Zozue 10:12 - Bibeli do fee

¹² Ajɔ iyi Aɔ̃ Lafɛ̃ɛ í daa inɛi Izirɛli ŋa inɛi Amɔre ŋau si awɔ, ŋɔi Zozue wa tɔɔ Aɔ̃ Lafɛ̃ɛ si wajui inɛi Izirɛli ŋau í ni ku jɔ̀ inunu ku leekĩ si tengii Gabaɔ̃ɔ nɔ í ni cukpa mɔ ku leekĩ si tengii lɔɔmai Ayalɔ̃ɔu.

Zozue 10:12 Iomraidhean Croise

Samuɛli 2, 2:12

Si anyiɛ ŋɔi Abinɛɛ amai Nɛɛu do inɛi Isebosɛti amai Saulu ŋau à dede hai Mahanaimu à waa bɔ ilui Gabaɔ̃ɔ.

Ilaalu 2, 20:10

Ŋɔi í jɛaa í ni, á faala jĩjĩ ku gũ bi ku tɛ mɛɛwa wa, amma de ǹ bi ku nyiò anyi.

Ilaalu 2, 20:11

Ŋɔi Ezai í tɔɔ Aɔ̃ Lafɛ̃ɛ ku jɔ̀ jĩjĩu ku nyiò anyi si bi ku tɛ ku gũi Ahazi. Nɔ Aɔ̃ Lafɛ̃ɛ í coo.

Ilaalu 2, 20:9

Ŋɔi Ezai í jɛaa í ni, Aɔ̃ Lafɛ̃ɛ á jɔ̀ i ba nyinda gɔ iyi á jɔ̀ i mà kãm kãm iyi kuwã iyi í ceu, á kɔ̃. Ì bi jĩjĩ ku mɔsi si bi ku tɛ ku gũ ŋau zakai ara mɛɛwai de, mà ku nyiò anyi hee si ara mɛɛwa.

Bomma 1, 8:13

Beria do Sema iyi à jɛ ilu kpasɛ̃ ŋa si ilui Ayalɔ̃ɔ, aŋai à lele inɛi Gati ŋa.

Bomma 2, 11:10

do Sorea do Ayalɔ̃ɔ do Eborɔ̃ɔ. Ilu ŋau bɛi à jɛ ilu ku nɛ gbugbãi ilɛi Zudaa do ilɛi Bɛnzamɛɛu.

Zɔɔbu 9:7

Í ya ganji inunu ku fita, nɔ í ya sɔkɔ si leleaɔ̃ ŋa.

Iri ku kɔ̃ 148:3

Cukpa do inunu, i saabuɛ ŋa. Iŋɛ leleaɔ̃ ŋa fei, iŋɛ iyi ì ya maa má inya ŋa, i saabuɛ ŋa.

Iri ku kɔ̃ 19:4

Kù jɛ si faaji gɔ kù nɔ kù jɛ si ide ku fɔ gɔ, a kù nɔ a kù waa gbɔ imu nŋa.

Iri ku kɔ̃ 74:16

Awɔi ì nɛ ajɔ, awɔi ì nɛ idũ mɔ. Awɔi ì ce cukpa do inunu.

Ezai 28:21

Aɔ̃ Lafɛ̃ɛ á dedei bɛi í ce si iri kutai Perasimu. Idɔɛ á kɔ̃i bɛi í ce si lɔɔmai Gabaɔ̃ɔ ku ba ku ce icɛɛ. Icɛu, icɛ titɔ̃i. Icɛɛu, icɛ gɔi iyi inɛ ŋa a kù nɛ dɔ̃ɔnɛɛ.

Ezai 38:8

Geete ŋa iyi Ahazi í jɔ̀ à ma ku ba ku ya gũ [ku lɔò inɔ ileɛu,] à wai wo si inunu. Amma jĩjĩ í tɛkɛɛ si ŋa wa do anyi. To, nsɛi Aɔ̃ Lafɛ̃ɛ á jɔ̀ jĩjĩu ku tɛkɛɛ ku bɔ do waju si geete mɛɛwa ŋau. Nɔ ntɔ ntɔ, jĩjĩu í tɛkɛɛ hai tengi bii í wau, nɔ geete mɛɛwa ŋau à wa si inunu má.

Ezai 60:20

Inunuɛ kaa ya lɔ má, nɔ cukpaɛ mɔ kaa ya lɔ má, domi Aɔ̃ Lafɛ̃ɛi á jɛ inya kumáɛ hee do ajɔ fei. Ajɔi inɔ kufɔi iku ŋau mɔ, aa kpa irii.

