Zoɛli 2:2 - Bibeli do fee

² Ajɔu ajɔi ilu kuku nla nlai. Ajɔu kudũi ijĩi í biiɛ, nɔ ilu kuku nla nlai í ce. Ajɔ nŋu zamaa nla nla ku nɛ gbugbã gɔi á naa bɛi inya kumái amɛɛjuumá iyi í fangaa si antaii iri kuta ŋau. Zamaau a kù yɛ dimiɛ titã, nɔ a kaa yɛ dimiɛ ajɔ kãma má. Nɔ baa tɔku ŋa iyi aa na a dede hee do waju fei, a kaa yɛ dimiɛ ajɔ kãma.

Zoɛli 2:2 Iomraidhean Croise

Iri ku kɔ̃ 10:6

Í ya maa nii, n kaa n cuku pai. laalɔ kaa bam ajɔ kãma.

Iri ku kɔ̃ 97:2

Kudũi ijĩ do ilu kuku nla nlai í kaakoɛ. Dee dee ku jɛ do ntɔi í jɛ icui bommaɛ.

Kufita 10:14

Kɛtɛngbo ŋau à fangaa si ilɛu fei nɔ à de bii fei, à kpɔ hee í caa. A kù yɛ dimiɛ tako wo nɔ a kaa yɛ dimiɛ má ajɔ kãma.

Kufita 10:6

Aa na a maa kɔ̃i si inɔ kpasɛ̃ɛ ŋa do si inɔ kpasɛ̃i akaweɛ ŋa do ti inɛi Ezibiti ŋa fei. Bala nŋɛ ŋa a kù yɛ mii dimi bɛɛbɛ hai waati iyi à wa si andunyau ihɛ̃ hee ku baa nnyi. Iyi Moizi í fɔ bɛɛbɛ í tã, ŋɔi í fita hai bi Faraɔ̃.

Kufita 20:21

Inɛi Izirɛli ŋau à leekĩi hee jĩijĩ amma Moizi í tɛkɛɛ si kudũi ijĩ tengi bii Ilaaɔ̃ í wau.

Ezai 5:30

Ajɔ nŋu bɛ iba nla nla gɔ á naa si ŋa bɛi ibai inyii tenku. Bii ì cɔ ilɛu, i kaa yɛ nkãma, í gbe ilu kuku do anu ku dɔ̃ nla nla. Kudũi ijĩ ŋai aa bii inya kumáu.

Ezai 8:22

nɔ a cɔ ilɛ, nɔ a wɛɛò inɔ kufɔ si ilu kuku do anu ku dɔ̃ nla nla. Aa tale ŋai si ilu kuku nla nla.

Zeremi 13:16

I jɔ̀ Aɔ̃ Lafɛ̃ɛ nŋɛ ku nɛ bɛɛrɛ ŋa hee ku na ku maa jɔ̀ ilu kuku ku naa si ŋɛ hee i na i maa koosɛ ŋa si iri kuta ŋa na ilu kukui alɛ alɛu. Aa maa degbe inya kumá ŋa, amma Aɔ̃ Lafɛ̃ɛ á kpaasi inya kumáu ku baa ku jɛ ilu kuku bɛi bi kuwai iku ŋa. Á jɔ̀ inya kumáu ku baa ku jɛ ilu kuku nla nla bɛi kudũi ijĩ.

Zeremi 13:6

Si anyiɛ iyi í kpɛ, ŋɔi Aɔ̃ Lafɛ̃ɛ í sɔ̃m má í ni, dede i bɔ idoi Efarata i koo i nya kungbã iyi ǹ tako ǹ ni i koo i singau wa.

Kukpata 1:12

Iŋɛ iyi ì ya maa too do ihɛ̃, laalɔu ihɛ̃ kù ba ŋɛ. I cɔ, nɔ aa yɔɔ ŋa iyi wahala gɔ kù wɛɛ iyi í yɛ bɛi dimi iyi í bam nɔu ihɛ̃. Aɔ̃ Lafɛ̃ɛ í jɔ̀ wahala í bam nii, si ajɔ iyi idɔɔkɔ̃ nla nlaɛu í dede.

Ezekiɛli 32:7

Waati iyi i kaa wɛɛ má, an jɔ̀ ilu kuku ku ce lelei, nɔ inya kumái leleaɔ̃ ŋau kaa wɛɛ. Kudũi ijĩi á bii inunu nɔ inya kumái cukpa kaa wɛɛ.

Ezekiɛli 34:12

Amu takam nii an tɔtɔɔ mɛɛmum ŋau wa bɛi woo degbe í ya tɔtɔɔ mɛɛmuɛ ŋa iyi à fangaa ŋau wa. An koo n dɛdɛ mɛɛmum ŋau wai hai tengi bii à fangaa à nɛu fei si ajɔi ilu kuku nla nla.

Ezekiɛli 38:9

Awɔ do soogeɛ ŋa, do inɛi anyiɛ ŋa, aa faata si ŋa ŋai bɛi fufu nla. Aa bii si ilɛ nŋau ŋai bɛi kudũi ijĩ.

