Zoɛli 2:3 - Bibeli do fee

³ Zamaau í yɛi bɛi ina iyi í dede í ce asɔɔ. Inau í ce asɔɔi do wajui inɛ ŋa, nɔ do anyi nŋa inya í gbe ngbɛ. Waati iyi zamaau kù to wa, ilɛu í tako í yɛi bɛi lamboi Edɛni, si anyiɛ, ilɛu í baa í gbɛi bɛi gbaa, inɛ kãma kù gbe si hunde.

Zoɛli 2:3 Iomraidhean Croise

Kusintii Andunya 13:10

Ŋɔi Lɔtu í wu iju lele í cɔ ikpa idoi Zuudɛ̃ɛ bii bantuma nla gɔ wa sũ hee ku bɔ ilu iyi à ya kpe Soaa. Wee inyau í nɛ mandi jiida bɛi lamboi Aɔ̃ Lafɛ̃ɛ walakɔ bɛi ilɛi Ezibiti. Waati bɛɛbɛ Aɔ̃ Lafɛ̃ɛ kù kpa ilui Sodomu do Gomɔɔ titã.

Kusintii Andunya 2:8

Nɔ Aɔ̃ Lafɛ̃ɛ í ce lambo si ilɛi Edɛni, ikpa nunui daakɔ, nɔ í so amanɛ iyi í takau í dasiɛ bɛ.

Iri ku kɔ̃ 50:3

Aɔ̃ Lafɛ̃ɛ nŋu iyi wa naa, ci ya coko, si wajuɛ ina nla gɔ wa jo, nɔ fufu nla gɔ í kaakoɛ.

Iri ku kɔ̃ 97:3

Ina gɔ wa cua do wajuɛ. Nɔ í jo mbɛɛɛ ŋa iyi à kaakoɛ ŋau.

Kufita 10:15

À bii gbugbãai ilɛu fei nɔ ilɛu fei í baa í dũ. À jɛ mii iyi kutai ijĩu í jɔ̀ fei, hai amaajɛi ilɛ ŋa hee do isoi jĩi ŋa fei, nɔ wua baa akã kù gbe si jĩi ŋau hee má jɛ si iko ŋau.

Kufita 10:5

Kɛtɛngbo ŋau, aa bii gbugbãai ilɛu feii hee inɛ ŋa a kaa yɛ ilɛu má mɔm. Si amaajɛ iyi í gbɛ̃ ŋau, andi iyi kutai ijĩ í jɔ̀ nŋɛu aŋai aa jɔɔ. Aŋai aa kpa jĩi ŋa iyi à wa si iko nŋɛ ŋa fei.

Ezai 14:17

Inɛ iyi í ya jɔ̀ andunya ku baa ku jɛ gbaau. Nŋu iyi í ya ce asɔɔi ilu nla ŋa, nɔ ci ya jɔ̀ inɛ ŋa iyi í mu ŋau.

Ezai 15:6

domi inyii idoi Nimurimu í gbɛ, nɔ fɔfɔ ŋa mɔ à gbɛ. Jĩi ŋa iyi à nɛ wua tũtũ ŋau à gbɛ. Fɔfɔ tũtũ boogu kù wɛɛ má.

Ezai 33:4

Inɛ ŋa aa bii si mii ndu ŋɛ ŋai a koo bɛi kɛtɛngbo ŋa à ya ce. Inɛ ŋa aa bii si ŋai bɛi kɛtɛngbo ŋa à ya bii si mii ŋa.

Ezai 51:3

Ntɔ ntɔ Aɔ̃ Lafɛ̃ɛi á tũ inɔi Siɔ̃ɔ. Á tũ inɔɛi si kucukui idĩi iluɛ ŋau. Á jɔ̀ gbaaɛu ku baa ku yɛ bɛi Edɛni, nɔ lɔɔma hai nɛ inyiɛu ku baa ku jɛ bɛi lamboi Aɔ̃ Lafɛ̃ɛ. Aa ba siɛ inɔ didɔ̃ nla nla do saabu do iri ku kɔ̃ ŋa.

Ezai 9:18

Na idɔɔkɔ̃i Aɔ̃ Lafɛ̃ɛi lele do ilɛ, ilɛu á mu inai nɔ zamaau ku ce nfe si inɔ inau. Inɛ kãma kaa yɔkɔ ku faaba inɛ mmu gɔ.

Ezai 9:19

Inɛ ŋa à ya da amaajɛ ŋa, amma do nŋu fei à ya kɔ̀ a maa gbɔ ari. Baa bii à sinda do inya mmu à jɛ, a ci ya yo. Bɛbɛi inɛ fei iŋai arai nŋu takaɛi í ya maa ŋɔ.

Zeremi 5:17

Aa naa a ce nfei mii ndu ŋɛ ŋai fei. Hai amaajɛ nŋɛ do sɔnda nŋɛ ŋa fei. Aa kpa ama inɛmɔkɔ do ama inaabo nŋɛ ŋa. Aa kpa angudã nŋɛ do kɛtɛ nŋɛ ŋa. Aa ce asɔɔi ikoi jĩi ndii rezɛ̃ɛ do ti figi nŋɛ ŋa. Igũ á ce nfei ilu ku nɛ gbugbã nŋɛ ŋa iyi ì waa kaabau ŋa.

Ezekiɛli 36:35

Inɛ ŋa aa ni, ilɛ iyi à lɛgɛ í ce bommau, wee í baa í yɛ bɛi lamboi Edɛni má. Iluɛ ŋau iyi à lɛgɛ à ce bomma, à teese à ma ŋa do bindi ku nɛ gbugbã nŋa nɔ inɛ ŋa à baa à wa si má.

Amɔsu 7:4

Mii iyi Aɔ̃ Lafɛ̃ɛ í jɔ̀ ǹ yɛ má wee. Í ni nŋu á kpã inɛ ŋa ijui do ina. Ŋɔi inau í naa nɔ í jo ilɛi inɛi Izirɛli ŋa nɔ inyii lɛlɛi ilɛ nŋau fei í gbɛ.

Abakuku 1:6

Inɛi Babilɔni ŋai an jɔ̀ a faata si ŋɛ wa. Inɛ kugaabu ŋai nɔ à ya maa nɛi gbãa gbãa si ilɛ ŋa iyi kù jɛ tu ŋa, nɔ a maa gba ŋa.

Zakari 7:14

Ŋɔi í jɔ̀ ǹ fangaa ŋa bii fei hee do si dimi mmu ŋa iyi a kù màu wo. Nɔ à jɔ̀ iluu ngbɛ do anyi nŋa, inɛ gɔ ci ya bɔ bɛ má. Ilɛ nŋa bii à waa jɛ andunya nŋa do didɔ̃ wo à baa à sindaɛ sako gbaa.