Zoɛli 2:12 - Bibeli do fee

¹² Ŋɔi Aɔ̃ Lafɛ̃ɛ í fɔ í ni, bɛbɛi i nyi wa bi titom ŋa do idɔ nŋɛ fei. I dĩ anu ŋa, i kpata ŋa, nɔ i tɔɔm ŋa.

Zoɛli 2:12 Iomraidhean Croise

Samuɛli 2, 24:10

Waati iyi Davidi í ce kukai zamaau í tã, ŋɔi zigiɛ í da ntɔ ntɔ. Nɔ í tɔɔ Aɔ̃ Lafɛ̃ɛ í ni, dulum nla nlai ǹ ce. Nsɛi, amu takam ǹ mà iyi ide sũmui ǹ ce. Na nŋu, ceem suurui dulum dom.

Bomma 2, 30:6

Ŋɔi amaabɛ ŋau à kooò tiai ilaalu ŋau si ilɛi Izirɛli do Zudaa fei. Nɔ si bɛi í jilɛ nŋau, à wasi ku ni, inɛi Izirɛli ŋa, iŋɛ iyi ì ba ì fita hai si awɔi ilaalui Asiri ŋau ŋa, i nyi wa bi Aɔ̃ Lafɛ̃ɛi Aburahamu do Izaaki do Izirɛli ŋa, ku ba nŋu mɔ ku nyi wa bi tu ŋɛ.

Bomma 2, 6:27

gbɔ kutɔɔi woo ce icɛɛ ŋa wa hai lelei Aɔ̃ nɔ i kpa idei dulum du ŋa. Nyisi ŋa kpãa jiida iyi aa maa nɛ si nɔ i jɔ̀ ijĩ ku wɔ si ilɛ iyi ì mu nŋa í jɛ tubu nŋau.

Ɛsitɛɛ 4:16

koo tɔtɔɔ Zuifu ŋa iyi à wa Suzeu fei a cea nŋu anu ku dĩ ajɔ mɛɛta do idũ mɛɛta, a maà jɛ nɔ a maà mɔ nkãma. Bɛɛbɛ mɔi í ni nŋu takai nŋu á dĩ anu do woo ce icɛi nŋu ŋa nɔ baa do iyi wooda í ganji fei, nŋu á bɔ bi ilaaluu, nɔ bii í jɛ nŋu á kui, nŋu ku ku.

Kufita 33:5

À ce bɛɛbɛi si na iyi í jɔ̀ Aɔ̃ Lafɛ̃ɛ í tako í ba Moizi ide ku fɔ wo í ni ku sɔ̃ inɛi Izirɛli ŋau ku ni, iŋɛ fei ilu itĩ ku yika ŋai. Bii ǹ wa n si ŋɛ anu akãi an na n kpa ŋɛ. Na nŋu, i bɔ jĩnɛ kusĩa nŋɛ ŋau ǹ bɛi ǹ mà bɛi an ce nŋɛ.

Ezai 22:12

Aɔ̃ Lafɛ̃ɛi lele do ilɛ í kpe ŋɛ ajɔ nŋu í ni i kpata nɔ i maa weewea ŋa. I wa iri nŋɛ ŋa, nɔ i we saaki ŋa i nyisiò inɔ kufɔ nŋɛ.

Ezai 58:4

Bii ì waa dĩ anu ŋa, ija do kakɔɔ ŋai í ya jɛ, nɔ ì ya maa da njɛ kutu ŋai. I ci ya dĩ anu bɛi ì nɛ i ce si ajɔu ku ba n jɛ nŋɛ wa hai lele.

Zeremi 3:22

I baa wa ŋa, ama ku kɔ̀ ide ŋa. An ce nŋɛ suurui dee dee hai jɛ nŋɛ. Awa wee Ilaaɔ̃, à waa baa bi tɛɛ, domi awɔi ì jɛ Aɔ̃ Lafɛ̃ɛ nwa.

Zeremi 36:7

Á yɔkɔ ku jɛ aa tɔɔ Aɔ̃ Lafɛ̃ɛ nɔ aŋa fei a sinda wa a jɔ̀ kuce laalɔ nŋa ŋau, domi idɔɔkɔ̃ nla nlai Aɔ̃ Lafɛ̃ɛ í wɛɛò si gãmɛi zamaau bɛ.

Zeremi 4:1

Ŋɔi Aɔ̃ Lafɛ̃ɛ í ni, awɔ Izirɛli bii ì sinda ì nyi wa bi tom, nɔ i kù waa mɔsi do laalɔɛ ŋau ku ce si wajum, i kaa nɛ i maa sa hai nɛ kɔɔ má.

Zeremi 4:2

Bii ì fɔ do kugbasi ì ni, Aɔ̃ Lafɛ̃ɛ í wɛɛ, nɔ ì fɔɔi do idɔ iyi í má do ntɔ do dee dee ku jɛ, aa yɛ inɛi ilɛ mmu ŋa aa tɔɔ n weea aŋa nɔ aa tɔɔ fufu na irim.

Ezekiɛli 33:11

Na nŋu, koo i sɔ̃ ŋa iyi amu Aɔ̃ Lafɛ̃ɛ ǹ ni, hee do kuwɛɛm fei, n kù bi ikui inɛ laalɔ. Iyi ǹ bii í jɛ, ku jɔ̀ kpãa laalɔɛ nɔ ku wɛɛ. Iŋɛ inɛi Izirɛli ŋa, i jɔ̀ laalɔ ku ce nŋɛ. Na mii í jɔ̀ ì waa bi i ku ŋa.

