Zoɛli 2:16 - Bibeli do fee

¹⁶ I kpe zamaai iluu i ce kutɔtɔɔ nla nla ŋa. I tɔtɔɔ inɛ ngbo ŋa do ama keeke ŋa, hee do ama ku mɔmɔ ŋa fei. Mɔkɔ titɔ̃ ku fita wa hai inɔ ileɛ, nɔ abo titɔ̃ mɔ ku fita wa hai si ilei acɔɛ.

Zoɛli 2:16 Iomraidhean Croise

Bomma 2, 20:13

Inɛi Zudaa ŋau fei à waa leekĩ si wajui Aɔ̃ Lafɛ̃ɛ bɛ, aŋa do nyaanze nŋa ŋa do abo nŋa ŋa do ama nŋa ŋa.

Bomma 2, 29:5

Nɔ í sɔ̃ ŋa í ni, iŋɛ inɛi Levii ŋa, i sotĩ i gbɔ ŋa. I ce buki iyi aa nyaò ara nŋɛ ikã ŋa do iyi aa nyaò kpasɛ̃i Aɔ̃ Lafɛ̃ɛi bala nŋɛ ŋau mɔ ikã. I nya mii iyi kù maaju fei hai inɔ ile kumáu ŋa.

Bomma 2, 30:17

Si inɔi zamaau, inɛ nkpɔi kù ce buki iyi á jɔ̀ a maajuu, nɔ a kù nɛ kpãa a saka angudãi Iku ku kua. Na nŋu, inɛi Levii ŋau à waa saka nŋa mɛɛmu ŋa iyi aa ceaò Aɔ̃ Lafɛ̃ɛ kuweeu.

Bomma 2, 30:19

Cea inɛ ŋau suuru, domi à na ara nŋa do idɔ nŋa fei à waa dɛdɛɛ, awɔ Aɔ̃ Lafɛ̃ɛi bala nŋa ŋau, baa do iyi a kù ce bukii ara ku maajuu.

Bomma 2, 35:6

I koo i ce bukii ara ku maajuu ŋa, nɔ i saka mɛɛmui Iku ku kua ŋau i ce sɔɔlui jingauu na kpaasi nŋɛ ŋau, i maa jirimaò idei Aɔ̃ Lafɛ̃ɛ ŋa iyi Moizi í fɔ ŋau.

Zɔɔbu 1:5

Nɔ waati iyi à jɛ jingau nŋa à tã fei, Zɔɔbu í ya bɛ inɛ gɔi koo kpe amu ŋau wa ku ba ku ce buki ku nyaò riisi nŋa. Í ya dedei daadaakɔ ku cea inɛ akã nŋa fei kuwee iyi à ya jo si ina fei sãa sãa ku kpa idei dulum du ŋa, domi Zɔɔbu í ya fɔi si inɔɛ ku maa ni, á yɔkɔ ku jɛ amam ŋau à ce dulum à bu Ilaaɔ̃ si idɔ nŋa waatii jingau nŋa. Nɔ bɛɛbɛi Zɔɔbu í ya maa ce waati kãma fei.

Iri ku kɔ̃ 19:5

Do nŋu fei, à waa gbɔ baau nŋai si ilɛu fei, à waa gbɔ ide ku fɔ nŋai hee kɔɔi andunya. Ilaaɔ̃ í gũa inunu ilei acɔ.

Kufita 19:10

Nɔ Aɔ̃ Lafɛ̃ɛ í sɔ̃ Moizi má í ni, koo bi inɛ ŋau nɔ i jɔ̀ a ce buki iyi á jɔ̀ a má nɔ a fɔ jĩnɛ nŋa ŋa nnyi do ala.

Kufita 19:15

Ŋɔi í sɔ̃ ŋa í ni, i wɛɛò sɔɔlui ajɔ mɛɛtasiau ŋa. I maà tɔtɔɔ sɛ̃ɛ do inaabo kãma ŋa.

Kufita 19:22

Baa woo wee ŋau taka nŋa, aŋa iyi à nɛ dɔ̃ɔnɛi ku tɛkɛɛ sim wa, aŋa mɔ a ce awala ku ba n maà n kpa ŋa.

Zoɛli 1:14

I tɔtɔɔ zamaa nɔ i nya waati i ce anu ku dĩ ŋa. I tɔtɔɔ inɛ ngboi ilu ŋau do zamaai ilɛu fei si kpasɛ̃i Aɔ̃ Lafɛ̃ɛ nŋɛ, nɔ i dɔ̃ siɛ anu ŋa.

Matie 21:16

Nɔ à bee Jesu à ni, ì bɛi ì gbɔ iyi à waa fɔ mbɛ? Nɔ í jɛ nŋa í ni, oo. Mii iyi wa ceu ihɛ̃, aa yɔkɔ i cioɛ ŋa si kukɔi idei Ilaaɔ̃ tengi bii à ni, Ilaaɔ̃ í jɔ̀ à gbɔ saabuɛ hai si gɛlɛi amu ŋa do si gɛlɛi ama kpɔtɔɔ ŋa.

Matie 9:15

Nɔ Jesu í jɛ nŋa í ni, kpaasii mɔkɔ titɔ̃ ŋa aa nɛ inɔ kufɔ gɔ waati iyi mɔkɔ titɔ̃u í wa inɔ nŋai? Aawo, amma ajɔ gɔ wa naa iyi aa nya mɔkɔ titɔ̃u hai si inɔ nŋa. Waati bɛɛbɛi aa dĩ anu.

Kɔrɛnti 1, 7:5

I maà ya kɔ̀ ku sũò njɛ ŋa bii kù jɛ iŋɛ minji feii ì gbɔsi njɛ ì yɔɔ ŋa iyi á sĩa i jɔ̀ɔ titã ŋa si waati keeke ku ba i na ara nŋɛ i ce kutɔɔ ŋa. Nɔ si anyiɛ i tɔtɔɔ má ŋa. Bii kù jɛ bɛɛbɛ á yɔkɔ ku jɛ i kaa na i yɔkɔ i mu ara nŋɛ nɔ Seetam á na ku lɛlɛ ŋɛ.

Zozue 7:13

Nsɛi, dede i koo i cea inɛ ŋau sɔɔlu a naa a kom ala. Sɔ̃ ŋa i ni a ce buki iyi á jɔ̀ a maaju, domi amu Aɔ̃ Lafɛ̃ɛi inɛi Izirɛli ŋa ǹ sɔ̃ ŋa ǹ ni à so mii ŋa iyi ǹ ganji ŋa si ku so. Na ŋɔi í jɔ̀ a kaa yɔkɔ a leekĩ si wajui mbɛɛ nŋa ŋa, í gbe hee bii à fũsi mii ŋau awɔ.

Zozue 8:35

Nkãma kù gbe iyi Moizi í kɔ iyi Zozue kù kaa si wajui kutɔtɔɔi inɛi Izirɛli ŋau fei, hai inaabo ŋa do amu ŋa do inɛ njoo ŋa iyi à wa anini nŋa ŋau fei.

Samuɛli 1, 16:5

Nɔ í ni, oo. Ǹ naa ku cea Aɔ̃ Lafɛ̃ɛ kuweei. I wɛ ku ba i má ŋa nɔ i naa wa do amu ajɔ káa ce kuweeu. Nɔ í sɔ̃ Izai do amaɛ ŋa mɔ í ni a wɛ ku ba a má a bɛi a naa bi kuweeu.