Zoɛli 2:11 - Bibeli do fee

¹¹ Aɔ̃ Lafɛ̃ɛ í ya jɔ̀ soogeɛ ŋa a gbɔ imuɛi do waju. Sooge ŋa iyi à waa ceò woodaɛ ŋa icɛ, à kpɔ nɔ à nɛ gbugbã. Ntɔ ntɔ, ajɔi Aɔ̃ Lafɛ̃ɛu, ajɔ kugaabui. Ajɔu í to njo nɔ inɛ kãma kaa yɔkɔ ku fita si.

Zoɛli 2:11 Iomraidhean Croise

Iri ku kɔ̃ 18:14

Aɔ̃ Lafɛ̃ɛ í jɔ̀ à gbɔ kulai ijĩ. Ilaaɔ̃ nŋu iyi í wa hee lele í jɔ̀ à gbɔ imuɛ. Nɔ kutai ijĩ do ina nyɛnyɛ à waa cuku wa.

Iri ku kɔ̃ 46:6

Ilaaɔ̃ í wa si aninii iluu, na ŋɔi í jɔ̀ iluu kaa cuku. Hai amɛɛjuumá gbakã, í ya wa bɛi ku maa sobiɛ.

Iri ku kɔ̃ 68:18

Ilaaɔ̃ í nɛ sarɛtii igũ ŋa dubu dubu. Ilaaɔ̃ Lafɛ̃ɛ í wa anini nŋa. Iri kutai Sinaiu í wa si ile kumáu.

Ezai 13:4

I de itĩ i gbɔ iba gɔ si iri kuta ŋau ŋa. Aa ni ibai zamaa nla nlai. I de itĩ i gbɔ anu ku dɔ̃i ilaalui ilɛ ŋa iyi à tɔtɔɔ. Aɔ̃ Lafɛ̃ɛi lele do ilɛi í teese wa cɔ sooge ku ce igũɛ ŋa.

Ezai 42:13

Aɔ̃ Lafɛ̃ɛ í fita wa nɛ wa bɛi sooge iyi í mà igũ ku ja. Kɔdɛɛi igũ ku ceu wa muui bɛi woo ce igũ. Í dɔ̃ anui igũ do gbugbã, wa yaakoò mbɛɛɛ ŋa.

Ezai 7:18

Si waati nŋu bɛ, Aɔ̃ Lafɛ̃ɛ á fã fooi ku jɔ̀ cĩcĩ ŋa a fita wa hai bi amaawɔi idoi Nili ŋau si ilɛi Ezibiti, nɔ nyikɔ̃ ŋa mɔ iyi à wa ilɛi Asiri,

Zeremi 25:30

Ŋɔi Aɔ̃ Lafɛ̃ɛ í nyi í sɔ̃m má í ni, sisi nŋa idem ŋa iyi ǹ sɔ̃ɛ ŋau bɛ fei. Nɔ i sɔ̃ ŋa má i ni, Aɔ̃ Lafɛ̃ɛ wa dɔ̃ anu wa hai lele. Wa fɔ ide wa hai bi kuwa kumáɛu. Anu ku dɔ̃ɛ ŋau, si gãmɛi inɛɛ ŋai. Wa dɔ̃ anui si inɛ ŋa iyi à wa si ilɛu fei bɛi anu ku dɔ̃i inɛ ŋa iyi à waa lɔlɔ isoi rezɛ̃ɛ ku ba a ba vɛ̃ɛ.

Zeremi 30:7

Irei ì gbɔ inɔ kufɔ. Ajɔu bɛ ajɔ nla nlai. Ajɔ mmu kãma kù yɛ bɛɛbɛ má. Waatii inɔ kufɔi ti tɔkui Zakɔbu ŋa, amma do nŋu fei aa fita si mbɛ ide kãma kaa wa si.

Zeremi 50:34

Amma woo faaba nŋau ilu gbugbãi, nŋu iyi iriɛi í jɛ Aɔ̃ Lafɛ̃ɛi lele do ilɛ. Nŋui á ja nŋa, nɔ ku jɔ̀ ilɛu ku ba kusĩmi, nɔ inɛi Babilɔni ŋau mɔ a ba wahala.

Ezekiɛli 22:14

Aa nɛ wɔɔkɔ do gbugbã i temuaò ijuukpãu ŋa waati iyi an dede si ŋɛ wa? Amu Aɔ̃ Lafɛ̃ɛi ǹ wa n fɔ ide, bɛi ǹ nɔ ǹ fɔ bɛɛbɛi ǹ ya n ce.

Zoɛli 1:15

Ajɔ kugaabu wa naa. Ajɔi Aɔ̃ Lafɛ̃ɛi. Asɔɔi wa naa ku ce, nɔ Ilaaɔ̃ ilu gbugbã feiui í jilɔɔ bɛɛbɛ.

Zoɛli 1:6

Ntɔ ntɔ, dimi gɔ í bii si ilɛm wa. Dimiu í nɛ gbugbã, nɔ à kpɔ. À nɛ inyí ŋai bɛi ti muusu nla. Kɛkɛlɛ nŋa í yɛi bɛi ti muusu nla abo.