Zeremi 28:1

Si adɔ̃ akãu bɛ, hai sintei bomma ku jɛi Sedesiasi ilaalui Zudaa, si cukpa miiusiai adɔ̃ mɛɛsia, Hanania amai Azuu walii Gabaɔ̃ɔu í bam ide ku fɔ si inɔ kpasɛ̃i Aɔ̃ Lafɛ̃ɛ si wajui woo wee ŋau do si wajui zamaau fei í ni,

Amɔsu 2:9

Si waju nŋɛi ǹ ce nfei inɛi Amɔre ŋa iyi kugboka nŋa í yɛ bɛi jĩi ndii sɛɛdi nɔ gbugbã nŋa í yɛ bɛi jĩi ndii sɛni. Ǹ ce nfei iso nŋa lele do icã nŋa mɔ si ilɛ.

Amɔsu 8:9

Aɔ̃ Lafɛ̃ɛ í ni, ajɔ nŋu bɛ an jɔ̀ inunu ku lɔ dasã mam mam. Dasãu ilu kukui á ce si ilɛu fei.

Abakuku 2:20

Amma Aɔ̃ Lafɛ̃ɛ í wai lelei Aɔ̃ si kpasɛ̃ kumáɛ. Inɛi andunya fei ku coko si wajuɛ.

Abakuku 3:11

Inunu do cukpa à leekĩ, na inya kumái afaɛ ŋau do kaka ku daanaɛ iyi ì ta.

Zakari 2:13

Ijuukpãm á naa si ŋa, nɔ inɛ ŋa iyi à waa ce nŋa icɛu wo aa sinda a ko mii du ŋa ŋa. Nɔ Zakari í ni, bii ajɔu í to wa aa mà ŋa iyi Aɔ̃ Lafɛ̃ɛi lele do ilɛi í bɛm wa.

Wooda ku kɔsi 17:3

í koo wa tɔɔ iwɛ̃ ŋa, wa gulɛ si waju nŋa, wa tɔɔ inunu do cukpa do leleaɔ̃ ŋa fei. Aɔ̃ Lafɛ̃ɛ wee kù bɛi kù bi bɛɛbɛ.

Wooda ku kɔsi 4:19

I ce laakai ŋa waati iyi ì wu iju lelei Aɔ̃, bii ì yɛ inunu do cukpa do leleaɔ̃ ŋa hee do mii ŋa iyi à wa lele bɛ fei, i maà ti i gulɛ i tɔɔ ŋa. Mii ŋau bɛ, mii ŋa iyi Aɔ̃ Lafɛ̃ɛ í cea zamaa fei ikpɛ̃ɛ mbɛ si ilɛ ihɛ̃.

Zozue 10:13

Ŋɔi inunu do cukpa à leekĩ hee í koo í to inɛi Izirɛli ŋau à jɛ mbɛɛ nŋa ŋau igũ. Ajɔ nŋu inunu í ce ajɔ akã kù lɔ. Mà a kù kɔɔ si tia iyi à ya kpe tiai inɛ dee deeu ba.

Zozue 19:42

do Salabɛ̃ɛ do Ayalɔ̃ɔ do Yitila

Zozue 21:24

do Ayalɔ̃ɔ do Gati-Rimɔɔ do ilɛɛko nŋa ŋa. Ilu mɛɛi à ba bɛ.

Woo kiiti ŋa 12:12

Si anyiɛ, nŋu mɔ í ku nɔ à koo à suu Ajalɔ̃ɔ si ilɛi inɛi Zabulɔ̃ɔ ŋa.

Woo kiiti ŋa 5:20

Leleaɔ̃ ŋa mɔ à dasi baa nŋa wa hai lele si igũu. À too kpãa nŋa wa nɔ à naa à jɛ Sisera igũ.

Samuɛli 1, 12:18

Ŋɔi Samuɛli í tɔɔ Aɔ̃ Lafɛ̃ɛ nɔ ajɔ nŋu bɛ Aɔ̃ Lafɛ̃ɛ í jɔ̀ à gbɔ kulai ijĩu nɔ ijĩ í wɔ. Ŋɔi zamaau fei í ce njoi Aɔ̃ Lafɛ̃ɛ do Samuɛli.

Samuɛli 1, 14:31

Ajɔ nŋu bɛ inɛi Izirɛli ŋa à kpa inɛi Filisi ŋa à lele ŋa hai Mikimasi à bɔò ŋa hee Ajalɔ̃ɔ. Ŋɔi à gbɛɛji hee í caa