Zoɛli 2:10 - Bibeli do fee

¹⁰ Bii à maai wa, ilɛ í ya maa yayai, nɔ lele mɔ í ya ce bɛi wa cuku wai. Inunu do cukpa à ya kuku inyai, nɔ leleaɔ̃ ŋa mɔ a ci ya má inya má.

Zoɛli 2:10 Iomraidhean Croise

Iri ku kɔ̃ 114:7

Ilɛ, yaya si wajui Lafɛ̃ɛ, si wajui Aɔ̃ Lafɛ̃ɛi Zakɔbu.

Iri ku kɔ̃ 18:7

Si zigiidam, ǹ kpe Aɔ̃ Lafɛ̃ɛm, ǹ tɔɔɛ faaba. Hai lele bi kuwaɛ wa, í gbɔ imum. Anu ku dɔ̃i faaba iyi ǹ dɔ̃ si wajuɛu í lɔ si itĩɛ.

Ezai 13:10

Waati bɛɛbɛ, leleaɔ̃ ŋa a kaa má inya má. Hai inunu wa la wa gbakã á ya dũi, nɔ cukpa mɔ kaa má inya má.

Ezai 34:4

Andi gbugbãi lele ŋau fei, aa cukui. Lelei Aɔ̃ á ká si araɛi bɛi à ya ká tia, nɔ gbugbãi lele ŋau fei, aa cuku wai bɛi wuai rezɛ̃ɛ ŋa do bɛi ti figi ŋa à ya da a cuku.

Ezai 5:30

Ajɔ nŋu bɛ iba nla nla gɔ á naa si ŋa bɛi ibai inyii tenku. Bii ì cɔ ilɛu, i kaa yɛ nkãma, í gbe ilu kuku do anu ku dɔ̃ nla nla. Kudũi ijĩ ŋai aa bii inya kumáu.

Zeremi 4:23

Ŋɔi ǹ cɔ ilɛu, nɔ ǹ ba wee kù nɛ yaase, nkãma kù wa si. Lele mɔ kù nɛ inya kumá má.

Zoɛli 2:2

Ajɔu ajɔi ilu kuku nla nlai. Ajɔu kudũi ijĩi í biiɛ, nɔ ilu kuku nla nlai í ce. Ajɔ nŋu zamaa nla nla ku nɛ gbugbã gɔi á naa bɛi inya kumái amɛɛjuumá iyi í fangaa si antaii iri kuta ŋau. Zamaau a kù yɛ dimiɛ titã, nɔ a kaa yɛ dimiɛ ajɔ kãma má. Nɔ baa tɔku ŋa iyi aa na a dede hee do waju fei, a kaa yɛ dimiɛ ajɔ kãma.

Zoɛli 3:4

Inunu á kpaasii ku baa ku ce ilu kuku. Cukpa mɔ á kpãi bɛi njɛ, hee ajɔi amu Aɔ̃ Lafɛ̃ɛ ku maa to wa. Ajɔu, ajɔ nla nlai á jɛ nɔ á nɛ njo.

Amɔsu 5:8

Aɔ̃ Lafɛ̃ɛ í ce leleaɔ̃ ikã ikã nɔ í jilɛ aŋa fei si inya ikã ikã. Í ya kpaasi ilu kuku ku baa ku jɛ inya kumái daakɔ. Í ya jɔ̀ dasã ku kpɔò idũ, nɔ í ya tɔtɔɔ inyii tenku ŋa nɔ ku nikã ŋa si ilɛ fei. Iriɛi í jɛ Aɔ̃ Lafɛ̃ɛ.

Nahumu 1:5

Í ya jɔ̀ iri kuta ŋa a yagai nɔ geete ŋa mɔ a lɛgɛ. Í ya jɔ̀ ilɛ ku yaya, do inɛ ŋa iyi à wa si fei.

Matie 24:29

Jesu í ni, si anyii wahalau gbakã, inunu á kuku inya, nɔ cukpa mɔ kaa má inya má, leleaɔ̃ ŋa aa cuku wa hai lele nɔ gbugbãi lele ŋa a yaya.

Matie 27:51

Asee, waati bɛɛbɛ si ilui Zeruzalɛmu, ridoo iyi í wa kpasɛ̃i Ilaaɔ̃u í ga í kpɛ̃ minji hai lele hee ku bɔ ilɛ, nɔ ilɛ í yaya hee kuta ŋa à la.

Woo bɛ ŋa 2:20

Inunu á kuku inya nɔ cukpa ku kpã bɛi njɛ. Si anyii nŋui ajɔi Lafɛ̃ɛ á to wa, ajɔ nla ilu amboeu.

Kuyɛi Zãa 20:11

Si anyii nŋu, ŋɔi ǹ yɛ kitãi bomma nla fũfũ gɔ do inɛ iyi wa buba si antaiɛ. Nɔ ilɛ do lele à sa hai si wajuɛ, nɔ a kù yɛ gɔgɔ nŋa gɔ má.

Kuyɛi Zãa 6:12

Ǹ cɔ ilu má si waati iyi ama angudãu í ga sɛɛda mɛɛfasia iyi wa mási tiau. Nɔ ilɛ í yaya do gbugbã, nɔ inunu í kuku inya kiti kiti bɛi acɔ dũdũ iyi í nɛ sisima, nɔ cukpa í kpã konkom bɛi njɛ.

Kuyɛi Zãa 8:12

Si anyii nŋu, amaleka mɛɛsiau í fã kãakãakĩɛ. Ŋɔi ikɔ akãi kukpɛ̃ mɛɛtai inunu do ti cukpa do ti leleaɔ̃ ŋa í dũ, nɔ ikɔ akãi kukpɛ̃ mɛɛtai inya kumái dasã kù wɛɛ má, bɛɛbɛ mɔi ikɔ akãi kukpɛ̃ mɛɛtai inya kumái idũ kù wɛɛ má.

Kuyɛi Zãa 9:2

Leleaɔ̃u í cĩ isau nɔ cua wa fita bɛi cuai ina nla, nɔ í bii inunu í jɔ̀ inya fei í dũ.