Zoɛli 2:1 - Bibeli do fee

¹ I fã kuu si ilui Siɔ̃ɔ ŋa. I dɔ̃ anu ŋa si iri kuta kumám nɔu. Iŋɛ inɛi ilɛ ŋau fei, i yaya ŋa domi ajɔi Aɔ̃ Lafɛ̃ɛ wa naa, nɔ ajɔu í maai wa.

Zoɛli 2:1 Iomraidhean Croise

Bomma 1, 15:28

Ŋɔi inɛi Izirɛli ŋau fei à koo à so kpakoi akabuui Aɔ̃ Lafɛ̃ɛu wa do anu ku dɔ̃i inɔ didɔ̃, à waa fãò kuu do kãakãakĩ ŋa, nɔ à waa cã sɛmbali ŋa do kundigi ŋa do mɔɔlɔ ŋa.

Iri ku kɔ̃ 119:120

Aram fei wa yayai na njoɛ iyi ǹ wa n ce, nɔ njo wa mum na kiitiɛ.

Iri ku kɔ̃ 87:1

Iriu ihɛ̃ ti amai Kore ŋai. Aɔ̃ Lafɛ̃ɛ í jilɛ icui ilui Zeruzalɛmui si iri kuta iyi í nya ikã í jɛ titɛɛu.

Kufita 10:14

Kɛtɛngbo ŋau à fangaa si ilɛu fei nɔ à de bii fei, à kpɔ hee í caa. A kù yɛ dimiɛ tako wo nɔ a kaa yɛ dimiɛ má ajɔ kãma.

Ezai 13:6

Na nŋu, i kpata i maa weeweaò ŋa, domi ajɔi Aɔ̃ Lafɛ̃ɛ í maai wa. Wa naai bɛi laalɔ iyi á ce nfei mii fei. Wa naai hai bi Aɔ̃ Lafɛ̃ɛ ilu gbugbã.

Ezai 13:9

Ajɔi Aɔ̃ Lafɛ̃ɛu wee wa maai wa. Ajɔu, ajɔ kugaabui, nɔ ajɔi idɔɔkɔ̃ nla nlai iyi á jɔ̀ ilɛu ku ce nfe, nɔ nŋui á ce nfei ilu dulum ŋa.

Ezai 2:12

Aɔ̃ Lafɛ̃ɛi lele do ilɛ fei í nɛ ajɔ iyi í jilɛ si bii á kiiti inɛ ŋa iyi à waa tamaa aŋa à la à re inɛ fei ku ba ku kaye ŋa.

Ezai 66:2

Mii ŋa iyi ì waa yɛ ŋau bɛ fei ŋa, awɔm nii í ce ŋa. Do yaase bɛɛbɛi aŋa fei à wɛɛò. Amu Aɔ̃ Lafɛ̃ɛi ǹ wa n sɔ̃ ŋɛ. Si inɛ iyi ijum ŋa í ya wa wee. Ijum í ya wai si ilu are do si hai nɛ gbugbã iyi wa gbɔ idem do jirima nla nla.

Ezai 66:5

I sotĩ i gbɔ bɛi Aɔ̃ Lafɛ̃ɛ í fɔ ŋa iŋɛ iyi ì waa jirima ideɛu. Ide iyi inɛ nŋɛ ŋa à fɔ wee, aŋa iyi à cé ŋɛ nɔ à kɔ̀si ŋɛ na irim, à waa ni, Aɔ̃ Lafɛ̃ɛ ku nyisi amboeɛ nɔ ka yɛ inɔ didɔ̃ nŋɛ. Amma inɛ ŋau, aŋai aa yɛ anyɔ.

Zeremi 16:10

Waati iyi aa sɔ̃ inɛ ŋau ide ŋau bɛ, á yɔkɔ ku jɛ aa beeɛ a ni, na mii í ce Aɔ̃ Lafɛ̃ɛ í jilɛ wahala nla nlau bɛ fei na iri nwa. Kurara yoomai à ce. Yoomai í jɛ dulum iyi à ce bi Aɔ̃ Lafɛ̃ɛ nwa.

