Zozue 1:4 - Bibeli do fee

⁴ Kucĩi ilɛ nŋɛu á sintii hai bi gbaau do ikpa awɔ cangai kpãai inunu hee ku bɔ si iri kutai Libãa ŋau do ikpa awɔ njɛi kpãai inunu. Hai ido nlai Efarata ikpa nunui daakɔ hee ku bɔ Tenku Nlau ikpa nunui alɛ á bɔi hee si ilɛi inɛi Hɛti ŋa.

Zozue 1:4 Iomraidhean Croise

Ilaalu 1, 10:29

do sarɛtii igũ ŋa. Sarɛti akã fei sikilii cĩɔ mɛɛfai (600) à ya sã, acĩ akã mɔ cĩɔ do ciitaa (150). Bɛɛbɛ mɔi à ya kooa ilaalui Hɛti ŋau fei do ilaalui Siri ŋa.

Bomma 1, 18:3

Davidi í jɛ Hadadezɛɛ ilaalui Soba igũ ikpa Amati, waati iyi í koo wa gba ilɛ iyi í wa kɔkɔi idoi Efaratau.

Bomma 1, 5:9

do nunui daakɔ mɔ í bɔ hee gbaa iyi í fɛɛfɛ ŋa do idoi Efaratau. Ilɛ nŋau í lai si na iyi í jɔ̀ mɛɛmu nŋa ŋa à kpɔ si ilɛi Galaadi.

Ɛsidarasi 4:20

Ntɔi, tako wo Zeruzalɛmu í nɛ ilaalu ŋa iyi à nɛ gbugbã, aŋai à jɛ inɛ ngboi ilɛ ŋa iyi à wa ikpa nunui alɛi idou fei. Nɔ aŋai à ya sãa fiai adɔ̃ do fiai lɛmpoo do fia iyi inɛ í ya sã ku bɛi ku lɔ.

Kufita 23:31

Ilɛ nŋɛ á sintii hai Tenkui Njeeu hee ku bɔ Tenkui inɛi Filisi ŋa do hai gbaai Sinai nɔ ku bɔ hee idoi Efaratau. An da nŋɛ inɛi ilɛ ŋau bɛ si awɔ ku ba i lele ŋa ŋa.

Wooda ku kɔsi 1:7

I dede i dasi kpãa bɛbɛi ŋa i bɔ ilɛi iri kuta tengi bii inɛi Amɔre ŋa à wau, do ilɛi inɛi Kanaã ŋa iyi à wa kɔkɔ nŋau, hai lɔɔmai Zuudɛ̃ɛu do ilɛi iri kuta ŋau, do inya bii ilɛ í munga anuu, do ilɛi Negɛbu do ilɛ iyi í wa itĩ tenku hee ku bɔ iri kutai Libãa ŋau, nɔ ku baa hee Efarata ido nlau.

Wooda ku kɔsi 11:24

Tengi bii ì dasi kutɛ ŋa fei, tu ŋɛi á jɛ. Kɔɔ nŋɛ á wai hai bi gbaau hee ku bɔ iri kutai Libãa ŋa, do hai bi idoi Efaratau hee ku bɔ bi tenkuu do ikpa nunui alɛ.

Wooda ku kɔsi 3:25

Ǹ wa n tɔɔɛi, jɔ̀ n ba n yɛ ilɛ jiida iyi í wa icei idoi Zuudɛ̃ɛ do ikpa ihɔ̃u, do iri kuta kusĩaɛ ŋa, do iri kutai Libãa ŋa.

Kuyɛi Zãa 9:14

Ide ku fɔu í sɔ̃ amaleka mɛɛfasia iyi wa mu kãakãakĩu í ni, fũ amaleka mɛɛ ŋa iyi à dĩ kɔkɔi ido nla iyi à ya kpe Efaratau.