Zoɛli 2:1

I fã kuu si ilui Siɔ̃ɔ ŋa. I dɔ̃ anu ŋa si iri kuta kumám nɔu. Iŋɛ inɛi ilɛ ŋau fei, i yaya ŋa domi ajɔi Aɔ̃ Lafɛ̃ɛ wa naa, nɔ ajɔu í maai wa.

Zoɛli 2:2

Ajɔu ajɔi ilu kuku nla nlai. Ajɔu kudũi ijĩi í biiɛ, nɔ ilu kuku nla nlai í ce. Ajɔ nŋu zamaa nla nla ku nɛ gbugbã gɔi á naa bɛi inya kumái amɛɛjuumá iyi í fangaa si antaii iri kuta ŋau. Zamaau a kù yɛ dimiɛ titã, nɔ a kaa yɛ dimiɛ ajɔ kãma má. Nɔ baa tɔku ŋa iyi aa na a dede hee do waju fei, a kaa yɛ dimiɛ ajɔ kãma.

Zoɛli 2:25

Aɔ̃ Lafɛ̃ɛ í ni, an sã nŋɛ si adɔ̃ ŋa iyi kokoo ŋa, do ngootue ŋa, do kpɔɔwɛɛ ŋa, do kɛtɛngbo ŋa à ce asɔɔi amaajɛ nŋɛ ŋau. Mii ŋau bɛi à jɛ bɛi soogem ŋa iyi ǹ jɔ̀ à naa si ŋɛ wo nkpɔ nkpɔ.

Amɔsu 1:2

Amɔsu í ni, hai iri kutai Siɔ̃ɔ, Aɔ̃ Lafɛ̃ɛ í dɔ̃ anu bɛi muusu nla nɔ à gbɔ imuɛ hee Zeruzalɛmu. Woo degbe ŋa à nɛ inɔ kufɔ domi fɔfɔ kù wɛɛ, nɔ iri kutai Kaamɛli mɔ hee antaiɛ lele fei í gbɛ.

Amɔsu 5:18

Inɔ kufɔi á jɛ ti inɛ ŋa iyi à waa bi ajɔi Aɔ̃ Lafɛ̃ɛ ku yɛ. Na mii í ce ì waa degbe ajɔi Aɔ̃ Lafɛ̃ɛ do saasa ŋa. Ajɔ nŋu ilu kuku nla nlai á ce nɔ inya kumá kaa wɛɛ.

Amɔsu 5:20

Ajɔi Aɔ̃ Lafɛ̃ɛu inya kumái á jɛ? Aawo, ilu kukui á jɛ. Ilu kukui á jɛ, inya kumá kaa wa bɛ.

Abudiasi 1:15

Ajɔi amu Aɔ̃ Lafɛ̃ɛ í maai wa, si bii an kiiti dimi fei. Bɛi ì cea inɛ ŋa, bɛɛbɛi an cea awɔ mɔ. Laalɔ iyi ì ce, si iriɛi á cuku si.

Nahumu 1:6

Yooi á yɔkɔ ku leekĩ si wajui Aɔ̃ Lafɛ̃ɛ waati iyi idɔɛ í kɔ̃. Yooi á yɔkɔ ku leekĩ si wajui idɔɔkɔ̃ nla nlaɛ. Idɔɔkɔ̃ɛ í ya fangaai bɛi ina, nɔ í ya lɛgɛ kuta ŋa.

Malasi 3:2

Yooi á yɔkɔ ku leekĩ dim dim si ajɔ iyi á to wa. Mà yooi á yɔkɔ ku leekĩ waati iyi á faata wa, domi á yɛi bɛi ina iyi wa yɔ isɔ. Nɔ ku yɛ bɛi acɛ jiidai woo fɔ jĩnɛ ŋa.

Kuka 24:23

Ŋɔi Balamu í nyi í ni má, irei í gbɔ inɔ kufɔ, mii iyi Aɔ̃ Lafɛ̃ɛ í jilɛ í ni á ce yooi á ba ku fita si.

Tɛsalonika 1, 4:16

Waati nŋu, aa ka gbɔ anu ku dɔ̃, do imui amaleka nlau do anui kãakãakĩi Ilaaɔ̃. Nɔ Lafɛ̃ɛ takaɛ á kita wa hai lele. Inɛi Kirisi ŋa iyi à ku, aŋai aa tako a jĩ.

Kuyɛi Zãa 18:8

Na nŋu, bɔ̃nɛ ikã ikã á baa si ajɔ akã. Bɔ̃nɛ ŋau wee. Patapoo do inɔ kufɔi iku do ari. Nŋu takaɛ á joi mam mam, domi Aɔ̃ Lafɛ̃ɛ iyi í kiitiɛ í jɛ ilu gbugbã.

Kuyɛi Zãa 6:17

I bii wa ŋa si na iyi í jɔ̀ ajɔi idɔɔkɔ̃ nla nla nŋau í to wa. Yooi á yɔkɔ ku leekĩ si waju nŋa.