Zozue 10:10 - Bibeli do fee

¹⁰ Ŋɔi Aɔ̃ Lafɛ̃ɛ í jɔ̀ njo í mu inɛ ŋau nɔ à waa saa inɛi Izirɛli ŋau nɔ inɛi Izirɛli ŋau à kãmia ŋa ntɔ ntɔ kɔkɔi Gabaɔ̃ɔ nɔ à lele ŋa à nɛò ŋa hee kpãa iyi wa bɔ ikpa Bɛti-Horɔ̃ɔ. Nɔ à koo à jɛ ŋa igũ hee ilui Azeka do Makeda.

Zozue 10:10 Iomraidhean Croise

Samuɛli 2, 22:15

Ŋɔi í ta afa wa í fangaau mbɛɛm ŋa, í jɔ̀ dagba lele í cuku si ŋa wa nɔ à sa.

Ilaalu 1, 9:17

Ŋɔi Salomɔɔ í teese í ma ilui Gezɛɛu má do Bɛti-Horɔ̃ɔ iyi í wa ilɛ ilɛu,

Bomma 2, 14:12

Ŋɔi Aza do zamaa iyi í wa bi tɛɛu à lele ŋa hee Geraa. Nɔ inɛi Etiopi ŋa à ku à mɔngɔ ku faaba kuwɛɛ nŋa, domi Aɔ̃ Lafɛ̃ɛ do soogeɛ ŋa à ce nfe nŋa. Ŋɔi Aza do zamaaɛu à gba mii nkpɔ nkpɔ à nɛò.

Bomma 2, 25:13

Waati nŋu, sooge ŋa iyi Amasia í lele ku ba a maà tooɛ igũu, à fangaa si ilui Zudaa ŋau hai Samari hee ku bɔ Bɛti-Horɔ̃ɔ. Ŋɔi à kpa amanɛ dubu mɛɛta (3.000) nɔ à so mii nkpɔ à nɛò.

Iri ku kɔ̃ 18:14

Aɔ̃ Lafɛ̃ɛ í jɔ̀ à gbɔ kulai ijĩ. Ilaaɔ̃ nŋu iyi í wa hee lele í jɔ̀ à gbɔ imuɛ. Nɔ kutai ijĩ do ina nyɛnyɛ à waa cuku wa.

Iri ku kɔ̃ 44:3

Awɔi ì lele inɛi ilɛ gɔ ŋa ì bɛi ì buba inɛɛ ŋa bɛ. Ì kpã inɛi ilɛ ŋau ijui ì bɛi ì jilɛ inɛɛ ŋa bɛ ku ba akpɔ nŋa ku kɔ̃ɔsi.

Iri ku kɔ̃ 68:14

Si bɛɛbɛ ì koo ì waa sũ ŋa si bi ku jɛi mɛɛmu ŋa. Nɔ à yɛ ankasiidi gɔ í wa bɛ, isɔ fũfũ í bii ikpaɛ ŋa nɔ ntoɛ í yɛ bɛi wura ila igbaagba.

Iri ku kɔ̃ 78:55

Í lele dimi mmu ŋa si waju nŋa, nɔ í na ŋa ilɛu. Í jɔ̀ dimii inɛi Izirɛli ŋa à ce si bi kuwa.

Ezai 28:21

Aɔ̃ Lafɛ̃ɛ á dedei bɛi í ce si iri kutai Perasimu. Idɔɛ á kɔ̃i bɛi í ce si lɔɔmai Gabaɔ̃ɔ ku ba ku ce icɛɛ. Icɛu, icɛ titɔ̃i. Icɛɛu, icɛ gɔi iyi inɛ ŋa a kù nɛ dɔ̃ɔnɛɛ.

Ezai 30:30

Aɔ̃ Lafɛ̃ɛ á jɔ̀ a gbɔ imui ilaalu ku jɛɛ hee lele. Á jɔ̀ inɛ ŋa a yɛ awɔɛ iyi á naa si ŋa si idɔɔkɔ̃ nla nlaɛ. Á nyisi idɔɔkɔ̃ nlaɛui si amɛi ina iyi í ya ce asɔɔ do si ijĩ iyi wa wɔ do fufu do kutai ijĩ ŋa.

Zeremi 34:7

Nɔ si waati bɛɛbɛu, soogei ilaalui Babilɔni ŋau à koo à waa ce igũ si ilui Zeruzalɛmu do si ilu ku nɛ gbugbãi Zudaa ŋa iyi à gbe ŋau. Ilu ŋaui à ya kpe Lakisi do Azeka.

Zakari 14:3

Si anyii nŋu, Aɔ̃ Lafɛ̃ɛ á dede si dimi ŋau bɛi í ya ce si waatii igũ ŋau.

