Zozue 1:8 - Bibeli do fee

⁸ Jɔ̀ i ya cio tiai woodau ihɛ̃ si wajui inɛ ŋa waati kãma fei, nɔ i ya maa muu si iriɛ dasãò idũ ku ba ide iyi à kɔ siu fei i ya maa ceò icɛ, domi do yaase bɛɛbɛi icɛɛ ŋa aa bɔò waju, nɔ fei ndɛɛ á cei dee dee.

Zozue 1:8 Iomraidhean Croise

Kusintii Andunya 24:63

Ajɔ nŋu gɔ ŋɔi í fita zakai alɛ wa dabii si sako wa lasabuò. Ŋɔi í wu iju í cɔ do wajuɛ nɔ í ba wee kpookpo ŋa à faata wa à waa naa ikpa bi tɛɛ.

Bomma 2, 26:5

Ŋɔi Oziasi wa dɛdɛ Ilaaɔ̃ si waatii kuwɛɛi Zakari fei. Zakariu í nɛ bisi ku mà kuyɛ iyi wa naa hai bi Ilaaɔ̃. Nɔ si waati nŋu bɛ Ilaaɔ̃ í mua Oziasi inɔ didɔ̃ si mii iyi wa ce fei.

Iri ku kɔ̃ 119:11

Ǹ wa n mu ideɛ ŋai si idɔm, ku ba n maà n ce dulum bi tɛɛ.

Iri ku kɔ̃ 119:15

Ǹ ya n maa n lasabui si woodaɛ ŋa, nɔ ijum í ya maa kãsi kpãa iyi ì waa nyisim.

Iri ku kɔ̃ 119:97

Ǹ nɛ kubii woodaɛ ŋa ntɔ ntɔ. Ǹ ya n maa n lasabu sii ajɔ fei.

Iri ku kɔ̃ 119:99

Kumà iyi ǹ nɛ í re ti woo kɔm ŋa fei, domi ideɛ ŋai ǹ ya n maa n lasabu si.

Iri ku kɔ̃ 19:14

Amu woo ce icɛɛ, jɔ̀ ilu faau ŋa a jĩim, maà jɔ̀ a kãmiam. Waati bɛɛbɛ, an jɛ inɛ dee dee iyi kù nɛ taale nla nla.

Iri ku kɔ̃ 40:10

Aɔ̃ Lafɛ̃ɛ, bii inɛɛ ŋa à tɔtɔɔ, an sisi laabaau jiida iyi í jɛ ti faaba. Nɔ ì mà kãm kãm iyi n kaa n yɔkɔ n coko.

Mɔnda ŋa 3:1

Amam, maà ya gbɛjɛ ikɔm ŋa, jɔ̀ i ya maa mu woodam ŋa si idɔɛ.

Ezai 59:21

Nɔ Aɔ̃ Lafɛ̃ɛ í nyi í ni má, kuwã iyi ǹ wa n ce si gãmɛi inɛ ŋau ihɛ̃ wee. Hundem iyi ǹ da nŋa si do idem ŋa iyi ǹ dasi si gɛlɛ nŋa, n kaa n nyaa hai si ŋa má, nɔ n kaa n nyaa baa hai si gɛlɛi tɔku nŋa ŋa má, nɔ n kaa n nyaa hai si gɛlɛi tɔkui aŋa mɔ má hai nsɛi hee do ajɔ fei. Bɛi Aɔ̃ Lafɛ̃ɛ í fɔ mbɛ.

Matie 12:35

Inɛ jiida ide jiidai í ya fɔ. Nɔ ide jiidau í ya naai hai si ide jiida iyi wa singa si idɔɛ. Bɛɛbɛ mɔi inɛ laalɔ ide laalɔi í ya fɔ. Nɔ ide laalɔu mɔ í ya naai hai si ide laalɔ iyi wa singa si idɔɛ.

Matie 28:20

Nɔ ide ŋa iyi ǹ sɔ̃ ŋɛ fei, i kɔ ŋa si ide ŋau ku jirima ŋa. Nɔ an maa n wɛɛ do iŋɛ ajɔ fei hee kɔɔi andunya.

Matie 7:21

Jesu í ni má, kù jɛ inɛ iyi wa kpem Lafɛ̃ɛ Lafɛ̃ɛ feii á na ku lɔ si bommai Ilaaɔ̃, bii kù jɛ inɛ ŋa iyi à waa ce idɔɔbii Baam iyi í wa lele.

Matie 7:24

Jesu í kpa nŋa mɔnda má í ni, na nŋu, inɛ iyi í gbɔ ide iyi ǹ wa n fɔu ihɛ̃ fei nɔ wa jirimaɛ, á yɛi bɛi mɔkɔ ilu bisi iyi í ma ileɛ si kuta.

Luku 11:28

Ŋɔi Jesu í jɛaa í ni, í tia i ni ilu inɔ didɔ̃ ŋai inɛ ŋa iyi à waa gbɔ idei Ilaaɔ̃, nɔ à waa ceò icɛ.

