Zoɛli 3:4 - Bibeli do fee

⁴ Inunu á kpaasii ku baa ku ce ilu kuku. Cukpa mɔ á kpãi bɛi njɛ, hee ajɔi amu Aɔ̃ Lafɛ̃ɛ ku maa to wa. Ajɔu, ajɔ nla nlai á jɛ nɔ á nɛ njo.

Zoɛli 3:4 Iomraidhean Croise

Bomma 2, 21:16

Ŋɔi Aɔ̃ Lafɛ̃ɛ í tale si inɛi Filisi ŋa do inɛi Arabi ŋa iyi à wa kɔkɔi inɛi Etiopi ŋau à bɔ igũ si Yoramu.

Ezai 14:29

Iŋɛ inɛi Filisi ŋa, i maà jɔ̀ i wɛɛò inɔ didɔ̃ ŋa si na iyi í jɔ̀ golo iyi wa cã ŋɛu í cɛ, domi hai si njo iyi í ku, hai bɛi njo kugaabu mmuɛ iyi á re baa ti sinteu á fita wa má, nɔ hai si njɛɛ bɛi akandama iyi á ya maa fo á fita wa.

Ezai 34:8

Ntɔ ntɔ ajɔ nŋu bɛ, ajɔi gbese ku sãi Aɔ̃ Lafɛ̃ɛi. Si adɔ̃ nŋu bɛi á kɔ̀ò inɛi Siɔ̃ɔ ŋa.

Ezai 59:18

Á sãa inɛ fei mii iyi í nɛ ku baai. Idɔɔkɔ̃ɛ á naa si mbɛɛɛ ŋaui. Á sã nŋa idɔɔkɔ̃ui zaka bɛi kuce nŋa í to. Idɔɔkɔ̃ɛ iyi á sãu, á tosi hee do inɛi gũngũm ŋa fei zaka bɛi kucei aŋa mɔ í to.

Zeremi 47:1

Ide iyi Aɔ̃ Lafɛ̃ɛ í sɔ̃ walii Zeremi si gãmɛi inɛi Filisi ŋa hee Faraɔ̃ ku maa lɔ si inɛi Gaza ŋa wee.

Zeremi 47:4

Ajɔ nŋu bɛ, ajɔi nfe ku cei inɛi Filisi ŋau feii í to wa bɛ, nɔ inɛ kãma kù gbe iyi á sobi inɛi Tii do inɛi Sidɔ̃ɔ ŋau. Ntɔ ntɔ Aɔ̃ Lafɛ̃ɛ á ce nfei inɛi Filisi ŋaui fei hee do inɛi gũngũm dii Kafitɔɔ ŋa iyi à gbe ŋau fei.

Zeremi 51:6

I sa i fita hai ilɛi Babilɔni ŋa, nɔ inɛ fei ku saò hundeɛ. I maà jɔ̀ i maa coko ŋa na kuraraɛu, domi waatii gbese ku sãi Aɔ̃ Lafɛ̃ɛ mbɛ. Aɔ̃ Lafɛ̃ɛ á sãa mii iyi í nɛ ku baai.

Zoɛli 2:10

Bii à maai wa, ilɛ í ya maa yayai, nɔ lele mɔ í ya ce bɛi wa cuku wai. Inunu do cukpa à ya kuku inyai, nɔ leleaɔ̃ ŋa mɔ a ci ya má inya má.

Zoɛli 2:2

Ajɔu ajɔi ilu kuku nla nlai. Ajɔu kudũi ijĩi í biiɛ, nɔ ilu kuku nla nlai í ce. Ajɔ nŋu zamaa nla nla ku nɛ gbugbã gɔi á naa bɛi inya kumái amɛɛjuumá iyi í fangaa si antaii iri kuta ŋau. Zamaau a kù yɛ dimiɛ titã, nɔ a kaa yɛ dimiɛ ajɔ kãma má. Nɔ baa tɔku ŋa iyi aa na a dede hee do waju fei, a kaa yɛ dimiɛ ajɔ kãma.

Matie 11:21

Í ni, inɔ kufɔ nla nlai á jɛ tu ŋɛ, iŋɛ inɛi Kɔrazɛ̃ɛ ŋa. Iŋɛ mɔ inɛi Bɛsaida ŋa, inɔ kufɔ nla nlai á jɛ tu ŋɛ. Maamaake ŋa iyi à ce si ilu nŋɛ ŋau ihɛ̃, bii í jɛ Tii do Sidɔ̃ɔi à coo wo, inɛi ilu ŋau aa dĩ saaki a kpataò na irii dulum du ŋa nɔ a kpaasi idɔ hai ku kpɛ.

Matie 11:22

Na ŋɔi í jɔ̀ ǹ wa n sɔ̃ ŋɛ iyi si ajɔi kiitiu ijuukpãi inɛi Tii do Sidɔ̃ɔ ŋa á tia tu ŋɛ.

Luku 10:13

Nɔ Jesu í ni má, inɔ kufɔ nla nlai á jɛ tu ŋɛ, iŋɛ inɛi Kɔrazɛ̃ɛ ŋa. Iŋɛ mɔ inɛi Bɛsaida ŋa inɔ kufɔ nla nlai á jɛ tu ŋɛ. Maamaake ŋa iyi à ce si ilu nŋɛ ŋau ihɛ̃, bii í jɛ si ilui Tii do Sidɔ̃ɔi à coo wo, bii í wa inɛi ilu ŋau aa dĩ saaki a kpataò na irii dulum du ŋa nɔ a kpaasi idɔ hai ku kpɛ.

Luku 10:14

Na ŋɔi í jɔ̀ ǹ wa n sɔ̃ ŋɛ iyi si ajɔi kiitiu ijuukpãi inɛi Tii do Sidɔ̃ɔ ŋa á tia tu ŋɛ.

Luku 18:7

Ilaaɔ̃ kaa bɛi ku ce ku re zaka bɛɛbɛ? Inɛ ŋa iyi í cica, kaa jɔ̀ a ba ntɔ bii à waa dɔ̃ siɛ anu dasã do idũ? Iyi í re mɔm, kaa kpɛ ku bɛi ku gbɔ nŋa.

Woo bɛ ŋa 9:4

Ŋɔi í cuku ilɛ nɔ í gbɔ imui inɛ gɔ í ni, Sɔlu, Sɔlu, na mii í ce ì waa kpãm iju.

Wooda ku kɔsi 32:35

Ajɔ wa naa si bii an dedeò ide ku kɔ̀ nɔ n sã nŋa mii iyi í nɛ ku ba ŋa bii waatii kucuku nŋa í to. Nɔ kaa kpɛ má waatii wahalau bɛ ku to wa si ŋa. Waatii kucuku nŋa í maai wa mbɛ.

Tɛsalonika 2, 1:6

Ntɔi, Ilaaɔ̃ á ce iyi í jɛ dee dee. Inɛ ŋa iyi à waa kpã ŋɛ iju, á sã nŋa ijuukpã.

Woo kiiti ŋa 11:12

Ŋɔi Zɛfutee í bɛ inɛ ŋa bi ilaalui inɛi Amɔɔ ŋau a koo a beeɛ a ni, mii í wa gãmɛi awɔ do amu iyi í jɔ̀ ì waa naa igũ si ilɛm.