Zozue 1:5 - Bibeli do fee

⁵ Si kuwɛɛɛ fei mbɛɛ kãma kaa yɔkɔ ku kɔ̀ ide si wajuɛ, domi an maa n wɛɛ do awɔi bɛi ǹ tako ǹ wɛɛ do Moizi wo. Ajɔ kãma n kaa n fũsiɛ awɔ hee má jɛ n jɔ̀ɛ.

Zozue 1:5 Iomraidhean Croise

Kusintii Andunya 39:2

Nɔ Aɔ̃ Lafɛ̃ɛ í wɛɛ do Zozɛfu í jɔ̀ í jɛ ilu baaka. Nɔ inɔ ilei lafɛ̃ɛɛu mɔm nii í wa.

Ilaalu 1, 1:37

Aɔ̃ Lafɛ̃ɛ ku wɛɛ do Salomɔɔ bɛi í wɛɛ do awɔ mɔ, nɔ ku jɔ̀ bommaɛ ku nɛ amboe ku re baa titɛɛ.

Ilaalu 1, 11:38

Bii ì waa jirima ide iyi ǹ jilɛɛ fei, nɔ ì waa nɛ si woodam ŋa nɔ ì waa ce iyi í jɛɛm dee dee nɔ ì waa jirimaò woodam ŋa bɛi woo ce icɛm Davidi í ce, an wɛɛ do awɔ. An jɔ̀ dimiɛ ku maa jɛ ilaalu hee do ajɔ fei bɛi ǹ cea Davidi, nɔ n naɛ ilɛi Izirɛli.

Ilaalu 1, 6:13

An na n wa inɔi inɛi Izirɛli ŋa nɔ n kaa n fũsi ŋa awɔ pai.

Ilaalu 1, 8:57

Aɔ̃ Lafɛ̃ɛ nwa ku wɛɛ do awa bɛi í wɛɛ do bala nwa ŋa tako. Ku maà kɔ̀si wa má nɔ ku maà fũsi wa awɔ,

Bomma 1, 28:20

Ŋɔi Davidi í sɔ̃ Salomɔɔ amaɛu í ni, jɔ̀ i nɛ gbugbã nɔ i dasi wɔɔkɔ i ce icɛɛ. Maà ce njo nɔ i maà jɔ̀ idɔɛ ku dede, domi Aɔ̃ Lafɛ̃ɛm á wɛɛ do awɔ. Kaa kɔ̀siɛ pai, nɔ kaa fũsiɛ awɔ hee icɛi kpasɛ̃ɛu koo tãò.

Iri ku kɔ̃ 46:11

Nŋui í ni, i leekĩ nɔ i mà ŋa iyi amui ǹ jɛ Aɔ̃ Lafɛ̃ɛ. Amui ǹ kãmia dimi ŋa nɔ ǹ kãmia andunyau fei.

Kufita 3:12

Nɔ Ilaaɔ̃ í ni, an wɛɛ do awɔ nɔ an naɛ sɛɛda ku ba i mà iyi ntɔ ntɔ amui ǹ wa n bɛɛ. Sɛɛdau wee. Bii ì nya inɛ ŋau wa hai ilɛi Ezibiti, si antaii iri kutau ihɛ̃i aa naa i tɔɔm ŋa.

Ezai 42:16

An gbã fɛɛju ŋa n tooò ŋa si kpãa gɔ iyi a kù mà wo. An gbã ŋai n jɔ̀ a too si kpãa ŋa iyi a kù mà wo. Si waju nŋa an kpaasi ilu kuku n jɔ̀ ku baa ku jɛ inya kumá, nɔ ilɛ iyi í nɛ bi ku koosɛ ŋau, an jɔ̀ ku baa ku jɛ kpãa ku munga anu. Nɔ dee dee mii iyi an ce mbɛ. N kaa n jɔ̀ɔ iyi n kù coo.

Zeremi 1:8

Ŋɔi Aɔ̃ Lafɛ̃ɛ í sɔ̃m má í ni, maà ce njo nŋa, domi ǹ wɛɛ do awɔ nɔ an faabaɛ.

Daniɛli 11:16

Ilaalui awɔ njɛi kpãai inunuu á nɛ ku maa naai, nɔ bɛi í bi, bɛɛbɛi á ce. Inɛ kãma kaa yɔkɔ ku kɔ̀ ide si wajuɛ. Á bubai si ilɛ iyi í sĩa í reu, nɔ á ce asɔɔi mii feii si isɛɛnɛɛ iyi wa ceu.

Matie 28:20

Nɔ ide ŋa iyi ǹ sɔ̃ ŋɛ fei, i kɔ ŋa si ide ŋau ku jirima ŋa. Nɔ an maa n wɛɛ do iŋɛ ajɔ fei hee kɔɔi andunya.

Romu 8:31

Debɛi bɛirei aa ka fɔ má. Bii Ilaaɔ̃ í jɛ tu wa, yooi á yɔkɔ ku jɛ mbɛɛ nwa.

Romu 8:37

Amma si mii ŋau ihɛ̃ fei à jɛ igũ mam mam na saabui Kirisi iyi í bi wa,

Wooda ku kɔsi 20:1

Bii ì bɔ igũ bi mbɛɛ nŋɛ ŋa, nɔ ì yɛ acĩ ŋa do sarɛtii isɔ ŋa, nɔ zamaai inɛ ŋau í re zamaa nŋɛ, i maà ce njo nŋa ŋa, domi Aɔ̃ Lafɛ̃ɛ nŋɛ iyi í nya ŋɛ wa hai ilɛi Ezibiti í wɛɛ do iŋɛ.

