Zozue 10:11 - Bibeli do fee

¹¹ Si bɛi à waa saa inɛi Izirɛli ŋau nɔ à to hee si lɔɔmai Bɛti-Horɔ̃ɔ, ŋɔi Aɔ̃ Lafɛ̃ɛ í jɔ̀ kutai ijĩ nla gɔ ŋa à waa cuku si ŋa wa hai lele hee à koo à toò Azeka nɔ à kukuku. Inɛ ŋa iyi kutai ijĩu í kpa à kpɔ à re inɛ ŋa iyi inɛi Izirɛli ŋa à kpa do taakuba.

Zozue 10:11 Iomraidhean Croise

Kusintii Andunya 19:24

Ŋɔi Aɔ̃ Lafɛ̃ɛ í jɔ̀ fainwita do ina í cuku wa hai lele si ilui Sodomu do Gomɔɔ.

Samuɛli 2, 18:8

Woo ce igũ ŋau à fangaai si inyau fei, nɔ akpɔi sooge ŋa iyi à ku si agbou í re baa iyi amanɛ ŋa à kpa si ijau.

Zɔɔbu 38:22

Ì to hee bii tũtũ í wa tãi? mà ì yɛ bi ku jilɛ kutai ijĩ ŋau.

Zɔɔbu 38:23

Ǹ jilɛ ŋai na ajɔi inɔ kufɔ ŋa do ajɔi ija do igũ ŋa.

Iri ku kɔ̃ 11:6

Mii iyi á cuku si ilu inɔ kukã ŋa wai í jɛ ina nyɛnyɛ do fainwita do fufu ku nɛ inya gbãa gɔ. Mii ŋau bɛi aa jɛ ikpɛ̃ iyi aa ba.

Iri ku kɔ̃ 147:17

Í jɔ̀ kutai ijĩ ŋau à waa cuku wa. Yooi á yɔkɔ ku leekĩ si tũtũ iyi í jɔ̀ wa ceu.

Ezai 28:2

Inɛ gɔ wee wa naa hai bi Aɔ̃ Lafɛ̃ɛ. Inɛɛu í nɛ gbugbã nɔ í nɛ wɔɔkɔ. Í yɛi bɛi kutai ijĩ iyi í wɔ wa do fufu nla nla ku ce asɔɔ, do bɛi ijĩ nla nla iyi í ya jɔ̀ inyi ku maa cã bii fei. Í jɔ̀ iluu í cuku hee ilɛ do gbugbã nla nla.

Ezai 28:21

Aɔ̃ Lafɛ̃ɛ á dedei bɛi í ce si iri kutai Perasimu. Idɔɛ á kɔ̃i bɛi í ce si lɔɔmai Gabaɔ̃ɔ ku ba ku ce icɛɛ. Icɛu, icɛ titɔ̃i. Icɛɛu, icɛ gɔi iyi inɛ ŋa a kù nɛ dɔ̃ɔnɛɛ.

Ezai 30:30

Aɔ̃ Lafɛ̃ɛ á jɔ̀ a gbɔ imui ilaalu ku jɛɛ hee lele. Á jɔ̀ inɛ ŋa a yɛ awɔɛ iyi á naa si ŋa si idɔɔkɔ̃ nla nlaɛ. Á nyisi idɔɔkɔ̃ nlaɛui si amɛi ina iyi í ya ce asɔɔ do si ijĩ iyi wa wɔ do fufu do kutai ijĩ ŋa.

Ezekiɛli 13:11

Sɔ̃ woo jɔsi ila fũfũ ŋau iyi idĩu á cuku. Ijĩ nla gɔ á wɔ do kuta wa nɔ fufu nla gɔ á ce ku fangaa mii fei.

Wooda ku kɔsi 20:4

Ntɔ ntɔ Aɔ̃ Lafɛ̃ɛ í wɛɛ do iŋɛ nɔ nŋui á ja nŋɛ ku ba ku faaba ŋɛ.

Kuyɛi Zãa 11:19

Ŋɔi à cĩ kpasɛ̃i Ilaaɔ̃ iyi í wa lele nɔ à yɛ kpakoi akabuuɛ si inɔɛ. Nɔ ijĩ wa ŋɔ, nɔ à waa gbɔ iba ŋa do kulai ijĩ. Nɔ ilɛ wa yaya, nɔ kutai ijĩ ŋa à waa cuku wa do gbugbã.

Kuyɛi Zãa 16:21

Ŋɔi kutai ijĩ nla nla ŋa à waa cuku si inɛ ŋa wa. Akãɛ fei í to kiloo ciiji. Nɔ inɛ ŋa à waa bu Ilaaɔ̃ na bɔ̃nɛi kutai ijĩu, domi bɔ̃nɛu í caa.

Woo kiiti ŋa 5:20

Leleaɔ̃ ŋa mɔ à dasi baa nŋa wa hai lele si igũu. À too kpãa nŋa wa nɔ à naa à jɛ Sisera igũ.