluu ku ba a zamba ŋa.

Zozue 8:27

Amma si tuubau ihɛ̃ inɛi Izirɛli ŋau à so mɛɛmu ŋa do amani ŋa iyi à ba hai si iluu í jɛ tu ŋa si bɛi Aɔ̃ Lafɛ̃ɛ í tako í sɔ̃ Zozueu wo.

Zozue 9:24

Ŋɔi inɛi Gabaɔ̃ɔ ŋau à jɛa Zozue à ni, mii iyi í jɔ̀ à lasabu à fɔò bɛɛbɛ wee. À gbɔ iyi Aɔ̃ Lafɛ̃ɛɛ í na Moizi woo ce icɛɛ ilɛu ihɛ̃ ku jɛ tu ŋɛ. Nɔ bɛɛbɛ mɔi à gbɔ iyi aa maa kpa inɛ ŋa iyi à wa si ilɛu feii kpɛlɛ kpɛlɛ i maa nɛò wa ŋa. Na nŋu, kuto nŋɛ wa ihɛ̃ í jɔ̀ njo í mu wa ntɔ ntɔ na hunde nwa.