Zozue 10:20 - Bibeli do fee

²⁰ Ŋɔi Zozue do inɛi Izirɛli ŋau à jɛ mbɛɛ nŋa ŋau igũ à kãmia ŋa à kpa ŋa fei, í gbe inɛ gɔ ŋa iyi à ba à sa à nɛ ikpa ilu ku nɛ gbugbã ŋau.

Zozue 10:20 Iomraidhean Croise

Samuɛli 2, 20:6

Ŋɔi Davidi í sɔ̃ Abisai í ni, Seba amai Bikiri á na ku ce nwa laalɔ ku re iyi Abusalɔmu í ce. Na nŋu, so ciikum ŋau awɔ takaɛ nɔ i koo, ku ba ku maà na ku sa nwa koo manji si ilu ku nɛ gbugbãu gɔgɔɛ gɔ.

Ilaalu 1, 20:21

Ŋɔi ilaalui Izirɛli í naa í kpa acĩ nŋa ŋa nɔ í lɛgɛ sarɛtii igũ nŋa ŋa. Do yaase bɛɛbɛi í kãmia ŋaò mam mam.

Bomma 2, 13:17

Abiya do zamaaɛ ŋa à ce asɔɔ nŋa ntɔ ntɔ. Sooge kaasãanɛ dubu cĩɔ miiui (500.000) í ku si inɛi Izirɛli ŋau.

Zeremi 4:5

I cã kɛsɛɛdɛ si ilɛi Zudaa ŋa. I dɔ̃ anu si ilui Zeruzalɛmu ŋa. I fã kuu si ilɛu. I dɔ̃ anu hee lele i ni ŋa, i tɔtɔɔ wa ka sa ka bɔ si ilu ku nɛ bindi ku nɛ gbugbã ŋau ŋa.

Zeremi 8:14

Inɛ ŋau à ni, na mii í jɔ̀ à waa buba inya akã ihɛ̃. I tɔtɔɔ wa ŋa nɔ ka koo si ilu ku nɛ gbugbã ŋau kaa ku, domi Aɔ̃ Lafɛ̃ɛ nwa wa kpa wai. Inyi ku nɛ kɔ̃ɔtɛ̃i í jɔ̀ à waa mɔ, si na iyi í jɔ̀ à ce dulum bi titɛɛ.

Wooda ku kɔsi 20:16

Amma si ilui inɛ ŋa iyi Aɔ̃ Lafɛ̃ɛ á mu nŋɛ ilɛ nŋa ku jɛ tubu nŋɛu, i maà jɔ̀ nkãma bɛ ŋa iyi wa mi si hunde.

Zozue 10:10

Ŋɔi Aɔ̃ Lafɛ̃ɛ í jɔ̀ njo í mu inɛ ŋau nɔ à waa saa inɛi Izirɛli ŋau nɔ inɛi Izirɛli ŋau à kãmia ŋa ntɔ ntɔ kɔkɔi Gabaɔ̃ɔ nɔ à lele ŋa à nɛò ŋa hee kpãa iyi wa bɔ ikpa Bɛti-Horɔ̃ɔ. Nɔ à koo à jɛ ŋa igũ hee ilui Azeka do Makeda.

Zozue 10:19

Amma iŋɛ taka nŋɛ i maà leekĩ i kpɛ bɛ ŋa. I lele mbɛɛ nŋɛ ŋau, nɔ i mu ŋa do anyi ŋa. I maà jɔ̀ a lɔ inɔ ilu nŋa ŋa, domi Aɔ̃ Lafɛ̃ɛ nŋɛ í dasi ŋa si awɔ nŋɛi.

Zozue 10:21

Nɔ inɛi Izirɛli ŋau fei à sinda à baa bi Zozue kɔkɔi Makeda bɛ baani. Si anyii nŋu inɛ kãma kù jɛ ku dɔ̃ nŋa ide gɔ má.

Zozue 11:12

Zozue í gba ilui Hasɔɔu do ilu ŋa iyi à wa amɛɛ bɛ fei do ilaalu nŋa ŋa, nɔ í jɔ̀ à kpa aŋa fei, bɛi Moizi woo ce icɛi Aɔ̃ Lafɛ̃ɛ í tako í fɔu.

Zozue 11:8

Nɔ Aɔ̃ Lafɛ̃ɛ í daa inɛi Izirɛli ŋa inɛ ŋau si awɔ, à kãmia ŋa nɔ à lele ŋa hee Sidɔ̃ɔ ilu nlau, nɔ à bɔ hee Misirefɔti-Maimu, nɔ à lele ŋa má à bɔ ikpa nunui daakɔ hee ku bɔ ikpa lɔɔmai Misipa, nɔ à kpa ŋa a kù jɔ̀ baa inɛ akã kù fita si.

Zozue 8:24

Waati iyi inɛi Izirɛli ŋa à kpa inɛi Ai ŋau fei à tã tengi bi gbaa bii à lele ŋa à bɔò ŋau, ŋɔi à dasi inɔ iluu à koo à kpa inɛ ŋa iyi à gbeu.