Zeremi 16:7

Na iri nŋa, inɛ kãma kaa ce sɔnda ku ba ku tũò idɔi inɛ iyi í wɛɛò ara kuroi inɛ gɔ iyi í ku. Nɔ na iri nŋa, inɛ kãma kaa naaò kɔɔfu gɔ wa iyi inɛ ŋa aa mɔ a tũò idɔ na baa gɔ, walakɔ na iye gɔ iyi kù wɛɛ.

Zeremi 4:5

I cã kɛsɛɛdɛ si ilɛi Zudaa ŋa. I dɔ̃ anu si ilui Zeruzalɛmu ŋa. I fã kuu si ilɛu. I dɔ̃ anu hee lele i ni ŋa, i tɔtɔɔ wa ka sa ka bɔ si ilu ku nɛ bindi ku nɛ gbugbã ŋau ŋa.

Zeremi 5:22

Aɔ̃ Lafɛ̃ɛ í ni, i kù mà gbugbãm ŋai? I kù wa yaya si wajum ŋa de. Amui ǹ nyaa tenku kɔɔ do sãa. Kɔɔu á maa wɛɛi hee do ajɔ fei, nɔ tenkuu kaa yɔkɔ ku kuaɛ wa. Kutãngãm ndɛɛ ŋau wa yaga, amma a kù nɛ gbugbã. À waa ce iba, do nŋu fei, a kaa yɔkɔ a kua.

Ezekiɛli 12:23

Na nŋu, sɔ̃ inɛi Izirɛli ŋau i ni amu Aɔ̃ Lafɛ̃ɛ ǹ ni an leekĩ mɔndau. Inɛ gɔ kaa fɔɔ má si ilɛi Izirɛli. Sɔ̃ ŋa bɛbɛi iyi kaa kpɛ má kuyɛ ŋau fei a kɔ̃.

Ezekiɛli 21:12

Inɛ ŋa aa beeɛ a ni, na mii í jɔ̀ ì waa kakaa. Aa jɛ nŋa i ni, laabaau laalɔ gɔi ǹ gbɔ iyi á na ku ce. Inɛ ŋa aa wɛɛò inɔ kufɔ nɔ a kua gbugbã. Ilu wɔɔkɔ ŋa aa kua gbugbã, nɔ ilugũ ŋa a kua gbugbã. Mii iyi Aɔ̃ Lafɛ̃ɛ í ni á ceu nŋui í sinti bɛ tã.

Ezekiɛli 30:3

Ajɔu wa naa, ajɔu í maai wa, ajɔi amu Aɔ̃ Lafɛ̃ɛi. Ajɔ nŋu, ilu kuku á ce. Si waatiu bɛi ijuukpã á naa si ilɛ ŋa.

Ezekiɛli 33:3

Bii woo kɛɛmau í yɛ mbɛɛ ŋa à waa naa si ilɛu, í ya fã kuui ku fa laakai zamaau.

Ezekiɛli 33:6

Amma bii woo kɛɛmau í yɛ mbɛɛ ŋa à waa naa nɔ kù fã kuuu kù fa laakai zamaau, nɔ igũu í naa í kpa inɛ gɔ, ikui inɛɛu kurarai woo kɛɛmaui á jɛ nɔ nŋui an bee idei ikui inɛɛu.

Ezekiɛli 7:10

Ajɔi kiitiu wee í to wa. Nfe ku ce í maai wa. Gbugbã ku taa inɛ í wa bii fei, nɔ faau í ba gbugbã wa kɔ̃ɔsi.

Ezekiɛli 7:12

Waatiu í to. Ajɔi kiitiu í maai wa. Woo ra ŋa a kaa nɛ inɔ didɔ̃, nɔ bɛɛbɛi woo ta ŋa a kaa nɛ inɔ kufɔ, domi idɔɔkɔ̃m á naai si zamaau fei.

Daniɛli 6:26

Si anyiɛ, ilaalu Dariusi í kɔa zamaau fei, do dimi fei, do fee ŋa iyi à wa si andunyau fei. Nɔ í ni, laakai ku sũ nla nla ku wɛɛ do iŋɛ.

