Zozue 1:9 - Bibeli do fee

⁹ Maà gbɛjɛ iyi ǹ sɔ̃ɛ ǹ ni, jɔ̀ i nɛ wɔɔkɔ nɔ i nɛ gbugbã. Maà jɔ̀ njo ku muɛ, nɔ i maà ti i mɔngɔ munya, domi amu Aɔ̃ Lafɛ̃ɛɛ an wɛɛ do awɔ bii ì waa bɔ fei.

Zozue 1:9 Iomraidhean Croise

Kusintii Andunya 28:15

Ǹ wɛɛ do awɔ, an nɔ n maa n degbeɛ bii ì waa bɔ fei, nɔ n baaɛ wa si ilɛu ihɛ̃ má. N kaa n fũ siɛ awɔ, an ceɛ bɛi ǹ sɔ̃ɛu fei.

Kusintii Andunya 39:2

Nɔ Aɔ̃ Lafɛ̃ɛ í wɛɛ do Zozɛfu í jɔ̀ í jɛ ilu baaka. Nɔ inɔ ilei lafɛ̃ɛɛu mɔm nii í wa.

Kusintii Andunya 39:3

Mɔkɔu í mà iyi Aɔ̃ Lafɛ̃ɛ í wɛɛ do Zozɛfu, nɔ andi mii iyi wa ce fei Aɔ̃ Lafɛ̃ɛ í ya fũaa kpãaɛi.

Samuɛli 2, 13:28

Ŋɔi Abusalɔmu í sɔ̃ amaacɛɛ ŋa í ni, i maa nɛɛsi Amunɔɔ ŋa. Waati iyi inɔɛ á dɔ̃ si atɛ̃ vɛ̃ɛ an ni, i kpaa ŋa. Bii ì gbɔ bɛɛbɛ ŋa, i kpaa i maà sika ŋa. I maà ce njo ŋa nɔ i ce wɔɔkɔ ŋa. Idei irim nii á jɛ.

Bomma 1, 28:20

Ŋɔi Davidi í sɔ̃ Salomɔɔ amaɛu í ni, jɔ̀ i nɛ gbugbã nɔ i dasi wɔɔkɔ i ce icɛɛ. Maà ce njo nɔ i maà jɔ̀ idɔɛ ku dede, domi Aɔ̃ Lafɛ̃ɛm á wɛɛ do awɔ. Kaa kɔ̀siɛ pai, nɔ kaa fũsiɛ awɔ hee icɛi kpasɛ̃ɛu koo tãò.

Bomma 2, 15:7

Debɛi, iŋɛ i kɔ̃ɔsi gbugbã ŋa nɔ i maà mɔngɔ temua ŋa domi icɛ nŋɛ á nɛ ku sã.

Iri ku kɔ̃ 46:7

Inɛi ilɛ ŋa à ce iba, bomma ŋa à yaya, à gbɔ imui Ilaaɔ̃, nɔ ilɛ í yɔ.

Ezai 41:10

Maà jɔ̀ njo ku muɛ domi ǹ wɛɛ do awɔ. Maà ti i maa cɔ ilu do zigiida domi amui ǹ jɛ Aɔ̃ Lafɛ̃ɛɛ. An jɔ̀ i nɛ gbugbã, nɔ an naa n faabaɛ. An maa n muɛi do gbugbãm iyi í ya jɔ̀ n jɛ igũ.

Ezai 43:1

Bɛbɛi awɔ Zakɔbu, awɔ iyi ǹ taka, amu Aɔ̃ Lafɛ̃ɛ amu iyi ǹ ceɛ, awɔ dimii Izirɛli ǹ ni, maà jɔ̀ njo ku muɛ, domi ǹ yaɛ mbɛ, nɔ ǹ kpeɛ do iriɛ. Titom nii ì jɛ.

Ezai 43:5

Na nŋu, maà jɔ̀ zigiɛ ku da, domi ǹ wɛɛ do awɔ. Hai do ikpa nunui daakɔ wa, an jɔ̀ tɔkuɛ ŋa a baa, nɔ hai do ikpa nunui alɛ, an tɔtɔɔ inɛɛ ŋau wa.

Ezai 8:12

Í ni, i maà too si kucei inɛ ŋau bɛ ŋa bii à waa dĩ tɔɔsii laalɔ ku ce si gãmɛi mii ŋa iyi à jilɛ. I maà jɔ̀ zigi nŋɛ ku daò mii iyi wa da zigi nŋa ŋa. I maà ce njoɛ ŋa.

Daniɛli 10:19

Si anyii nŋu, nɔ í sɔ̃m í ni, maà jɔ̀ njo ku muɛ awɔ iyi Ilaaɔ̃ í bi. Wɛɛò laakai ku sũ. Dasi gbugbã, dasi gbugbã. Si bɛi wa bam ide ku fɔu, ǹ ba gbugbã nɔ ǹ ni, fɔ ide Lafɛ̃ɛm, domi ì jɔ̀ ǹ ba gbugbã.

Azee 2:4

Na nŋu, nsɛi, amu Aɔ̃ Lafɛ̃ɛi lele do ilɛ ǹ ni, awɔ Zorobabɛli do Zozue do inɛi Zudaa ŋa fei, i mua njɛ gbugbã ŋa nɔ i ce icɛ ŋa domi ǹ wɛɛ do iŋɛ.

