Zoɛli 3:2 - Bibeli do fee

² Baa si woo ce icɛ inɛmɔkɔ ŋa do inaabo nŋɛ ŋa, an jɔ̀ hundem ku naa si ŋa si waati ŋau bɛ.

Zoɛli 3:2 Iomraidhean Croise

Bomma 2, 20:26

Ajɔ mɛɛsiau ŋɔi à tɔtɔɔ si lɔɔmai Beraka bii à saabu Aɔ̃ Lafɛ̃ɛu. Na ŋɔi í ce à sɔ inyau lɔɔmai Beraka waatɔ ku saabu. Nɔ iri iyi à ya kpoo do mbɛ hee ku ba nnyi.

Ezai 66:16

Aɔ̃ Lafɛ̃ɛ á ce kiitii do ina. Á cooi do taakubaɛ si gãmɛi inɛ fei. Nɔ inɛ nkpɔ nkpɔi á ku si kiitiɛu.

Ezai 66:18

Ŋɔi Aɔ̃ Lafɛ̃ɛ í ni má, amu ǹ mà kuce nŋa do lasabu nŋa. Waati í to mbɛ bɛi bii an tɔtɔɔ inɛi ilɛ ŋa fei do fee ŋa fei. Aa naa, nɔ aa yɛ amboem.

Zeremi 12:14

Ide iyi Aɔ̃ Lafɛ̃ɛ wa fɔ si gãmɛi inɛ laalɔ ŋa iyi à wa kɔkɔi inɛi Izirɛli ŋa wee. Í ni, inɛ ŋa iyi à lù ilɛ iyi ǹ na inɛm ŋa inɛi Izirɛli ŋau, an nya lafɛ̃ɛ ŋai hai si ilɛ nŋa, nɔ n nya inɛi Zudaa ŋa mɔ hai si anini nŋa.

Zeremi 25:31

Iba iyi wa ceu wa bɔi hee kɔɔi andunyau fei. Aɔ̃ Lafɛ̃ɛ wa ce kiitii do dimi ŋa iyi à wa si andunyau fei. Wa kpe inɛ baa yooma feii ile bi ku ce kiitiɛ. Nɔ nfe ku cei á jɛ ti inɛ ŋa iyi í yɛ taale nŋa. Ide iyi Aɔ̃ Lafɛ̃ɛ í fɔ mbɛ.

Zeremi 49:1

Ide iyi Aɔ̃ Lafɛ̃ɛ í fɔ si gãmɛi inɛi Amɔɔ ŋa wee. Í ni, Izirɛli kù nɛ ama inɛmɔkɔ? Kù nɛ woo jɛ tubu gɔ má? Bɛirei í ce iwɛ̃ iyi à ya kpe Milikɔmu í gba ilɛi Gadiu. Bɛirei í ce inɛi Amɔɔ ŋa à gba ilɛi inɛi Izirɛli ŋau à buba si.

Zeremi 50:17

Izirɛli í yɛi bɛi angudã iyi í nyɔ, iyi muusu nla ŋa à lele. Nɔ ilaalui Asirii í jɛ inɛ sinte iyi í ŋɔɔ. Nɔ inɛ ankãanyi iyi í lɛgɛ kũkũɛ ŋai, í jɛ Nebukanɛsaa ilaalui Babilɔni.

Ezekiɛli 25:8

Amu Aɔ̃ Lafɛ̃ɛ ǹ ni, si na iyi í jɔ̀ inɛi Moabu do inɛi Seii ŋa à ni inɛi Zudaa ŋa mɔ à yɛi bɛi dimi mmu ŋa,

Ezekiɛli 34:6

Mɛɛmu gaam ŋau à fangaa si iri kuta ŋa do si geete ŋa fei. Mɛɛmum ŋau à fangaai si ilɛu fei, inɛ gɔ kù waa cɔ ŋa, nɔ inɛ gɔ kù bɔ ku dɛdɛ nŋa.

Ezekiɛli 35:10

Ì fɔ ì waa ni bomma minji ŋau, Izirɛli do Zudaa, ilɛ ŋa bii Aɔ̃ Lafɛ̃ɛ í wau, aa gba ŋai a jɛ tu ŋɛ.

Ezekiɛli 36:1

Aɔ̃ Lafɛ̃ɛ í ni, awɔ amanɛ, koo fɔ idem si gãmɛi iri kutai Izirɛli ŋau. Sɔ̃ ŋa i ni a sotĩ a gbɔ ide ŋa iyi amu Aɔ̃ Lafɛ̃ɛ ǹ wa n fɔ.