Daniɛli 9:16

Lafɛ̃ɛ, teese i nyisi wa jiida ku jɛɛ ŋau má. Jɔ̀ idɔɔkɔ̃ nla nlaɛ si gãmɛi Zeruzalɛmu iluɛ iyi í jɛ iri kuta kumáɛu ku sũ. Na dulum du wa ŋa do ti bala nwa ŋau, ilɛ ŋa iyi à kaako wa ŋau à waa bu Zeruzalɛmu do inɛɛ ŋa.

Daniɛli 9:20

Ŋɔi ǹ mɔsi do kutɔɔ ku ce, nɔ ǹ wa n ce tuubai dulum dom ŋa do ti inɛi Izirɛli zamaam ŋau, nɔ ǹ wa n tɔɔ Aɔ̃ Lafɛ̃ɛm nii ntɔ ntɔ na iri kuta kumáu.

Ozee 5:8

I fã kuu si ilui Gibea ŋa, nɔ i fã kãakãakĩ si ilui Rama ŋa. I dɔ̃ anui igũ si ilui Bɛti-Avɛni, iŋɛ tɔkui Bɛnzamɛɛ ŋa.

Ozee 8:1

Aɔ̃ Lafɛ̃ɛ í ni, i fã kuu ŋa i faò laakaii inɛ ŋa. Laalɔ í cuku wai si kpasɛ̃i Aɔ̃ Lafɛ̃ɛ bɛi kungbã í ya cuku wa hai lele, si na iyi í jɔ̀ a kù jirima akabuu iyi í wa si gãmɛi awaò ŋa nɔ à ce ide ku kɔ̀ si gãmɛi ikɔm ŋa.

Zoɛli 1:15

Ajɔ kugaabu wa naa. Ajɔi Aɔ̃ Lafɛ̃ɛi. Asɔɔi wa naa ku ce, nɔ Ilaaɔ̃ ilu gbugbã feiui í jilɔɔ bɛɛbɛ.

Zoɛli 2:11

Aɔ̃ Lafɛ̃ɛ í ya jɔ̀ soogeɛ ŋa a gbɔ imuɛi do waju. Sooge ŋa iyi à waa ceò woodaɛ ŋa icɛ, à kpɔ nɔ à nɛ gbugbã. Ntɔ ntɔ, ajɔi Aɔ̃ Lafɛ̃ɛu, ajɔ kugaabui. Ajɔu í to njo nɔ inɛ kãma kaa yɔkɔ ku fita si.

Zoɛli 2:15

I fã kuu si ilui Siɔ̃ɔ ŋa. I jilɛ anu ku dĩ ŋa. I kpe zamaau i ce kutɔtɔɔ nla nla ŋa.

Amɔsu 3:6

Ntɔ ntɔ aa fã kuu si inɔ ilu iyi zigii inɛ ŋa kù da? Wahala gɔ á naa si inɔ ilu iyi kù jɛ Aɔ̃ Lafɛ̃ɛi í jɛ icuɛ?

Amɔsu 5:18

Inɔ kufɔi á jɛ ti inɛ ŋa iyi à waa bi ajɔi Aɔ̃ Lafɛ̃ɛ ku yɛ. Na mii í ce ì waa degbe ajɔi Aɔ̃ Lafɛ̃ɛ do saasa ŋa. Ajɔ nŋu ilu kuku nla nlai á ce nɔ inya kumá kaa wɛɛ.

Amɔsu 8:2

Í beem í ni, mii ì yɛ Amɔsu. Ŋɔi ǹ jɛ ǹ ni, kɔlɔi isoi jĩi ŋa iyi à jĩa. Nɔ Aɔ̃ Lafɛ̃ɛ í sɔ̃m í ni, kɔɔi kuwɛɛi inɛi Izirɛli ŋai í to bɛ. N kaa n ce ŋa suuru kãma má.

Abudiasi 1:15

Ajɔi amu Aɔ̃ Lafɛ̃ɛ í maai wa, si bii an kiiti dimi fei. Bɛi ì cea inɛ ŋa, bɛɛbɛi an cea awɔ mɔ. Laalɔ iyi ì ce, si iriɛi á cuku si.

Sofoni 1:14

Ajɔ nlai Aɔ̃ Lafɛ̃ɛu í maai wa. Í maai wa, nɔ wa naai gbãa gbãa. Ibai ajɔi Aɔ̃ Lafɛ̃ɛu í jɔ̀ woo ja igũ wa dɔ̃ anu na zigiida.

