Zonasi 1:2 - Bibeli do fee

² dede i bɔ Ninivu ilu nlau, i sɔ̃ inɛɛ ŋau wahala iyi á na ku ba ŋa, domi ǹ yɛ laalɔ ku ce nŋa í la í caa.

Zonasi 1:2 Iomraidhean Croise

Kusintii Andunya 10:11

Hai ilɛu bɛi í fita í bɔ ilɛi Asiri. Nɔ í ma ilui Ninivu do Rehobɔti do Kalaki.

Ilaalu 2, 19:36

Ŋɔi Senakeribu ilaalui Asiri í sinda í nɛ í koo í buba Ninivu.

Bomma 2, 28:9

Wee walii gɔ í wa si iluu bɛ à ya kpoo Odɛdi. Ŋɔi í koo í ko sooge ŋa iyi à waa baa Samariu nɔ í sɔ̃ ŋa í ni, idɔɔkɔ̃i Aɔ̃ Lafɛ̃ɛi bala nŋɛ ŋa í dede si inɛi Zudaa ŋau. Na nŋu, í so ŋa í da nŋɛ si awɔ. Nɔ iŋɛ ì kpa ŋa i kù ce araare nŋa ŋa hee anu ku dɔ̃ nŋɛ í to hee lelei Aɔ̃.

Ɛsidarasi 9:6

Ǹ ce kutɔɔ ǹ ni, Ilaaɔ̃ Lafɛ̃ɛm, ǹ wɛɛò inɔ kufɔ, nɔ anyɔ wa mum hee í jɔ̀ n kaa n jɛ n wu iju lele n cɔɛ. Laalɔ ku ce nwa í la í caa í to hee lele mɔm.

Ezai 37:37

Ŋɔi Senakeribu ilaalui Asiri í sinda í nɛ í koo í buba Ninivu.

Ezai 58:1

Ŋɔi Aɔ̃ Lafɛ̃ɛ í ni, dɔ̃ anu hee lele, maà coko. Dɔ̃ anu hee lele bɛi kuu i sɔ̃ zamaam nɔu wooda ku kuaɛ. Sɔ̃ inɛi kpasɛ̃i Zakɔbu ŋa dulum du ŋa ŋa.

Zeremi 20:9

Bii ǹ na ǹ ni n kaa n fɔ ideɛ má, walakɔ n kaa n fɔ ide do iriɛ má, waati bɛɛbɛ í ya yɛi bɛi ina wa jo hee si lɛlɛi idɔm. Nɔ ǹ ya n maa n ce kookaaii ku ba n yɔkɔ n kãmiaɛ, amma n ci ya n yɔkɔ.

Ezekiɛli 2:7

Ide iyi ǹ sɔ̃ɛi aa koo i sɔ̃ ŋa. Á yɔkɔ ku jɛ aa gbɔ ideɛ walakɔ a kɔ̀ ku gbɔ si na iyi í jɔ̀ à jɛ inɛ ŋa iyi à yika itĩ.

Ozee 7:2

Inɛ kãma ci ya fɔ si idɔɛ ku ni, Ilaaɔ̃ wa ye gigii laalɔ ŋa iyi inɛ ŋa à waa ce fei. Bɛbɛi, laalɔ ŋa iyi à waa ce ŋaui à kaako ŋa, nɔ ǹ wa n yɛ fei ndɛɛ si wajum.

Zonasi 3:2

dede i bɔ Ninivu ilu nlau, nɔ i sɔ̃ ŋa ide iyi ǹ sɔ̃ɛu.

Zonasi 3:3

Ŋɔi Zonasi í dede í bɔ Ninivu bɛ si yaase bɛi Aɔ̃ Lafɛ̃ɛ í sɔ̃ɔu. Wee Ninivuu ilu nla nlai iyi í gbe i ce isɛɛnɛ ajɔ mɛɛta i bɛi i kaakoɛ.

Zonasi 4:11

Ninivu ilu nla nlai, nɔ zamaaɛ ŋa à re baa dubu cĩɔ do kɔnfia (120.000) iyi a kù mà jiida do laalɔ ku wũa. Nɔ à nɛ mɛɛmu ŋa nkpɔ nkpɔ. Ŋɔi i kù bi n ce araare nŋa?

Misee 3:8

Amma amu Aɔ̃ Lafɛ̃ɛ í jɔ̀ ǹ nɛ gbugbã, ǹ nɛ hundeɛ. Í jɔ̀ ntɔ í wɛɛm nɔ ǹ nɛ wɔɔkɔ. Iyi bɛi á jɔ̀ n yɔkɔ n sɔ̃ tɔkui Zakɔbu ŋa kurara nŋa, n sɔ̃ inɛi Izirɛli ŋa dulum du ŋa.

Nahumu 1:1

Ide iyi walii Nahumu í fɔ si gãmɛi inɛi ilui Ninivu ŋa. Ilaaɔ̃i í sɔ̃ walii Nahumu inɛi ilui Elikɔsu ideu ihɛ̃ si kuyɛ nɔ í kɔɔ si tia.

Nahumu 3:19

Asɔɔ iyi kù nɛ kuteesei í baɛ bɛ. Kumɛɛɛ ŋa iyi ì bau, kumɛɛ ku kpa inɛi. Inɛ ŋa iyi à gbɔ mii iyi í baɛu fei, à ya maa dakpɛɛi na wahalaɛu, domi laalɔ iyi ì ya maa ce wo, í to si aŋa fei.

Matie 10:18

Aa bɔò ŋɛ si wajui ilu ilɛ ŋa do bi amanlu ŋa na irim, ku ba i jɛ sɛɛdam si waju nŋa ŋa do bi dimi mmu ŋa.

Matie 12:41

Si ajɔi kiitiu, inɛi Ninivu ŋa aa dede si inɛi nnyi ŋa a yɛ taale nŋa, si na iyi í jɔ̀ à kpaasi idɔ nŋa na waazoi Zonasi. Wee nsɛi mii gɔ í wa ihɛ̃ iyi í nɛ bɛɛrɛ í re Zonasi.

Zaaki 5:4

Wee i ci ya sãa woo da amaajɛ nŋɛ ŋa fia nŋa. I cɔ inɔ kufɔ nŋa ŋa. Anu ku dɔ̃i inɛ ŋau í to hee si itĩi Aɔ̃ Lafɛ̃ɛi lele do ilɛ.

Kuyɛi Zãa 18:5

domi dulum dɛɛu í kã hee lele, nɔ Ilaaɔ̃ kù gbɛjɛ laalɔ ŋa iyi í ce.