Ezekiɛli 36:5

Ntɔ ntɔ, amu Aɔ̃ Lafɛ̃ɛ ǹ fɔ si idɔɔkɔ̃ nlam ǹ ni, an kpã ilɛ ŋa iyi à waa kaako ŋɛ ŋau iju, nɔ iyi í re mɔm ilɛi Edɔmu fei. Do inɔ didɔ̃ nla nla, do yaakoi inɛi ilɛ ŋau à gba ilɛm nɔ à ko mii ŋa iyi à wa si fei.

Ezekiɛli 38:22

An kpãɛ ijui n jɔ̀ bɔ̃ɔ do iku ku naa siɛ. An jɔ̀ ijĩ ku wɔ siɛ wai do kutai ijĩ ŋa, do ina, do fainwita, do si soogeɛ ŋa do si inɛi anyiɛ ŋa fei.

Ezekiɛli 39:11

Ajɔ nŋu bɛ, si ilɛi Izirɛli, an na Gɔgu inya gɔ bii á jɛ balɛɛ. Inyau si lɔɔmai woo bɔ ilu ŋaui do ikpa nunui daakɔi Tenku ku da Imuu. Balɛ ŋau aa kpa kpãai woo bɔ ilu ŋaui, bɛi aa si Gɔgu do zamaaɛ ŋau fei. Nɔ aa kpooi lɔɔmai zamaai Gɔgu.

Amɔsu 1:11

Aɔ̃ Lafɛ̃ɛ í ni, dulum dii inɛi Edɔmu ŋa í la. Na nŋu, an jɔ̀ ijuukpã ku ba ŋai ntɔ ntɔ, domi aŋai à lele inɛi Izirɛli inɛ nŋa ŋau do taakuba. A kù ce araare nŋa baa keeke. Idɔɔkɔ̃ nŋa kù sũ nɔ à waa mu ŋa do mbɛɛtɛ waati kãma fei.

Misee 4:12

Inɛ ŋau a kù mà lasabu iyi Aɔ̃ Lafɛ̃ɛ í ce, a kù mà mii iyi wa bi ku ce, a kù mà iyi wa bi ku tɔtɔɔ ŋai, bɛi bilee iyi à tɔtɔɔ si inya bii à ya kpokpoɛ.

Sofoni 3:8

Ŋɔi Aɔ̃ Lafɛ̃ɛ í ni, na nŋu, i degbem ŋa si ajɔ iyi an dedeò mii ndu ŋɛ ŋa ku ko, domi ǹ dasi idɔ n tɔtɔɔ ilɛ ŋa ku ba n tɔtɔɔa aram bomma ŋa nɔ idɔɔkɔ̃ nla nlam ku naa si ŋa. Ntɔ ntɔ, inai idɔɔkɔ̃m nɔu á ce nfei inɛi andunya ŋai mam mam.

Kuyɛi Zãa 11:18

Dimii andunya fei í damɔɔ. Amma idɔɔkɔ̃ɛ í to wa. Waati í to i kiiti iku ŋa. Waati í nɔ í to i na woo ce icɛɛ ŋa riba nŋa, hai walii ŋa do woo dasi naanɛ ŋa hee do inɛ ŋa iyi à waa jirimaɛ ŋa fei, hai keekeò nlaɛ. Waati í to i ce nfei inɛ ŋa iyi à waa ce nfei andunya.

Kuyɛi Zãa 16:14

Inɛi inɔɔko ŋaui à jɛ mɔcɔi Seetam ŋa iyi à waa ce dobu dobu ŋa. Nɔ à waa bɔ bi ilaalui andunya ŋa fei a tɔtɔɔ ŋa a ce igũ si ajɔ nlai Ilaaɔ̃ ilu gbugbã fei.

Kuyɛi Zãa 16:16

Ŋɔi inɛi inɔɔko ŋau à tɔtɔɔ ilaalu ŋau fei bii gɔ iyi à ya kpe do feei Ebɛɛ Aamagedɔ̃ɔ.

Kuyɛi Zãa 16:6

Inɛ ŋau à kpa woo dasi naanɛ ŋa do walii ŋa à nikã njɛ nŋa, nɔ ì na ŋa njɛ a mɔ. Bɛɛbɛi à jɔò.

Kuyɛi Zãa 20:8

Nɔ á fita koo dĩ ijui dimii inɛi andunya ŋa fei, waatɔ Gɔgu do Magɔgu, nɔ ku tɔtɔɔ ŋa a ce igũ. Aa kpɔ bɛi sãai acĩi ido.