Sofoni 1:16

Ajɔu, ajɔ si bii kuu á dɔ̃ anui. Ajɔ si bii aa dɔ̃ anui igũ si gãmɛi ilu ku nɛ gbugbã ŋaui, do si gãmɛi ile kugboka ŋa iyi à wa si gontai bindii ilu nla ŋau.

Sofoni 1:7

I coko ŋa si wajui Aɔ̃ Lafɛ̃ɛ, domi ajɔ si bii á ce kiitiɛ í maai wa. Aɔ̃ Lafɛ̃ɛ í ce sɔɔlui kuwee, nɔ inɛ ŋa iyi í kpe ŋau, í jɔ̀ à maaju.

Sofoni 3:11

Si ajɔ nŋu bɛ, iŋɛ inɛm ŋa anyɔ kaa mu ŋɛ má si gãmɛi laalɔ ŋa iyi ì ce fei ì dedeò ide ku kɔ̀ si gãmɛm nɔu ŋa, domi an jɔ̀ inɛ ŋa iyi aa wɛɛò inɔ didɔ̃ na igũ ku jɛ nŋɛu a jĩò ŋɛ, nɔ i kaa jɛ ilu faau si iri kuta kumám nɔu má ŋa.

Zakari 14:1

Iŋɛ inɛi Zeruzalɛmu ŋa, ajɔi Aɔ̃ Lafɛ̃ɛ í maai wa si bii inɛ ŋa aa ko amani nŋɛ ŋa a kpɔ̃ɔ si waju nŋɛ.

Zakari 8:3

Ŋɔi í jɔ̀ an nyi wa Siɔ̃ɔ má, n maa n wa si inɔi inɛi Zeruzalɛmu ŋa. Nɔ aa kpe Zeruzalɛmuu ilu bii ntɔ í wa, nɔ geetei Siɔ̃ɔ mɔ iyi í jɛ titom aa kpe nŋu mɔi iri kuta kumá.

Kuka 10:2

jɔ̀ a ceɛ kãakãakĩi isɔ fũfũ ara minji. Isɔ fũfũi aa dɛdɛ nɔ a cãa do mataaka a ce ŋa do. Kãakãakĩ ŋaui aa ya fã i tɔtɔɔò inɛ ŋau do bii ì waa bi i dede hai bii ì ce asɔ ŋau.

Kuka 10:3

Bii à fãa minji fei zamaau fei á ya tɔtɔɔ wa bi tɛɛi bi anui ile bi kukou.

Kɔrɛnti 1, 14:8

Inɛ mɔ iyi wa cã gãgãi igũ, bii kù waa cãa dee dee, yooi á ce sɔɔlui igũ.

Filipi 2:12

Iŋɛ baakɔɔm ŋa, ì ya jirimam ŋa si waati iyi ǹ wa inɔ nŋɛ wo. Nsɛi iyi ǹ jĩò ŋɛ í sĩa i ya maa jirimam ku re ŋa. I kookaai i ce icɛ do njo do kuyaya ku ba icɛ jiida nŋɛ ku jɔ̀ a mà iyi ì ba faaba ŋa,

Tɛsalonika 1, 5:2

Iŋɛ taka nŋɛ ì waa mà sãa sãa ŋa iyi Lafɛ̃ɛ á na ku nyi wai si ajɔ iyi inɛ kãma kaa mà, bɛi woo ce ile ŋa à ya naa idũ.

Zaaki 5:8

Iŋɛ mɔ i yɔkɔ temua ŋa, i jɔ̀ idɔ nŋɛ ku leekĩ dim dim ŋa, domi kunaai Lafɛ̃ɛ í maai wa mbɛ.

Piɛɛ 1, 4:7

Kɔɔi mii fei í maai wa. Na nŋu, i mu ara nŋɛ do laakai, nɔ i jɔ̀ hunde nŋɛ ku wɔ njoo ku ba i yɔkɔ i ce kutɔɔ ŋa.

Kuyɛi Zãa 6:17

I bii wa ŋa si na iyi í jɔ̀ ajɔi idɔɔkɔ̃ nla nla nŋau í to wa. Yooi á yɔkɔ ku leekĩ si waju nŋa.