Zozue 10:39 - Bibeli do fee

³⁹ Ŋɔi à jɛ aŋa mɔ igũ nɔ à kpa ilaaluu do inɛɛ ŋa hee do ilu ŋa iyi à wa amɛɛ bɛ fei. Nɔ à kpa inɛ ŋau fei a kù jɔ̀ inɛ baa akã. Ŋɔi Zozue í cea inɛi Debii ŋau do ilaalu nŋa fei bɛi í tako í cea inɛi Eborɔ̃ɔ ŋa do bɛi í cea inɛi Libuna ŋau do ilaalu nŋa fei.

Zozue 10:39 Iomraidhean Croise

Ilaalu 2, 10:11

Ŋɔi Yehu í kpa inɛ ŋa iyi à gbe si kpasɛ̃i Akabu Yizireɛli bɛu fei hai inɛ ngbo ŋau do nyaanzeɛ ŋa do woo weeɛ ŋau fei, kù jɔ̀ baa akã ku fita si.

Abudiasi 1:18

Tɔkui Zakɔbu ŋa aa yɛi bɛi ina, nɔ tɔkui Zozɛfu ŋa mɔ, aa yɛi bɛi amɛi ina. Aŋai aa jo tɔkui Esau ŋa bɛi ina í ya jo fɔfɔ. Aa jo ŋai mam mam a kaa jɔ̀ baa inɛ kãma si hunde. Amu Aɔ̃ Lafɛ̃ɛi ǹ fɔ bɛɛbɛ.

Wooda ku kɔsi 3:3

Ŋɔi Aɔ̃ Lafɛ̃ɛ nwa í da nwa Ɔgu ilaalui Basãau si awɔ nŋu do zamaaɛ ŋau fei, ŋɔi à jɔɔ igũ nɔ a kù jɔ̀ inɛɛ ŋau baa akã ku fita si.

Zozue 10:33

Ŋɔi Hɔramu ilaalui Gezɛɛ í naa ku sobi inɛi Lakisi ŋa. Nɔ Zozue í kpa nŋu mɔ do inɛɛ ŋa fei, inɛ baa akã kù ba kù fita si.

Zozue 10:37

Nɔ à jɛ ŋa igũ à kpa ilaaluu do inɛɛ ŋa fei, nɔ ilu ŋa mɔ iyi à wa amɛɛ bɛ fei à jɛ ŋa igũ nɔ à kpa aŋa fei. Zozue kù jɔ̀ inɛ baa akã ku fita si. Bɛi í tako í cea ilui Egolɔ̃ɔu, bɛɛbɛi í cea aŋa mɔ. Í kpa ŋai fei mam mam.

Zozue 10:38

Si anyiɛ nɔ Zozue do inɛi Izirɛli ŋau à sinda à nyi do anyi à bɔ ikpa Debii à koo à lɔ si aŋa mɔ.

Zozue 10:40

Zozue í jɛ ilɛu fei igũ. Í jɛ ilaalu ŋa iyi à wa si antaii iri kuta ŋau igũ do inɛ ŋa iyi à wa ikpa awɔ cangai kpãai inunu do ikpa bi gbaau, do inɛ ŋa iyi à wa si lɔɔmau hee do inɛ ŋa iyi à wa si fatama ŋa. Ilaalu ŋau fei í jɛ ŋa igũi nɔ í kpa inɛ fei, kù jɔ̀ inɛ kãma kù ba kù fita si. Í kpa andi mii iyi wa mi si hunde fei, si bɛi Aɔ̃ Lafɛ̃ɛi inɛi Izirɛli ŋau í fɔu.

Zozue 11:8

Nɔ Aɔ̃ Lafɛ̃ɛ í daa inɛi Izirɛli ŋa inɛ ŋau si awɔ, à kãmia ŋa nɔ à lele ŋa hee Sidɔ̃ɔ ilu nlau, nɔ à bɔ hee Misirefɔti-Maimu, nɔ à lele ŋa má à bɔ ikpa nunui daakɔ hee ku bɔ ikpa lɔɔmai Misipa, nɔ à kpa ŋa a kù jɔ̀ baa inɛ akã kù fita si.

Zozue 12:13

do ilaalui Debii do ilaalui Gedɛɛ

Samuɛli 1, 15:3

Nsɛi, dede bɛbɛi i koo si ŋa. Koo ce asɔɔi mii ŋa iyi à nɛ fei nɔ i maà ce araare nŋa. Kpa mii ŋa iyi à wɛɛ fei, hai inɛmɔkɔ do inaabo do amu ŋa do ama kpɔtɔɔ ŋa hee do kɛtɛ ŋa do angudã ŋa do iwo ŋa ku koo si kpookpo do gbankɛlɛ ŋa fei.

Samuɛli 1, 15:8

Í kpa zamaau fei do taakuba, í gbe Agagi ilaalu nŋa nŋu akã iyi í mu.