Zoɛli 3:5 - Bibeli do fee

⁵ Amma inɛ baa yooma iyi á kpe amu Aɔ̃ Lafɛ̃ɛ fei, á ba faaba, domi si iri kutai Siɔ̃ɔ ilui Zeruzalɛmu, inɛ gɔ ŋa aa ba a fita si wahalau, bɛi amu Aɔ̃ Lafɛ̃ɛ ǹ ce kuwãɛ. Nɔ inɛ ŋa iyi amu Aɔ̃ Lafɛ̃ɛ ǹ kpe, aŋai aa fita si.

Zoɛli 3:5 Iomraidhean Croise

Ilaalu 2, 12:18

Ŋɔi Hazaɛli ilaalui Siriu í koo í ce igũ ilui Gati nɔ í gbaa. Si anyiɛ nɔ í dasi idɔ nŋu ku bɔ igũ Zeruzalɛmu má.

Ilaalu 2, 16:8

Ŋɔi Ahazi í so isɔ fũfũ do wura iyi í wa inɔ kpasɛ̃i Aɔ̃ Lafɛ̃ɛ do si bi ku singa amanii kpasɛ̃i ilaaluu í ceaò ilaalui Asiriu amua.

Ilaalu 2, 24:13

Ŋɔi í ko amanii kpasɛ̃i Aɔ̃ Lafɛ̃ɛ ŋau fei do ti kpasɛ̃i ilaaluu. Nɔ í lɛgɛ jĩnɛi wura ŋa iyi Salomɔɔ ilaalui Izirɛli í ce si kpasɛ̃i Aɔ̃ Lafɛ̃ɛu fei si bɛi Aɔ̃ Lafɛ̃ɛ í tako í fɔu.

Ezai 11:11

Si waati nŋu bɛi Aɔ̃ Lafɛ̃ɛ á dasi baa isɛ gbeejisia má ku ya zamaaɛ ŋa iyi à gbe si ilɛ mmu ŋau ku jɔ̀ a nɛ ara nŋa. Hai inɛ ŋa iyi à wa ilɛi Asiri do Ezibiti do Patɔɔsi do Etiopi do Elamu do ilɛi Babilɔni, do Amati do ilɛi itĩi inyi ŋau.

Zeremi 23:7

Ŋɔi Aɔ̃ Lafɛ̃ɛ í ni má, ajɔ wa naa iyi inɛ ŋa a kaa ya ce kugbasi má do irii Aɔ̃ Lafɛ̃ɛ nŋu iyi í wɛɛ, nŋu iyi í nya inɛi Izirɛli ŋa wa hai ilɛi Ezibiti.

Zeremi 50:28

I gbɔ ŋa, inɛ ŋa iyi à ba à sa hai ilɛi Babilɔniu, à na à waa sɔ̃ inɛi Siɔ̃ɔ ŋa à waa ni, Aɔ̃ Lafɛ̃ɛ nwa í jaɛ, nɔ í jaa kpasɛ̃ɛ.

Zeremi 51:11

Aɔ̃ Lafɛ̃ɛ í nɛ mii iyi wa lelei. Nɔ mii iyi wa leleui í jɛ ku ce nfei Babilɔni. Nŋui wa muaa ilaalui Mɛɛdi ŋau gbugbã á kɔ̃ò mii iyi í dasi idɔ ku ceu. Do yaase bɛɛbɛi wa bi ku sãò gbese. Á sã gbeseui na kpasɛ̃ɛ iyi à nya ikãu. I teese andɛi afa nŋɛ ŋau ku ce ncɛɛ. I kosi afa ŋau si tongo nŋɛ ŋau ku kɔ̃.

Ezekiɛli 37:12

Na nŋu, ce walii na iri nŋa. Sɔ̃ ŋa i ni amu Aɔ̃ Lafɛ̃ɛ ǹ ni, an cĩ balɛ nŋɛ ŋa, n nya iŋɛ inɛm ŋa wa hai bɛ, n baaò ŋɛ wa si ilɛi Izirɛli.

Daniɛli 11:38

Amma do nŋu fei, á ya tɔɔ iwɛ̃ iyi wa degbe ile ku nɛ gbugbã ŋau. Iwɛ̃ iyi bɛ, balaɛ ŋa a kù màa mɔm. Á ya ceaa amuai wura do amuai isɔ fũfũ, do amuai kuta ku nɛ bɛɛrɛ ŋa, do jĩnɛ mmu ku nɛ bɛɛrɛ ŋa má.

Abudiasi 1:17

Amma si iri kutai Siɔ̃ɔ iyi aa nya ikã má ku jɛ titom nɔui inɛ ŋa iyi à ba à fita si ŋau aa wa. Tɔkui Zakɔbu ŋa aa gba ilɛ nŋa má hai bi inɛ ŋa iyi à jɛ ŋa igũ wo à gbaau.