Zozue 1:7 - Bibeli do fee

⁷ Iyi í gbeɛ nŋui í jɛ i nɛ gbugbã nɔ i nɛ wɔɔkɔ ntɔ ntɔ, nɔ i maa jirima wooda iyi Moizi woo ce icɛm nɔu í sɔ̃ɛu fei. Maà sinda do ikpa awɔ njɛ walakɔ do ikpa awɔ canga ku ba mii iyi ì waa ce fei ku maa bɔ waju.

Zozue 1:7 Iomraidhean Croise

Ilaalu 1, 2:2

an jɔ̀ andunyau ihɛ̃ kaa kpɛ má. Jɔ̀ i nɛ wɔɔkɔ nɔ i nyisi iyi awɔ inɛmɔkɔi.

Ilaalu 1, 2:3

I ya jirima woodai Aɔ̃ Lafɛ̃ɛɛ ŋau, nɔ i maa too kpãaɛ i maa jirimaò woodaɛ ŋau do icɛ ŋa iyi í dasiɛ ku ce do ikɔɛ ŋa si bɛi Moizi í kɔɔ si tiai woodau. Bii ì waa ce bɛɛbɛ, mii iyi aa ce fei, a maa nɛɛi dee dee si kuwɛɛɛ

Ilaalu 2, 22:2

Zoziasi í ce mii iyi í dɔ̃a Aɔ̃ Lafɛ̃ɛ si, nɔ í too si kucei balaɛ Davidi fei dee dee, kù yaa si bii kãma.

Bomma 1, 22:13

Bii ì waa jirima wooda ŋa do ide ŋa iyi Aɔ̃ Lafɛ̃ɛ í jilɛa Moizi na inɛi Izirɛli ŋau, mii iyi ì waa ce fei á maa nɛɛi dee dee. Jɔ̀ i nɛ gbugbã nɔ i nɛ wɔɔkɔ. Maà ce njo, nɔ i maà jɔ̀ zigiɛ ku da.

Bomma 2, 15:7

Debɛi, iŋɛ i kɔ̃ɔsi gbugbã ŋa nɔ i maà mɔngɔ temua ŋa domi icɛ nŋɛ á nɛ ku sã.

Bomma 2, 26:5

Ŋɔi Oziasi wa dɛdɛ Ilaaɔ̃ si waatii kuwɛɛi Zakari fei. Zakariu í nɛ bisi ku mà kuyɛ iyi wa naa hai bi Ilaaɔ̃. Nɔ si waati nŋu bɛ Ilaaɔ̃ í mua Oziasi inɔ didɔ̃ si mii iyi wa ce fei.

Zɔɔbu 1:8

Ŋɔi Aɔ̃ Lafɛ̃ɛ í beeɛ má í ni, i kù yɛ Zɔɔbu woo ce icɛm bɛ? Inɛ kãma kù wa si andunya iyi í yɛ bɛi nŋu. Mɔkɔu kù nɛ taale kãma, í jɛ inɛ dee dee, í ya jirimam, nɔ í ya saa laalɔ.

Iri ku kɔ̃ 80:19

Awa a kaa ka jĩòɛ má. Jɔ̀ ka ba kuwɛɛ ku ba ka maa kpe iriɛ.

Mɔnda ŋa 4:27

Maà na i yaa do awɔ canga walakɔ do awɔ njɛ. Jɔ̀ i jĩò laalɔ ku ce.

Mɔnda ŋa 8:20

Ǹ wai si kpãai dee dee ku jɛ, do si kpãai ntɔ

Daniɛli 10:19

Si anyii nŋu, nɔ í sɔ̃m í ni, maà jɔ̀ njo ku muɛ awɔ iyi Ilaaɔ̃ í bi. Wɛɛò laakai ku sũ. Dasi gbugbã, dasi gbugbã. Si bɛi wa bam ide ku fɔu, ǹ ba gbugbã nɔ ǹ ni, fɔ ide Lafɛ̃ɛm, domi ì jɔ̀ ǹ ba gbugbã.

Kuka 27:23

ŋɔi í lea awɔ si iri nɔ í naa wooda ŋa bɛi Aɔ̃ Lafɛ̃ɛ í tako í sɔ̃ɔu.