Azee 2:5

Waati iyi ǹ nya bala nŋɛ ŋa wa hai ilɛi Ezibiti ǹ dĩ akabuu do aŋa. Do yaase bɛɛbɛ, hundem í wɛɛ do iŋɛ, i maà jɔ̀ zigi nŋɛ ku da.

Woo bɛ ŋa 4:19

Amma Piɛɛ do Zãa à sɔ̃ ŋa à ni, i bee ara nŋɛ ide bii á jɛ dee dee si wajui Ilaaɔ̃ ka gbɔ ide nŋɛ nɔ ka jɔ̀ ti Ilaaɔ̃.

Wooda ku kɔsi 1:21

I cɔ ŋa, Aɔ̃ Lafɛ̃ɛ nŋɛ í tɛ ilɛu si waju nŋɛ. I koo i gba ilɛu si bɛi Aɔ̃ Lafɛ̃ɛi bala nŋɛ ŋau í sɔ̃ ŋɛ. I dasi wɔɔkɔ, nɔ i maà ce njo ŋa.

Wooda ku kɔsi 20:1

Bii ì bɔ igũ bi mbɛɛ nŋɛ ŋa, nɔ ì yɛ acĩ ŋa do sarɛtii isɔ ŋa, nɔ zamaai inɛ ŋau í re zamaa nŋɛ, i maà ce njo nŋa ŋa, domi Aɔ̃ Lafɛ̃ɛ nŋɛ iyi í nya ŋɛ wa hai ilɛi Ezibiti í wɛɛ do iŋɛ.

Wooda ku kɔsi 31:23

Si anyii nŋu bɛi Aɔ̃ Lafɛ̃ɛ í sɔ̃ Zozue amai Nunu í ni, jɔ̀ i ce wɔɔkɔ nɔ i dasi gbugbã. Awɔi aa gbã inɛi Izirɛli ŋau i bɔò ŋa si ilɛ iyi ǹ ce nŋa kuwãɛ do kugbasiu nɔ amu takam an maa n wɛɛ do awɔ.

Wooda ku kɔsi 31:28

Nsɛi, i tɔtɔɔ inɛ ngboi dimi nŋɛ ŋa do inɛ ŋa iyi à ya maa cɔ yaase bɛi mii ŋa wa nɛ si anini nŋɛ wa bi titom ihɛ̃ ŋa. Ide iyi an fɔ, an fɔɔi si waju nŋa, nɔ ilɛ do lelei an so a jɛ sɛɛda.

Zozue 1:10

Zozue í na inɛ ngboi Izirɛli ŋau wooda í ni,

Zozue 1:17

Aa ka jirimaɛ dee dee bɛi à jirima Moizi. Aɔ̃ Lafɛ̃ɛɛ de ku wɛɛ do awɔ bɛi í wɛɛ do Moizi wo.

Zozue 1:18

Inɛ iyi í dondaɛ í kɔ̀ ku jirima mii iyi ì dasiɛ ku ce fei, aa kpa lafɛ̃ɛi. Awɔ de jɔ̀ i mua araɛ gbugbã nɔ i nɛ wɔɔkɔ.

Zozue 10:25

Ŋɔi Zozue í sɔ̃ ŋa í ni, i maà ce njo ŋa nɔ i maà jɔ̀ zigi nŋɛ ku da má, i jɔ̀ i nɛ gbugbã nɔ i nɛ wɔɔkɔ ŋa, domi bɛɛbɛi Aɔ̃ Lafɛ̃ɛ á cea mbɛɛ nŋɛ ŋau fei.

Zozue 10:8

Nɔ Aɔ̃ Lafɛ̃ɛ í sɔ̃ɔ í ni, maà ce njo nŋa, domi an daaɛ aŋa fei si awɔɛ, nɔ kãma nŋa kaa yɔkɔ ku leekĩ si wajuɛ.

Zozue 3:7

Ŋɔi Aɔ̃ Lafɛ̃ɛ í sɔ̃ Zozue í ni, hai nnyi an soɛ lele si wajui inɛi Izirɛli ŋa fei ku ba a mà iyi ǹ wɛɛ do awɔ bɛi ǹ tako ǹ wɛɛ do Moizi wo.

Zozue 6:27

Aɔ̃ Lafɛ̃ɛ í wɛɛ do Zozue nɔ iriɛ í fangaa bii fei si ilɛu.

Zozue 8:1

Ŋɔi Aɔ̃ Lafɛ̃ɛ í sɔ̃ Zozue í ni, maà ce njo, nɔ i maà mɔngɔ munya. Gbã soogeɛ ŋa fei nɔ i koo si ilui Aiu ŋa. An daaɛ ilaalui Aiu si awɔ, nŋu do inɛɛ ŋa do iluɛ do ilɛɛu fei.

Woo kiiti ŋa 6:14

Ŋɔi amalekai Aɔ̃ Lafɛ̃ɛu í sinda í sɔ̃ɔ í ni, koo do gbugbã iyi ì nɛu bɛ i koo i faabaò inɛi Izirɛli ŋa wa hai si awɔi inɛi Madiãa ŋau. Amui ǹ bɛɛ.

Samuɛli 1, 10:7

Waati iyi nyinda ŋau bɛ fei sãa sãa à ce, koo ce mii iyi ì ba fei, domi aa mà iyi ntɔ ntɔi Ilaaɔ̃ í wɛɛ do awɔ.