Zozue 10:24 - Bibeli do fee

²⁴ Iyi à gbã ŋa à naaò ŋa wa bi Zozue, ŋɔi Zozue í kpe inɛi Izirɛli ŋau fei nɔ í sɔ̃ inɛ ngboi igũ ŋa iyi aŋaò ŋa à ce isɛɛnɛu í ni, i sɛkɛɛ wa ŋa, i lesi kutɛ nŋɛ ŋa si kɔ̃ɔi ilaalu ŋau ihɛ̃. Ŋɔi à sɛkɛɛ wa nɔ à lesi kutɛ nŋa ŋa si kɔ̃ɔi inɛ ŋau.

Zozue 10:24 Iomraidhean Croise

Samuɛli 2, 22:39

Ǹ ya n cafe ŋai n tambɔ ŋa. A ci ya yɔkɔ a dede. Aŋa fei à ya cuku a kui si abɛm.

Samuɛli 2, 22:41

Ì ya jɔ̀ mbɛɛm ŋa a to anyi a maa saam, nɔ n kpa irii inɛ ŋa iyi à cém.

Iri ku kɔ̃ 107:40

Aɔ̃ Lafɛ̃ɛ í jɔ̀ à donda inɛ ngbo ŋau. Í jɔ̀ à nyɔ à waa bibii si gbaa hai nɛ kpãau.

Iri ku kɔ̃ 110:1

Iriu ihɛ̃ ti Davidii. Aɔ̃ Lafɛ̃ɛ í sɔ̃ Lafɛ̃ɛm í ni, buba do ikpa awɔ njɛm ihɛ̃, hee n ce mbɛɛɛ ŋa bi ku lesi isɛɛ.

Iri ku kɔ̃ 110:5

Aɔ̃ Lafɛ̃ɛ í wa awɔ njɛɛ. Á ce nfei ilaalu ŋai ajɔ iyi idɔɔkɔ̃ɛ á dede.

Iri ku kɔ̃ 18:40

Awɔi ì ya muum gbugbã n ceò igũ n tɛɛsɛ mbɛɛm ŋa. Aŋa wee ǹ wa n leekĩ si antai nŋa.

Iri ku kɔ̃ 91:13

Aa nɛ̀ si muusu nla do njo wukuku, nɔ aa yɔkɔ i tɛɛsɛ akandama do njou, zigiida kaa wa si.

Ezai 51:23

Inɛ ŋa iyi à waa bíɛɛ inɔ kufɔ ŋaui an na, aŋa iyi à ya tako a sɔ̃ɛ wo a maa ni, sɛɛbata nɔ ka gũ antaiɛ ka nɛ si. Nɔ ì ya jɔ̀ nŋa anyiɛi bɛi sãai kpãa a maa nɛ si.

Romu 16:20

Kaa kpɛ má, Ilaaɔ̃ nŋu iyi wa mu nwa laakai ku sũ, á jɔ̀ i tɛɛsɛ Seetam ŋa. Didɔ̃i Lafɛ̃ɛ nwa Jesu ku wɛɛ do iŋɛ.

Wooda ku kɔsi 33:29

Iŋɛ ilu inɔ didɔ̃ ŋai iŋɛ inɛi Izirɛli ŋa. Iŋɛ akãi ì jɛ zamaa iyi Aɔ̃ Lafɛ̃ɛ í faaba. Aɔ̃ Lafɛ̃ɛi í jɛ tɛli iyi wa degbe ŋɛ. Nŋui í jɛ taakuba iyi í jɔ̀ ì waa jɛ igũ ŋa. Mbɛɛ nŋɛ ŋa aa ya naa a tɔɔ i ce araarei aŋai, nɔ iŋɛi aa kɛkɛ faau nŋa ŋa.

Ebɛɛ 1:13

Ilaaɔ̃ kù nɔ kù sɔ̃ amalekaɛ gɔ kù ni, buba do ikpa awɔ njɛm ihɛ̃ hee n ce mbɛɛɛ ŋa bi ku lesi isɛɛ.

Woo kiiti ŋa 8:20

Ŋɔi Zedeɔ̃ í sɔ̃ Yetɛɛ ama yemmaɛu í ni, dede i koo i kpa ŋa. Amma ama awaasũu kù jɛ ku yɔ baa taakubaɛ domi wa ce njo si na iyi í jɔ̀ wa kere.