Zozue 10:14 - Bibeli do fee

¹⁴ Ajɔ kãma kù yɛ bɛi ajɔ nŋu bɛ hai tako hee do nsɛi fei bii Aɔ̃ Lafɛ̃ɛ í ce bɛi amanɛ í tɔɔɛ. Aɔ̃ Lafɛ̃ɛ takaɛi wa jaa inɛi Izirɛli ŋau.

Zozue 10:14 Iomraidhean Croise

Kufita 14:14

Aɔ̃ Lafɛ̃ɛi á na ku ce igũ si agbɛ nŋɛ. Iŋɛ i leekĩ sɛ̃ɛ ŋa.

Kufita 14:25

Í jɔ̀ kutɛi sarɛtii igũ nŋa ŋau wa mile nɔ kù waa nɛ dee dee má. Ŋɔi inɛi Ezibiti ŋau à waa ni, ka saa inɛi Izirɛli ŋau ku jĩ, domi Aɔ̃ Lafɛ̃ɛi wa ce igũ do awa si agbɛ nŋa.

Ezai 38:8

Geete ŋa iyi Ahazi í jɔ̀ à ma ku ba ku ya gũ [ku lɔò inɔ ileɛu,] à wai wo si inunu. Amma jĩjĩ í tɛkɛɛ si ŋa wa do anyi. To, nsɛi Aɔ̃ Lafɛ̃ɛ á jɔ̀ jĩjĩu ku tɛkɛɛ ku bɔ do waju si geete mɛɛwa ŋau. Nɔ ntɔ ntɔ, jĩjĩu í tɛkɛɛ hai tengi bii í wau, nɔ geete mɛɛwa ŋau à wa si inunu má.

Zakari 14:3

Si anyii nŋu, Aɔ̃ Lafɛ̃ɛ á dede si dimi ŋau bɛi í ya ce si waatii igũ ŋau.

Luku 17:6

Ŋɔi Lafɛ̃ɛ í ni, baa bii naanɛ ku dasi nŋɛ í mungaò ijui iyaku, aa yɔkɔ i sɔ̃ jĩi nɔu ihɛ̃ i ni ku wu hai bɛ, koo lɔ araɛ si tenku, á nɔ ku ceò ide nŋɛ icɛ.

Wooda ku kɔsi 1:30

Aɔ̃ Lafɛ̃ɛ nŋɛ, nŋui á maa cuaa nŋɛ, nŋu takaɛi á ja nŋɛ si bɛi í ce nŋɛ si ilɛi Ezibiti tã nɔ iju nŋɛ í yɔɔ,

Zozue 10:15

Si anyii nŋu nɔ Zozue do inɛi Izirɛli ŋau fei à nyi Giligali asɔ nŋa.

Zozue 10:42

Si igũ ku bɔ tuuba akãi Zozue í jɛ ilaalu ŋau bɛ fei igũ nɔ í gba ilɛ nŋa ŋau, domi Aɔ̃ Lafɛ̃ɛi Izirɛli wa sobi inɛi Izirɛli ŋa si igũu.

Zozue 23:3

Ì nɔ ì yɛ bɛi Aɔ̃ Lafɛ̃ɛ nŋɛ í cea inɛ ŋa iyi à wa si ilɛ ŋau ihɛ̃ fei na iri nŋɛ. Nŋu takaɛ í ja nŋɛ igũ.