Zozue 1:6 - Bibeli do fee

⁶ Jɔ̀ i nɛ gbugbã nɔ i nɛ wɔɔkɔ, domi awɔi aa jɔ̀ inɛ ŋau a lɔ si ilɛ iyi ǹ fɔ do kugbasi ǹ ni an mua bala nŋa ŋau.

Zozue 1:6 Iomraidhean Croise

Kusintii Andunya 12:7

Ŋɔi Aɔ̃ Lafɛ̃ɛ í naa si Aburamu í ni, dimii amaɛ ŋai an na ilɛu ihɛ̃. Ŋɔi Aburamu í ma bii ku cea Aɔ̃ Lafɛ̃ɛ iyi í naa siɛu kuwee.

Kusintii Andunya 26:3

Buba bɛ an wɛɛ do awɔ, nɔ n weeɛ, domi awɔ do tɔkuɛ ŋai an na ilɛ ŋau ihɛ̃ fei, nɔ akabuu iyi ǹ dĩ do Aburahamu baaɛu an coo.

Samuɛli 2, 10:12

Ka maà ti ka tɛkɛɛò anyi, ka ce wɔɔkɔ na zamaa nwa do ilui Ilaaɔ̃ Lafɛ̃ɛ nwa ŋau, nɔ Aɔ̃ Lafɛ̃ɛ ku ce bɛi í sĩaa.

Ilaalu 1, 2:2

an jɔ̀ andunyau ihɛ̃ kaa kpɛ má. Jɔ̀ i nɛ wɔɔkɔ nɔ i nyisi iyi awɔ inɛmɔkɔi.

Bomma 1, 22:13

Bii ì waa jirima wooda ŋa do ide ŋa iyi Aɔ̃ Lafɛ̃ɛ í jilɛa Moizi na inɛi Izirɛli ŋau, mii iyi ì waa ce fei á maa nɛɛi dee dee. Jɔ̀ i nɛ gbugbã nɔ i nɛ wɔɔkɔ. Maà ce njo, nɔ i maà jɔ̀ zigiɛ ku da.

Bomma 1, 28:10

Nsɛi, jɔ̀ i mà iyi Aɔ̃ Lafɛ̃ɛ í cicaɛi ku ba i maa nŋu kpasɛ̃ iyi á jɛ ile kumáu. Dasi gbugbã nɔ i ce icɛu.

Bomma 1, 28:20

Ŋɔi Davidi í sɔ̃ Salomɔɔ amaɛu í ni, jɔ̀ i nɛ gbugbã nɔ i dasi wɔɔkɔ i ce icɛɛ. Maà ce njo nɔ i maà jɔ̀ idɔɛ ku dede, domi Aɔ̃ Lafɛ̃ɛm á wɛɛ do awɔ. Kaa kɔ̀siɛ pai, nɔ kaa fũsiɛ awɔ hee icɛi kpasɛ̃ɛu koo tãò.

Bomma 2, 15:7

Debɛi, iŋɛ i kɔ̃ɔsi gbugbã ŋa nɔ i maà mɔngɔ temua ŋa domi icɛ nŋɛ á nɛ ku sã.

Bomma 2, 20:11

Inɛ ŋau wee nsɛi gbese iyi à yɔɔ iyi aŋa aa sã nwai í jɛ a naa a lele wa hai si ilɛ iyi ì na wa.

Bomma 2, 20:7

Aɔ̃ Lafɛ̃ɛ nwa, awɔi ì gba ilɛu ihɛ̃ hai si awɔi inɛ ŋa iyi à nɔɔ waati iyi awa zamaaɛ inɛi Izirɛli ŋau à to wa, nɔ ì na wa ku jɛ tu wa hee do ajɔ fei awa tɔkui Aburahamu kpaasiɛu.

Iri ku kɔ̃ 27:14

Jɔ̀ kpãa ku cɔɛ ku wa si Aɔ̃ Lafɛ̃ɛ. Leekĩ dim dim do nŋu, dasi wɔɔkɔ. Jɔ̀ kpãa ku cɔɛ ku wa si Aɔ̃ Lafɛ̃ɛ.

