Zoɛli 1:9 - Bibeli do fee

⁹ A ci ya naaò kuweei iyafũ ŋa do ti vɛ̃ɛ ŋa wa kpasɛ̃i Aɔ̃ Lafɛ̃ɛ má. Na ŋɔi í jɔ̀ woo weei Aɔ̃ Lafɛ̃ɛ ŋau à wɛɛò inɔ kufɔi iku.

Zoɛli 1:9 Iomraidhean Croise

Bomma 2, 13:10

Amma bi ti awa, Aɔ̃ Lafɛ̃ɛi í jɛ Lafɛ̃ɛ nwa. Nɔ a kù fũsiɛ awɔ. Woo weeɛ ŋai à jɛ tɔkui Arɔ̃ɔ ŋa nɔ inɛi Levii ŋa à ya maa ceaa icɛ.

Kufita 28:1

Ŋɔi Aɔ̃ Lafɛ̃ɛ í sɔ̃ Moizi má í ni, kpe Arɔ̃ɔ igbãɛu ku naa bi tɛɛ, nŋu do Nadabu do Abihu do Eleazaa do Itamaa amaɛ ŋau. Cica inɛ nŋu ŋau ikã hai si inɔi inɛi Izirɛli ŋau ku ba a ceem icɛi woo wee ŋa.

Ezai 61:6

Amma iŋɛ, woo weei Aɔ̃ Lafɛ̃ɛ ŋai aa ya kpe ŋɛ. Bii à waa fɔ ide nŋɛ, woo ce icɛi Aɔ̃ Lafɛ̃ɛ nwa ŋai aa ya ni. Iŋɛi aa jɛ aranfãanii amanii inɛi ilɛ ŋau ŋa, nɔ iŋɛi aa tɔɔ fufu do amani nŋa ŋau.

Kukpata 1:16

Na ŋɔi í jɔ̀ ǹ wa n kpata. Cikãajum ŋa a kù waa leekĩ. Inɛ iyi á lɛlɛm ku muum gbugbã n baò kuwɛɛ, í jĩim. Amam ŋa à mɔngɔ, domi mbɛɛ í nɛ gbugbã í re ŋa.

Kukpata 1:4

Kpãa ŋa iyi à waa bɔ Siɔ̃ɔ, à nɛ inɔ kufɔi iku. Inɛ ŋa à ci ya too ŋa a bɔ jingau má. Bantumaɛ ŋa fei à gbe ngbɛ. Woo weeɛ ŋa à waa kakaa, ama mudɛ̃ɛɛ ŋa à nɛ inɔ kufɔ, nɔ nŋu takaɛ í wa si ara kuro.

Ozee 9:4

A kaa ya dikã vɛ̃ɛ a ceaò Aɔ̃ Lafɛ̃ɛ kuwee ŋa má. Kuwee nŋa ŋau kaa dɔ̃aa si má. Sɔndau á baa ku yɛi bi tu ŋa bɛi sɔndai akũ. Inɛ ŋa iyi aa jɔɔ fei, aa so riisii. Sɔnda nŋau, ari nŋu akãi á nya ŋa, a kaa lɔò si inɔ kpasɛ̃i Aɔ̃ Lafɛ̃ɛ.

Zoɛli 1:13

Iŋɛ woo wee ŋa, i dasi ibɔi akũ nɔ i kpata i maa weeweaò ŋa. Iŋɛ iyi ì ya ce kuwee si bi kuweeu, i dɔ̃ anu ŋa. I we saaki i wɔ̀ò njoo iŋɛ woo ce kuweei Ilaaɔ̃ Lafɛ̃ɛm ŋa, domi inɛ ŋa a kù waa naaò kuweei iyafũ ŋa do ti vɛ̃ɛ ŋa wa kpasɛ̃i Ilaaɔ̃ Lafɛ̃ɛ nŋɛ má.

Zoɛli 1:16

Inɔ didɔ̃ do ara ku fũ nwa fei í kpa iri hai si kpasɛ̃i Ilaaɔ̃ Lafɛ̃ɛ nwau, domi amaajɛ ŋa iyi à ya ka ceò kuwee ŋau a kù wɛɛ má.

Zoɛli 2:14

Á yɔkɔ ku jɛ Aɔ̃ Lafɛ̃ɛ á kpaasi lasabuɛ, nɔ ku jɔ̀ jiida ku jɛɛ ku naa si ŋɛ. Waati bɛɛbɛ, aa yɔkɔ i naaò kuweei iyafũ do ti vɛ̃ɛ wa ŋa.

Zoɛli 2:17

Woo wee ŋa iyi à waa ce icɛi Aɔ̃ Lafɛ̃ɛ ŋau a kpata si inɔ kpasɛ̃i Aɔ̃ Lafɛ̃ɛu si afei andɛi kpasɛ̃u do bi ku ce kuweeu a maa ni, Aɔ̃ Lafɛ̃ɛ, ce araarei awa inɛɛ ŋau. Maà dasi awa inɛɛ ŋau anyɔ. Maà jɔ̀ isɛ mmu ŋa a yaako wa a maa ni, hee iwoi Ilaaɔ̃ Lafɛ̃ɛ nŋau í wa.