Zozue 10:16 - Bibeli do fee

¹⁶ Ilaalu miiu ŋau à sa à koo à manji Makeda si isai kuta gɔ.

Zozue 10:16 Iomraidhean Croise

Iri ku kɔ̃ 68:12

Ilaaɔ̃ Lafɛ̃ɛ í fɔ ide gɔ nɔ inaabo woo sisi laabaau jiida ŋa à dede nkpɔ nkpɔ bɛi sooge ŋa.

Iri ku kɔ̃ 68:13

Ilaalui sooge mbɛɛ ŋau à sa do kutɛ gbãa. Nɔ inaabo ŋa iyi à gbe ide à kpɛ̃ amani nŋa ŋau.

Amɔsu 9:2

Bii à sa à bɔ bi kuwai iku ŋa an nya ŋa wa do awɔm. Bii à gũ lelei Aɔ̃ an kita ŋa wa.

Misee 7:17

Ilùlùi aa maa ya bɛi njo do mii ku cã ilɛ ŋa. Aa fita wai hai bi kuwa ku nɛ gbugbã nŋau do njo a maa bɔ ikpa bi awɔ Aɔ̃ Lafɛ̃ɛ nwa. Njo á maa mu ŋai nɔ zigi nŋa á maa da na iriɛ.

Zozue 10:15

Si anyii nŋu nɔ Zozue do inɛi Izirɛli ŋau fei à nyi Giligali asɔ nŋa.

Zozue 10:17

Ŋɔi à koo à sɔ̃ Zozue à ni, ilaalu miiu ŋau à koo à manji Makeda si isai kuta gɔ.

Zozue 10:5

Si bɛɛbɛ ŋɔi ilaalui inɛi Amɔre ŋau à tɔtɔɔ aŋa miiu. Ilaalui Zeruzalɛmu do ti Eborɔ̃ɔ do ti Yamuti do ti Lakisi do ti Egolɔ̃ɔ à tɔtɔɔ à nɛ do sooge nŋa ŋa fei, nɔ à koo à ce asɔ kɔkɔi Gabaɔ̃ɔ ku ba à lɔ si ŋa.

Kuyɛi Zãa 6:15

Waati bɛɛbɛi ilaalui andunya ŋa do ilu ilɛ ŋa do inɛ ngboi sooge ŋa do ilu amani ŋa do ilu gbugbã ŋa do inɛ fei de, hai aru do inɛ ŋa iyi à nɛ ara nŋa, à waa manji si isai kuta do si afei kuta ŋa.

Woo kiiti ŋa 6:2

Nɔ à kpã ŋa iju ntɔ ntɔ. Na iri nŋai inɛi Izirɛli ŋau à sa à koo à manji si angbɔɔi iri kuta ŋa do si isai kuta ŋa do si inya kugaabu ku lɔ ŋa.

Samuɛli 1, 13:6

Ŋɔi inɛi Izirɛli ŋa à yɛ iyi aŋa à wa si mbiisi nla nla si na iyi í jɔ̀ à ce amɛɛ si ŋa wa, nɔ à sa à waa manji si inɔ isai kuta ŋa do si abɛ wua ŋa do si afei kuta ŋa do si inɔ isa ŋa do si inɔ isɔ̃ ŋa.

Samuɛli 1, 24:3

Ŋɔi Saulu í cica sooge dubu mɛɛta (3.000) si inɛi Izirɛli fei nɔ à dede à bɔ Davidi do inɛɛ ŋa ku dɛdɛ hee antaii kuta iyi à ya kpe kutai iwoi ido ŋa.

Samuɛli 1, 24:8

Ide iyi Davidi í fɔu bɛi í ganji inɛɛ ŋa a kpa Saulu. Ŋɔi Saulu í dede í fita hai inɔ isau nɔ í dasi kpãa wa nɛ.