Zoɛli 1:8 - Bibeli do fee

⁸ I weewea ŋa bɛi mudɛ̃ɛ iyi í we saaki bɛi acɔ ku ba ku kpata na mɔkɔ awaasũɛ iyi kù wɛɛ.

Zoɛli 1:8 Iomraidhean Croise

Mɔnda ŋa 2:17

nŋu iyi í kɔ̀si mɔkɔ sinteɛ nɔ i dede si akabuu iyi aŋaò à dĩ si wajui Ilaaɔ̃.

Ezai 22:12

Aɔ̃ Lafɛ̃ɛi lele do ilɛ í kpe ŋɛ ajɔ nŋu í ni i kpata nɔ i maa weewea ŋa. I wa iri nŋɛ ŋa, nɔ i we saaki ŋa i nyisiò inɔ kufɔ nŋɛ.

Ezai 32:11

Debɛi i jɔ̀ i wɛɛò zigiida ŋa, iŋɛ iyi i kù waa ce weeweai nkãmau bɛ. I yaya ŋa, iŋɛ iyi ì waa naanɛ ara nŋɛu. I bɔ ibɔ nŋɛ ŋa, i gbe basĩ ŋa, nɔ i we acɔi inɔ kufɔ si gbankili nŋɛ ŋa.

Zeremi 3:4

Nsɛi bɛbɛi ì waa dɔ̃ anu sim ì waa ni, baam, awɔi ì jɛ kpaasim hai awaasũm.

Kukpata 1:4

Kpãa ŋa iyi à waa bɔ Siɔ̃ɔ, à nɛ inɔ kufɔi iku. Inɛ ŋa à ci ya too ŋa a bɔ jingau má. Bantumaɛ ŋa fei à gbe ngbɛ. Woo weeɛ ŋa à waa kakaa, ama mudɛ̃ɛɛ ŋa à nɛ inɔ kufɔ, nɔ nŋu takaɛ í wa si ara kuro.

Amɔsu 8:10

An kpaasi jingau nŋɛ ŋaui do inɔ kufɔ, nɔ iri ku kɔ̃ nŋɛ ŋa mɔ do kukpata. Jĩnɛi inɔ kufɔi inɛ fei á dasi. Nɔ inɛ fei á gbogoo iriɛi na inɔ kufɔ. Inɔ kufɔi ikui á naa si ilɛu fei bɛi ti ajɔi ikui ama akã, nɔ mii fei á kpa irii do inɔ kufɔ nla nla.

Malasi 2:15

Aɔ̃ Lafɛ̃ɛ kù jɔ̀ i kù jɛ ara akã do hunde akã ŋa ba. To, mii ì waa lele ŋa. Kù jɛ na Ilaaɔ̃ ku mu nŋɛ amu ŋa? Bii bɛɛbɛi i mu ara nŋɛ ŋa nɔ inɛ kãma nŋɛ kù maa dede si akabuu iyi í dĩ do aboi waatii awaasũɛ.

Zaaki 5:1

Nsɛi, iŋɛ ilu fia ŋa, i gbɔ iyi ǹ wa n sɔ̃ ŋɛ. I kpata i cã kpokpo ŋa na wahala ŋa iyi aa naa si ŋɛ.