Wooda ku kɔsi 7:23

Amma Aɔ̃ Lafɛ̃ɛ nŋɛi á da nŋɛ inɛ ŋau si awɔ. Á jɔ̀ njo ku mu ŋai nɔ aŋa fei a sa hee a koo a ceò nfe.

Zozue 10:11

Si bɛi à waa saa inɛi Izirɛli ŋau nɔ à to hee si lɔɔmai Bɛti-Horɔ̃ɔ, ŋɔi Aɔ̃ Lafɛ̃ɛ í jɔ̀ kutai ijĩ nla gɔ ŋa à waa cuku si ŋa wa hai lele hee à koo à toò Azeka nɔ à kukuku. Inɛ ŋa iyi kutai ijĩu í kpa à kpɔ à re inɛ ŋa iyi inɛi Izirɛli ŋa à kpa do taakuba.

Zozue 10:28

Ajɔ akãu bɛi Zozue í gba ilui Makeda, nɔ í kpa ilaaluu do inɛi iluɛ ŋa fei. Kù jɔ̀ inɛ kãma kù ba kù gbã. Nɔ í cea ilaaluu bɛi í cea ilaalui Zerikou mɔ.

Zozue 10:9

Ŋɔi Zozue í koo í boe ŋa anu akã. Idũi í dede hai Giligali hee inya wa bɔ ku má í bɛi í to si ŋa.

Zozue 11:8

Nɔ Aɔ̃ Lafɛ̃ɛ í daa inɛi Izirɛli ŋa inɛ ŋau si awɔ, à kãmia ŋa nɔ à lele ŋa hee Sidɔ̃ɔ ilu nlau, nɔ à bɔ hee Misirefɔti-Maimu, nɔ à lele ŋa má à bɔ ikpa nunui daakɔ hee ku bɔ ikpa lɔɔmai Misipa, nɔ à kpa ŋa a kù jɔ̀ baa inɛ akã kù fita si.

Zozue 12:16

do ilaalui Makeda do ilaalui Betɛli

Zozue 15:35

do Yamuti do Adulamu do Soko do Azeka

Zozue 15:41

do Gederɔti do Bɛti-Dagɔ̃ɔ do Naama do Makeda. Aŋa mɔ à ce ilu nla maatũ do akã do ilɛɛko nŋa ŋa fei.

Zozue 16:3

Si anyiɛ nɔ í nɛ ikpa nunui alɛ do ikpa kɔɔi inɛi Yafulɛti ŋau hee ku bɔ Bɛti-Horɔ̃ɔ iyi í wa si lɔɔmau hee ku bɔ Gezɛɛ má, nɔ í koo í kpa iri si Tenku Nla iyi à ya kpe Mediteraneeu.

Zozue 16:5

Ilɛi dimii Efaraimu ŋa wee si bɛi nyaanze nŋa ŋa à to. Kɔɔi ilɛ nŋa do ikpa nunui daakɔ í wai hai Atarɔti-Adaa hee ku bɔ Bɛti-Horɔ̃ɔ iyi í wa si geeteu.

Zozue 21:22

do Kibusaimu do Bɛti-Horɔ̃ɔ do ilɛɛko nŋa ŋa. Nŋu mɔ í ce fei sãa sãa ilu mɛɛ.

Woo kiiti ŋa 4:15

Ŋɔi à sinti igũu, nɔ Aɔ̃ Lafɛ̃ɛ í jɔ̀ zigiida í naa si Sisera do inɛɛ ŋa fei nɔ à waa saa Baraki. Sisera takaɛ í kita í jɔ̀ sarɛtiɛ wa sa do kutɛ.

Woo kiiti ŋa 4:16

Ŋɔi Baraki í lele sooge ŋau do sarɛtii igũ nŋa ŋau hee Harosɛti-Goimu. Nɔ à kpa soogei Sisera ŋau fei, baa akã nŋa kù fita si.

Woo kiiti ŋa 5:20

Leleaɔ̃ ŋa mɔ à dasi baa nŋa wa hai lele si igũu. À too kpãa nŋa wa nɔ à naa à jɛ Sisera igũ.

Samuɛli 1, 13:18

akã mɔ í too kpãai Bɛti-Horɔ̃ɔ do ikpa nunui alɛ, mɛɛtasiau mɔ í too kpãa iyi wa bɔ kɔɔi ilɛi Bɛnzamɛɛ do ikpa nunui daakɔ. Kpãau wa cɔ lɔɔmai Seboimu ikpa gbaau.

Samuɛli 1, 17:1

Ajɔ nŋu gɔ, inɛi Filisi ŋa à ce sɔɔlui igũ à tɔtɔɔ sooge nŋa ŋa Soko si ilɛi Zudaa. Ŋɔi à koo à ce asɔ Efɛsi-Damimu si aninii Soko do Azeka.