Daniɛli 12:1

Ŋɔi amalekau í bam ide ku fɔ má í ni, si waatiu bɛi Misɛli inɛ ngboi amaleka ŋau á faata wa, nŋu iyi í jɛ inɛ iyi á kɔ̀ò zamaaɛu. Waatiu, waatii wahalai á jɛ iyi a kù yɛ dimiɛ bii kãma hee ku naa si waatiu bɛ. Si waatiu bɛ, inɛɛ ŋa iyi à kɔ iri nŋa si tiai kuwɛɛu fei, aa ba a fita si.

Daniɛli 9:12

Ide iyi ì fɔ si gãmɛ nwa do si gãmɛi inɛ ngbo ŋa iyi à gbã wau, ì jɔ̀ í ce. Ì jɔ̀ laalɔ nla nla iyi a kù yɛ dimiɛ ajɔ kãma si andunyau ihɛ̃ í naa si Zeruzalɛmu.

Zoɛli 1:6

Ntɔ ntɔ, dimi gɔ í bii si ilɛm wa. Dimiu í nɛ gbugbã, nɔ à kpɔ. À nɛ inyí ŋai bɛi ti muusu nla. Kɛkɛlɛ nŋa í yɛi bɛi ti muusu nla abo.

Zoɛli 2:25

Aɔ̃ Lafɛ̃ɛ í ni, an sã nŋɛ si adɔ̃ ŋa iyi kokoo ŋa, do ngootue ŋa, do kpɔɔwɛɛ ŋa, do kɛtɛngbo ŋa à ce asɔɔi amaajɛ nŋɛ ŋau. Mii ŋau bɛi à jɛ bɛi soogem ŋa iyi ǹ jɔ̀ à naa si ŋɛ wo nkpɔ nkpɔ.

Zoɛli 2:5

Bii ì waa gbɔ iba nŋa, aa ni bɛi sarɛti ku ja igũ ŋa iyi à fo hai si iri kuta ihɛ̃ à koo à dingaa si iri kuta ihɔ̃i. Iba nŋau wa dɔ̃i bɛi fɔfɔ ngbɛ iyi wa jo. Iba nŋau í yɛi má bɛi sooge ilu gbugbã ŋa iyi à ce sɔɔlui igũ à tã.

Zoɛli 3:4

Inunu á kpaasii ku baa ku ce ilu kuku. Cukpa mɔ á kpãi bɛi njɛ, hee ajɔi amu Aɔ̃ Lafɛ̃ɛ ku maa to wa. Ajɔu, ajɔ nla nlai á jɛ nɔ á nɛ njo.

Amɔsu 4:13

Amɔsu í ni, inɛ iyi í ce iri kuta ŋa nɔ í taka fufu, nɔ í ya jɔ̀ amanɛ ku mà lasabuɛ ŋa, nɔ í ya kpaasi amɛɛjuumá ku baa ilu kuku, nɔ í ya maa nɛ si geete ŋa, iriɛi í jɛ Aɔ̃ Lafɛ̃ɛi lele do ilɛ.

Sofoni 1:7

I coko ŋa si wajui Aɔ̃ Lafɛ̃ɛ, domi ajɔ si bii á ce kiitiɛ í maai wa. Aɔ̃ Lafɛ̃ɛ í ce sɔɔlui kuwee, nɔ inɛ ŋa iyi í kpe ŋau, í jɔ̀ à maaju.

Zakari 14:6

Ajɔ nŋu, inya kumá kaa ce, nɔ tũtũ á ce hee inyi ku kpaasi bɛi kuta.

Matie 24:21

Ntɔ ntɔ, waati bɛɛbɛ wahala nla nlai á naa iyi a kù yɛ dimiɛ hai sintei andunya hee do nnyi, nɔ a kaa ka yɛ dimiɛ má hee do ajɔ fei.

Maaku 13:19

Ntɔ ntɔ, ajɔ nŋu wahala nla nlai á naa iyi a kù yɛ dimiɛ hai sinte waati iyi Ilaaɔ̃ í taka andunya hee ku baa nsɛi. Nɔ a kaa ka yɛ dimiɛ má hee do ajɔ fei.

Wooda ku kɔsi 32:7

I ye gigii ajɔi tako ŋau ŋa. I ye gigii adɔ̃ ŋa iyi à lɔ ŋau ŋa si kudedei tɔku do tɔku ŋa. I bee baa nŋɛ ŋa do mɔkɔ ngbo nŋɛ ŋa, aa sisi nŋɛ idei tako ŋau.

Ebɛɛ 12:18

Iŋɛ, kù jɛ iri kuta gɔ iyi aa yɔkɔ a lui ì sɛkɛɛ si ŋa, bɛi inɛi Izirɛli ŋa à sɛkɛɛ si iri kutai Sinai. Si antaii iri kutai Sinaiu ina nla nlai í wa bɛ do kudũi ijĩ do ilu kuku do fufu nla nla,

Zudu 1:13

À yɛi bɛi tenku iyi wa tãngãm do gbugbã. Si bɛi kutãngãm nɔu í ya fã inyiu, bɛɛbɛ mɔi kucei iju hai nɛ anyɔ nŋa í ya maa fangaa. À yɛi má bɛi leleaɔ̃ iyi í kua kpãaɛ, nɔ Ilaaɔ̃ í jilɛ nŋa ilu kuku nla nla hee do ajɔ fei.

Kuyɛi Zãa 9:2

Leleaɔ̃u í cĩ isau nɔ cua wa fita bɛi cuai ina nla, nɔ í bii inunu í jɔ̀ inya fei í dũ.