Daniɛli 9:3

Ŋɔi ǹ lɔsi kutɔɔ ku ce do anu ku dĩ. Ǹ dasi jĩnɛ ŋa iyi inɛ ŋa à ya dasi bii iku í ce, nɔ ǹ kosi irim ilulu. Si anyii nŋu, nɔ ǹ sinda si Ilaaɔ̃ Lafɛ̃ɛ ǹ wasi ku tɔɔɛ.

Ozee 12:6

Lafɛ̃ɛi í jɛ Aɔ̃ Lafɛ̃ɛi lele do ilɛ, Aɔ̃ Lafɛ̃ɛi í jɛ iri iyi à ya kpoo do.

Ozee 12:7

Ì nɛ i sinda i nyi wa bi Ilaaɔ̃ Lafɛ̃ɛɛi. Ce iyi í jɛ jiida, nɔ i jirima dee dee ku jɛ. Jɔ̀ kpãa ku cɔɛ ku wa si Aɔ̃ Lafɛ̃ɛɛ waati kãma fei.

Ozee 14:1

Inɛi ilui Samari ŋa à nɛ a yɛ ijuukpãi kurara nŋai si na iyi í jɔ̀ à ce ide ku kɔ̀ bi Aɔ̃ Lafɛ̃ɛ nŋa. Na nŋu, igũi á naa si ŋa ku kpa ŋa. Aa tɛɛsɛ ama kpɔtɔɔ nŋa ŋai, nɔ a pũ inaabo bãasĩ nŋa ŋa.

Ozee 6:1

Aa na i fɔ i maa ni ŋa, ka koo, ka nyi bi Aɔ̃ Lafɛ̃ɛ. Nŋui í mɛɛ wa, nɔ nŋui á jɔ̀ kumɛɛu ku tã. Nŋui í cã wa, nɔ nŋui á jɔsi kumɛɛ nwa ŋau iwɔ.

Zoɛli 1:13

Iŋɛ woo wee ŋa, i dasi ibɔi akũ nɔ i kpata i maa weeweaò ŋa. Iŋɛ iyi ì ya ce kuwee si bi kuweeu, i dɔ̃ anu ŋa. I we saaki i wɔ̀ò njoo iŋɛ woo ce kuweei Ilaaɔ̃ Lafɛ̃ɛm ŋa, domi inɛ ŋa a kù waa naaò kuweei iyafũ ŋa do ti vɛ̃ɛ ŋa wa kpasɛ̃i Ilaaɔ̃ Lafɛ̃ɛ nŋɛ má.

Zakari 7:5

sisia woo wee ŋa do inɛ ŋa iyi à wa si ilɛu fei i ni, hai zakai adɔ̃ kitaò fɛɛwa wa, si waati iyi ì dĩ anu ì waa kpataò ŋa si cukpa miiusia do si mɛɛjesia, na irim nii ì waa coo ŋa?

Malasi 1:9

Nsɛi, i tɔɔ amu Aɔ̃ Lafɛ̃ɛ nŋɛ ku ba n ce nŋɛ didɔ̃. Ì waa tamaa an gba ŋɛ do inɔ akã ŋai? Aawo, domi laalɔi ì ce ŋa. Amu Aɔ̃ Lafɛ̃ɛi lele do ilɛi ǹ fɔ bɛɛbɛ.

Woo bɛ ŋa 26:20

Sinte titã ǹ ce waazo Damasi, si anyiɛ nɔ ǹ ce Zeruzalɛmu do si ilɛi Zudee fei do bi dimi mmu ŋa. Ǹ sɔ̃ ŋa ǹ ni a kpaasi idɔ a sinda si Ilaaɔ̃, nɔ a ce icɛ iyi á jɔ̀ a yɛ si ŋa iyi à kpaasi idɔ.

Woo kiiti ŋa 2:4

Waati iyi amalekai Aɔ̃ Lafɛ̃ɛu í sɔ̃ inɛi Izirɛli ŋa ide ŋau í tã, ŋɔi à dɔ̃ anu hee lele à kpata.

Woo kiiti ŋa 20:26

Ŋɔi inɛi Izirɛli ŋau fei à bɔ Betɛli, nɔ à wasi ku kpata si Aɔ̃ Lafɛ̃ɛ. Ŋɔi à ce anu ku dĩ ajɔ nŋu hai daakɔ hee alɛ í koo í lɛò, nɔ à cea Aɔ̃ Lafɛ̃ɛ kuwee ŋa iyi à ya jo si ina fei sãa sãa do kuweei anu akã.

Samuɛli 1, 7:3

Ŋɔi Samuɛli í sɔ̃ ŋa í ni, bii í jɛ do idɔ nŋɛ feii ì waa nyi wa bi Aɔ̃ Lafɛ̃ɛ ŋa, i jɔ̀ iwɛ̃ Asitaate ku tɔɔ ŋa do iwɛ̃ ŋa iyi à gbe fei. I sinda idɔ nŋɛ wa si Aɔ̃ Lafɛ̃ɛ nɔ i tɔɔ nŋu akã ŋa, nɔ ku nya ŋɛ hai si awɔi inɛi Filisi ŋa.

Samuɛli 1, 7:6

Iyi à tɔtɔɔ Misipa bɛ ŋɔi à kpã inyi à dikãɛ ilɛ si wajui Aɔ̃ Lafɛ̃ɛ à dĩ anu ajɔ nŋu bɛ à ni, à ce dulum bi Aɔ̃ Lafɛ̃ɛ. Hai Misipa bɛi Samuɛli í jɛ inɛ ngboi inɛi Izirɛli ŋa.