Wooda ku kɔsi 11:8

Na nŋu, i jirima wooda ŋa iyi ǹ wa n na ŋɛ nnyiu ihɛ̃ fei ku ba i nɛ gbugbã i gbaò ilɛ iyi aa koo i buba si ku jɛ tu ŋɛu,

Wooda ku kɔsi 28:14

I kù nɛ i fa ara nŋɛ i too inya mmu ŋa si gãmɛi ide ŋa iyi ǹ wa n sɔ̃ ŋɛ ŋau ihɛ̃ i koo i maa tɔɔ iwɛ̃ ŋa.

Wooda ku kɔsi 29:8

Na ŋɔi í jɔ̀ ì nɛ i jirima idei akabuuu ihɛ̃ ŋa nɔ i ceò icɛ ŋa ku ba mii iyi ì waa ce ŋa fei ku bɔ waju dee dee.

Wooda ku kɔsi 29:9

Iŋɛ inɛi Izirɛli ŋa, nnyi wee ì tɔtɔɔ si wajui Aɔ̃ Lafɛ̃ɛ nŋɛ. Inɛ fei í wa ihɛ̃. Hai inɛ ngboi dimi nŋɛ ŋa, do woo cua nŋɛ ŋa, do inɛ ngbo nŋɛ ŋa, do woo cɔ yaase bɛi mii ŋa wa nɛ si anini nŋɛ ŋa,

Wooda ku kɔsi 31:7

Ŋɔi Moizi í kpe Zozue nɔ í sɔ̃ɔ si wajui inɛi Izirɛli ŋau fei í ni, jɔ̀ i ce wɔɔkɔ nɔ i dasi gbugbã. Awɔi aa gbã inɛi Izirɛli ŋau i bɔò ŋa si ilɛ iyi Aɔ̃ Lafɛ̃ɛ í cea bala nŋa ŋa kuwãɛ do kugbasiu. Awɔi aa na ŋa a buba si ku jɛ tubu nŋa.

Wooda ku kɔsi 4:2

I maà kɔ̃ɔsi nkãma si wooda ŋa iyi ǹ na ŋɛu, nɔ i maà kaye nkãma ŋa, amma i jirima woodai Aɔ̃ Lafɛ̃ɛ dee dee bɛi ǹ sɔ̃ ŋɛu.

Wooda ku kɔsi 5:32

Ŋɔi Moizi í sɔ̃ inɛ ŋau í ni, i ceò ide ŋa iyi Aɔ̃ Lafɛ̃ɛ í fɔ fei icɛ ŋa, i maà ti i sinda do awɔ njɛ hee má jɛ do awɔ canga ŋa.

Zozue 1:1

Si anyii ikui Moizi woo ce icɛi Aɔ̃ Lafɛ̃ɛu, Aɔ̃ Lafɛ̃ɛ í sɔ̃ Zozue amai Nunu, nŋu iyi wa jɛ woo ce icɛi Moiziu í ni,

Zozue 1:8

Jɔ̀ i ya cio tiai woodau ihɛ̃ si wajui inɛ ŋa waati kãma fei, nɔ i ya maa muu si iriɛ dasãò idũ ku ba ide iyi à kɔ siu fei i ya maa ceò icɛ, domi do yaase bɛɛbɛi icɛɛ ŋa aa bɔò waju, nɔ fei ndɛɛ á cei dee dee.

Zozue 1:9

Maà gbɛjɛ iyi ǹ sɔ̃ɛ ǹ ni, jɔ̀ i nɛ wɔɔkɔ nɔ i nɛ gbugbã. Maà jɔ̀ njo ku muɛ, nɔ i maà ti i mɔngɔ munya, domi amu Aɔ̃ Lafɛ̃ɛɛ an wɛɛ do awɔ bii ì waa bɔ fei.

Zozue 11:15

Moizi í tako í na Zozue wooda ŋa iyi Aɔ̃ Lafɛ̃ɛ í naa si idei igũ ŋau, nɔ Zozue kù ce si ideu atafii.

Zozue 23:6

Iŋɛ, iyi ì nɛ ku ce ŋa, nŋui í jɛ i dasi kookaai i leekĩ dim dim ŋa, nɔ i jirima ide iyi Moizi í kɔu fei si tiai wooda ŋau ŋa, i maà na i yaa do canga walakɔ do njɛ si kpãai woodau ŋa.