Daniɛli 10:19

Si anyii nŋu, nɔ í sɔ̃m í ni, maà jɔ̀ njo ku muɛ awɔ iyi Ilaaɔ̃ í bi. Wɛɛò laakai ku sũ. Dasi gbugbã, dasi gbugbã. Si bɛi wa bam ide ku fɔu, ǹ ba gbugbã nɔ ǹ ni, fɔ ide Lafɛ̃ɛm, domi ì jɔ̀ ǹ ba gbugbã.

Azee 2:4

Na nŋu, nsɛi, amu Aɔ̃ Lafɛ̃ɛi lele do ilɛ ǹ ni, awɔ Zorobabɛli do Zozue do inɛi Zudaa ŋa fei, i mua njɛ gbugbã ŋa nɔ i ce icɛ ŋa domi ǹ wɛɛ do iŋɛ.

Zakari 8:9

Ide iyi amu Aɔ̃ Lafɛ̃ɛi lele do ilɛ ǹ wa n fɔ wee. Ǹ ni, i dasi kookaai ŋa, iŋɛ iyi ì waa gbɔ idei walii ŋau nnyi. Walii ŋau à fɔ ideu, waati iyi à nyɔ icui kpasɛ̃m ku ba a maa.

Kuka 26:53

aa kpɛ̃ ilɛui ku jɛ tubu nŋa si zaka bɛi kukpɔ nŋa ŋa í mungau.

Kuka 33:53

Aa gba ilɛu ŋai nɔ i buba si ndu ŋɛ, domi ǹ mu nŋɛ ilɛui ku jɛ tu ŋɛ.

Kɔrɛnti 1, 16:13

I ce laakaii ara nŋɛ, i leekĩ si naanɛ ku dasi dim dim ŋa. I ce wɔɔkɔ ku ba i ba gbugbã ŋa.

Efɛɛzu 6:10

Ide iyi í gbe ǹ wa n bi n sɔ̃ ŋɛ wee. Si anu akã nŋɛ do Lafɛ̃ɛ i jɔ̀ gbugbã nlaɛ ku mua iŋɛ mɔ gbugbã ŋa.

Wooda ku kɔsi 1:21

I cɔ ŋa, Aɔ̃ Lafɛ̃ɛ nŋɛ í tɛ ilɛu si waju nŋɛ. I koo i gba ilɛu si bɛi Aɔ̃ Lafɛ̃ɛi bala nŋɛ ŋau í sɔ̃ ŋɛ. I dasi wɔɔkɔ, nɔ i maà ce njo ŋa.

Wooda ku kɔsi 1:8

I cɔ ŋa, ǹ jilɛ nŋɛ ilɛu si waju nŋɛ, i koo i gba ilɛu i buba si ŋa. Ntɔ ntɔ, ilɛu, amu Aɔ̃ Lafɛ̃ɛ ǹ fɔ do kugbasi ǹ ni an muaa bala nŋɛ ŋa, Aburahamu do Izaaki do Zakɔbu, do ama nŋa ŋa hee do tɔku nŋa ŋau fei.

Wooda ku kɔsi 11:8

Na nŋu, i jirima wooda ŋa iyi ǹ wa n na ŋɛ nnyiu ihɛ̃ fei ku ba i nɛ gbugbã i gbaò ilɛ iyi aa koo i buba si ku jɛ tu ŋɛu,

Wooda ku kɔsi 31:23

Si anyii nŋu bɛi Aɔ̃ Lafɛ̃ɛ í sɔ̃ Zozue amai Nunu í ni, jɔ̀ i ce wɔɔkɔ nɔ i dasi gbugbã. Awɔi aa gbã inɛi Izirɛli ŋau i bɔò ŋa si ilɛ iyi ǹ ce nŋa kuwãɛ do kugbasiu nɔ amu takam an maa n wɛɛ do awɔ.