Laabaau jiida iyi Zãa í kɔ 13:17

Nsɛi wee ì mà yaasei iyi ihɛ̃ ŋa. Bii ì waa coo ŋa, aa nɛ inɔ didɔ̃ ŋa.

Laabaau jiida iyi Zãa í kɔ 14:21

Inɛ iyi í mà woodam nɔ wa jirimaɛ, lafɛ̃ɛi í bim. Inɛ iyi í bim, Baam á bi nŋu mɔ, nɔ amu takam an bi lafɛ̃ɛ, nɔ an nyisiɛ aram.

Efɛɛzu 4:29

Nɔ i maà ya jɔ̀ ide laalɔ kãma ku fita hai si gɛlɛ nŋɛ. Amma i ya fɔ ide jiida iyi á mua inɛ ŋa gbugbã si naanɛ ku dasi nɔ ku sobi ŋa si bukaata nŋa nɔ inɛ ŋa iyi à waa gbɔɔ ku jɛ nŋa aranfãani jiida.

Wooda ku kɔsi 29:8

Na ŋɔi í jɔ̀ ì nɛ i jirima idei akabuuu ihɛ̃ ŋa nɔ i ceò icɛ ŋa ku ba mii iyi ì waa ce ŋa fei ku bɔ waju dee dee.

Wooda ku kɔsi 29:9

Iŋɛ inɛi Izirɛli ŋa, nnyi wee ì tɔtɔɔ si wajui Aɔ̃ Lafɛ̃ɛ nŋɛ. Inɛ fei í wa ihɛ̃. Hai inɛ ngboi dimi nŋɛ ŋa, do woo cua nŋɛ ŋa, do inɛ ngbo nŋɛ ŋa, do woo cɔ yaase bɛi mii ŋa wa nɛ si anini nŋɛ ŋa,

Wooda ku kɔsi 30:14

Aawo, idei Aɔ̃ Lafɛ̃ɛu í wa kɔkɔ nŋɛ bɛ. Í wa si gɛlɛ nŋɛ do si idɔ nŋɛ ŋa, ku ba i ceò icɛ ŋa.

Wooda ku kɔsi 31:24

Moizi í kɔ woodai idei Aɔ̃ Lafɛ̃ɛu si tia gɔ fei mam mam. Waati iyi í kɔɔ í tã,

Wooda ku kɔsi 5:1

Moizi í tɔtɔɔ inɛi Izirɛli ŋau fei nɔ í sɔ̃ ŋa í ni, i de itĩ i gbɔ wooda ikã ikã ŋa iyi an na ŋɛ nnyi. I kɔkɔ wooda ŋau ŋa nɔ i ceò icɛ ŋa dee dee.

Wooda ku kɔsi 5:29

Bii í jɛ waati kãma fei aa ya maa jirimam wo, nɔ a maa ceò woodam ŋau fei icɛ, aŋa do tɔku nŋa ŋau fei aa ya maa wɛɛò inɔ didɔ̃i wo waati kãma fei.

Wooda ku kɔsi 5:32

Ŋɔi Moizi í sɔ̃ inɛ ŋau í ni, i ceò ide ŋa iyi Aɔ̃ Lafɛ̃ɛ í fɔ fei icɛ ŋa, i maà ti i sinda do awɔ njɛ hee má jɛ do awɔ canga ŋa.

Kolosee 3:16

I jɔ̀ idei Kirisi ku kɔ̃ mam mam si idɔ nŋɛ ŋa, nɔ ku mu nŋɛ bisi ntɔ ntɔ ku ba i kɔ njɛ si cio nɔ i mua njɛ gbugbã ŋa. I ya kɔ̃ iri i maa saabu Ilaaɔ̃ ŋa nɔ i jɔ̀ Hundeɛ ku maa nɛò ŋɛ si iri ku kɔ̃ nŋɛ ŋau.

Zozue 1:7

Iyi í gbeɛ nŋui í jɛ i nɛ gbugbã nɔ i nɛ wɔɔkɔ ntɔ ntɔ, nɔ i maa jirima wooda iyi Moizi woo ce icɛm nɔu í sɔ̃ɛu fei. Maà sinda do ikpa awɔ njɛ walakɔ do ikpa awɔ canga ku ba mii iyi ì waa ce fei ku maa bɔ waju.

Zozue 8:34

Si anyiɛ ŋɔi Zozue í ka ide iyi à kɔ si tiai woodau fei, iyi í jɛ idei kuwee do iyi í jɛ idei ikpe si bɛi à kɔɔ si tiai woodau.

Kuyɛi Zãa 22:14

Ilu inɔ didɔ̃ ŋai inɛ ŋa iyi kuwɛɛ nŋa í má bɛi jĩnɛ iyi à fɔ sãa sãa, ku ba a ba kpãa a jɛ isoi jĩi ndii kuwɛɛu nɔ a lɔ inɔ iluu hai do andɛɛ.