Wooda ku kɔsi 20:4

Ntɔ ntɔ Aɔ̃ Lafɛ̃ɛ í wɛɛ do iŋɛ nɔ nŋui á ja nŋɛ ku ba ku faaba ŋɛ.

Wooda ku kɔsi 31:23

Si anyii nŋu bɛi Aɔ̃ Lafɛ̃ɛ í sɔ̃ Zozue amai Nunu í ni, jɔ̀ i ce wɔɔkɔ nɔ i dasi gbugbã. Awɔi aa gbã inɛi Izirɛli ŋau i bɔò ŋa si ilɛ iyi ǹ ce nŋa kuwãɛ do kugbasiu nɔ amu takam an maa n wɛɛ do awɔ.

Wooda ku kɔsi 4:31

domi Aɔ̃ Lafɛ̃ɛ nŋɛ nŋu iyi í jɛ inɛ iyi í nɛ kubi hee í caa, kaa fũsi ŋɛ awɔ, nɔ kaa kpa ŋɛ, nɔ kaa gbɛjɛ akabuu iyi í dĩ do bala nŋɛ ŋau.

Wooda ku kɔsi 7:24

Á da nŋɛ ilaalu nŋa ŋau si awɔ, nɔ i kpa mii iyi á jɔ̀ a ye gigi nŋa fei si ilɛu ihɛ̃ ŋa. Kãma nŋa kaa leekĩ si waju nŋɛ. Aa ce nfe nŋa ŋai fei mam mam.

Timɔtee 2, 4:17

Do nŋu fei, Lafɛ̃ɛ í leekĩ do amu í muum gbugbã, ku ba n waazo laabaau jiidau mam mam nɔ dimi mmu ŋau fei a gbɔɔ. Nɔ ǹ fita si wahalau bɛi inɛ iyi í gbã hai si gɛlɛi muusu nla.

Ebɛɛ 13:5

I maà ti i jɔ̀ kubii fia ku mu ŋɛ. I jɔ̀ iyi ì nɛ ku ce nŋɛ zaka, domi Ilaaɔ̃ í ni, n kaa n jɔ̀ɛ pai, n kaa n nɔ n fũsiɛ awɔ baa ajɔ gɔ.

Zozue 1:17

Aa ka jirimaɛ dee dee bɛi à jirima Moizi. Aɔ̃ Lafɛ̃ɛɛ de ku wɛɛ do awɔ bɛi í wɛɛ do Moizi wo.

Zozue 1:9

Maà gbɛjɛ iyi ǹ sɔ̃ɛ ǹ ni, jɔ̀ i nɛ wɔɔkɔ nɔ i nɛ gbugbã. Maà jɔ̀ njo ku muɛ, nɔ i maà ti i mɔngɔ munya, domi amu Aɔ̃ Lafɛ̃ɛɛ an wɛɛ do awɔ bii ì waa bɔ fei.

Zozue 10:8

Nɔ Aɔ̃ Lafɛ̃ɛ í sɔ̃ɔ í ni, maà ce njo nŋa, domi an daaɛ aŋa fei si awɔɛ, nɔ kãma nŋa kaa yɔkɔ ku leekĩ si wajuɛ.

Zozue 21:44

Aɔ̃ Lafɛ̃ɛ í jɔ̀ à nɛ laakai ku sũ si kɔɔi ilɛ ŋau fei bɛi í tako í wãò bala nŋa ŋau. Nɔ í jɔ̀ mbɛɛ nŋa ŋau kãma ci ya yɔkɔ ku leekĩ si waju nŋa.

Zozue 3:7

Ŋɔi Aɔ̃ Lafɛ̃ɛ í sɔ̃ Zozue í ni, hai nnyi an soɛ lele si wajui inɛi Izirɛli ŋa fei ku ba a mà iyi ǹ wɛɛ do awɔ bɛi ǹ tako ǹ wɛɛ do Moizi wo.

Zozue 6:27

Aɔ̃ Lafɛ̃ɛ í wɛɛ do Zozue nɔ iriɛ í fangaa bii fei si ilɛu.

Woo kiiti ŋa 2:18

Waati iyi Aɔ̃ Lafɛ̃ɛ í jilɛ nŋa woo kiiti wa fei, nŋu takaɛi í ya wɛɛ do woo kiitiu nɔ ku nya inɛi Izirɛli ŋa hai si awɔi mbɛɛ nŋa ŋau si waatii kuwɛɛi woo kiitiu fei. Ntɔ ntɔ Aɔ̃ Lafɛ̃ɛ í ya ce araare nŋai waati iyi à waa weeweaò ijuukpãi woo ta nŋa gbugbã ŋau fei.

Woo kiiti ŋa 6:16

Ŋɔi amalekai Aɔ̃ Lafɛ̃ɛu í sɔ̃ɔ í ni, amui an wɛɛ do awɔ nɔ aa jɛ inɛi Madiãa ŋau igũ bɛi inɛ akã.

Samuɛli 1, 10:7

Waati iyi nyinda ŋau bɛ fei sãa sãa à ce, koo ce mii iyi ì ba fei, domi aa mà iyi ntɔ ntɔi Ilaaɔ̃ í wɛɛ do awɔ.