Timɔtee 2, 2:1

Na nŋu, awɔ amam, mua araɛ gbugbã si didɔ̃ iyi à nɛ do anu akã nwa iyi à ce do Jesu Kirisi.

Zozue 1:18

Inɛ iyi í dondaɛ í kɔ̀ ku jirima mii iyi ì dasiɛ ku ce fei, aa kpa lafɛ̃ɛi. Awɔ de jɔ̀ i mua araɛ gbugbã nɔ i nɛ wɔɔkɔ.

Zozue 1:7

Iyi í gbeɛ nŋui í jɛ i nɛ gbugbã nɔ i nɛ wɔɔkɔ ntɔ ntɔ, nɔ i maa jirima wooda iyi Moizi woo ce icɛm nɔu í sɔ̃ɛu fei. Maà sinda do ikpa awɔ njɛ walakɔ do ikpa awɔ canga ku ba mii iyi ì waa ce fei ku maa bɔ waju.

Zozue 1:9

Maà gbɛjɛ iyi ǹ sɔ̃ɛ ǹ ni, jɔ̀ i nɛ wɔɔkɔ nɔ i nɛ gbugbã. Maà jɔ̀ njo ku muɛ, nɔ i maà ti i mɔngɔ munya, domi amu Aɔ̃ Lafɛ̃ɛɛ an wɛɛ do awɔ bii ì waa bɔ fei.

Zozue 10:25

Ŋɔi Zozue í sɔ̃ ŋa í ni, i maà ce njo ŋa nɔ i maà jɔ̀ zigi nŋɛ ku da má, i jɔ̀ i nɛ gbugbã nɔ i nɛ wɔɔkɔ ŋa, domi bɛɛbɛi Aɔ̃ Lafɛ̃ɛ á cea mbɛɛ nŋɛ ŋau fei.

Zozue 13:6

Nɔ aa gba ilu ŋa mɔ iyi à wa si iri kuta ŋau fei ŋai, hai Libãa hee ku bɔ Misirefɔti-Maimu. Ilɛ ŋau bɛ fei ti inɛi Sidɔ̃ɔ ŋai. An lele aŋa feii hai si wajui inɛi Izirɛli ŋau. Kpɛ̃ nŋa ilɛu. Jɔ̀ a ta kpasa, nɔ inɛ fei ku so iyi kpasau í náa si bɛi ǹ tako ǹ sɔ̃ɛu.

Zozue 18:3

Nɔ Zozue í bee ŋa í ni, hee waati yoomai ì waa degbe ì bɛi ì koo ì buba si ilɛ iyi Aɔ̃ Lafɛ̃ɛi bala nŋɛ ŋa í na ŋɛu.

Zozue 21:43

Do yaase bɛɛbɛi Aɔ̃ Lafɛ̃ɛ í na inɛi Izirɛli ŋa ilɛ iyi í tako í wãò bala nŋa ŋau fei. Nɔ à koo à gba inyau à buba si.

Zozue 5:6

A kù dasi ŋa bango si na iyi í jɔ̀ adɔ̃ ciijii à ce à waa nɛ si gbaau. Si anyii adɔ̃ ciijiu inɛ ŋa iyi à to igũ ku ce si waati iyi à fita wa hai ilɛi Ezibitiu fei à ku. Inɛ ŋau à kui si na iyi í jɔ̀ a kù jirima idei Aɔ̃ Lafɛ̃ɛ. Nɔ Aɔ̃ Lafɛ̃ɛ í ni nŋu kaa jɔ̀ a yɛ ilɛ iyi nŋu í wãò bala nŋa ŋa nŋu ku mu nŋau má. Ilɛu, amɔ do nyikɔ̃i í ya maa kɔ̃ bɛ.

Samuɛli 1, 4:9

Ka koo do wɔɔkɔ bɛi inɛmɔkɔ ŋa na mba ka maà na ka jɛ arui inɛi Ebɛɛ ŋa bɛi aŋa mɔ à tako à jɛ aru nwa wo. Ka ba ŋa ku ja do wɔɔkɔ.