Zozue 10:26 - Bibeli do fee

²⁶ Si anyiɛ nɔ Zozue í jɔ̀ à kpa ŋa nɔ à kɔa ikui aŋa miiu fei si jĩi ŋa à jɔ̀ ŋa bɛ hee í koo í to alɛ.

Zozue 10:26 Iomraidhean Croise

Samuɛli 2, 21:6

Na nŋu, nya nwa amanɛ mɛɛje wa hai si dimii Saulu i da nwa si awɔ káa kpa ŋa si wajui Aɔ̃ Lafɛ̃ɛ Gibea ilui Saulu, inɛ iyi Aɔ̃ Lafɛ̃ɛ í cicau. Ŋɔi ilaalu í ni, an naaò ŋa wa.

Samuɛli 2, 21:9

nɔ í daa inɛi Gabaɔ̃ɔ ŋau si awɔ. Nɔ à koo à bagãm ŋa si iri kuta wajui Aɔ̃ Lafɛ̃ɛ. Aŋa mɛɛjeu fei à ku ajɔ. À kpa ŋai si waati iyi à sinti ɔɔzu ku mu.

Ɛsitɛɛ 2:23

Ŋɔi à wusɛ ideu nɔ à ba wee ntɔi. Nɔ à gbã inɛ minji ŋau à koo à bagãm ŋa. Nɔ à kɔ ideu si waatii ilaaluu si tiai ide ŋa iyi í ce si bommau.

Iri ku kɔ̃ 149:7

ku ba a sãò gbesei mii iyi dimi mmu ŋa à ce nŋa, nɔ a kpã ŋa iju.

Iri ku kɔ̃ 18:41

Awɔi ì ya jɔ̀ mbɛɛm ŋa a saam, nɔ ì ya jɔ̀ n ce nfei inɛ ŋa iyi à cém.

Kuka 25:4

Ŋɔi Aɔ̃ Lafɛ̃ɛ í sɔ̃ Moizi í ni, mu inɛ ŋa iyi à ya gbã inɛi Izirɛli ŋa a maa bɔò ŋa si iwɛ̃ ŋa ku tɔɔu fei, i jɔ̀ a kpa ŋa, si wajum do ijui inunu, ku ba idɔɔkɔ̃m nɔu ku kita hai si inɛi Izirɛli ŋa.

Matie 27:25

Ŋɔi inɛ ŋau fei à jɛ à ni, kunikãi njɛɛu ku jɛ idei irii awa do ama nwa ŋa.

Laabaau jiida iyi Zãa í kɔ 19:31

Si bɛi à wa si sɔɔlui ajɔi kusĩmiu, Zuifu ŋau a kù waa bi ajɔu ku to wa ku ba iku ŋau si jĩi ŋau bɛ, domi ajɔu ajɔ nla gɔi. Nŋui í jɔ̀ à koo à tɔɔ Pilati ku jɔ̀ a cɛ kutɛi inɛ ŋa iyi à kpakpa ŋau, nɔ a nya ŋa hai bɛ.

Galati 3:13

Amma Kirisi í ya wa hai si ikpei wooda si waati iyi í na í jɛ ilu ikpe na iri nwa. Í na í jɛ ilu ikpe si na iyi í jɔ̀ kukɔi idei Ilaaɔ̃ wa fɔ í ni, inɛ iyi à kpakpa si antaii jĩi fei ilu ikpei.

Zozue 8:29

Ŋɔi Zozue í jɔ̀ à bagãm ilaalui Aiu si jĩi hai daakɔ hee alɛ í koo í lɛò. Iyi alɛ í lɛ ŋɔi í ni a koo a nya ikuɛu wa, ŋɔi à nyaa wa à na à nyɔɔ andɛ koofai iluu nɔ à timbi siɛ kuta ikɔ nla nla. Kuta ŋa iyi à timbi siɛu à wa bɛ baa nnyi.

Woo kiiti ŋa 8:21

Nɔ Zeba do Salumuna à sɔ̃ Zedeɔ̃ à ni, awɔ takaɛ dede i kpa wa, domi bɛi inɛ í yɛ, bɛɛbɛ mɔi gbugbãɛ á yɛ. Ŋɔi Zedeɔ̃ í dede í kpa ŋa. Si anyiɛ nɔ í nya booda nŋa ŋa iyi à yɛ bɛi cukpa titɔ̃ iyi à dasi kɔ̃ɔi kpookpo nŋa ŋau.

Samuɛli 1, 15:33

Amma Samuɛli í sɔ̃ɔ í ni, do taakubaɛi ì kpaò inɛ ŋa ì jɔ̀ iyei amu ŋa à kua ama nŋa ŋa. Bɛɛbɛ mɔi iyeɛ á kua amaɛ. Nɔ Samuɛli í cafeɛ si wajui Aɔ̃ Lafɛ̃ɛ Giligali bɛ.