Zoɛli 1:7 - Bibeli do fee

⁷ Dimiu í ce asɔɔi jĩi ndii rezɛ̃ɛm ŋa, nɔ í da jĩi ndii figi ŋau mam mam. Í ce nfei jĩi ŋaui hee do kpaka nŋa ŋa fei, nɔ í jɔ̀ amaawɔi jĩi ŋau fei à baa à fũuta.

Zoɛli 1:7 Iomraidhean Croise

Iri ku kɔ̃ 105:33

Í ce nfei jĩi ndii rezɛ̃ɛ nŋa ŋa do ti figi nŋa ŋau, nɔ í cɛ jĩi ndii ilɛ nŋa ŋau.

Kufita 10:14

Kɛtɛngbo ŋau à fangaa si ilɛu fei nɔ à de bii fei, à kpɔ hee í caa. A kù yɛ dimiɛ tako wo nɔ a kaa yɛ dimiɛ má ajɔ kãma.

Kufita 10:15

À bii gbugbãai ilɛu fei nɔ ilɛu fei í baa í dũ. À jɛ mii iyi kutai ijĩu í jɔ̀ fei, hai amaajɛi ilɛ ŋa hee do isoi jĩi ŋa fei, nɔ wua baa akã kù gbe si jĩi ŋau hee má jɛ si iko ŋau.

Ezai 24:7

Ŋɔi vɛ̃ɛ titɔ̃ í dasi inɔ kufɔ, nɔ jĩi ndii rezɛ̃ɛu wa gbɛ. Inɛ ŋa iyi à tako à wɛɛò inɔ didɔ̃ ŋau fei wo, à baa à waa weewea.

Ezai 32:12

I cã gɛndɛ i maa kpataò ŋa na mii iyi á na ku ba iko kusĩa nŋɛ ŋau do jĩi ndii rezɛ̃ɛ nŋɛ ŋa iyi à sou.

Ezai 5:6

An jɔ̀ ilɛu ku wɛɛɛ bɛɛbɛi. Inɛ kãma kaa ya teese amaawɔi jĩi ŋau, nɔ inɛ kãma kaa ya logooɛ. Jĩi ku nɛ agũ ŋa do agũ mmu ŋai aa dede a biiɛ. Nɔ n kaa n jɔ̀ ijĩ ku dũ hee ku wɔ si ilɛu.

Zeremi 8:13

Aɔ̃ Lafɛ̃ɛ í ni, bii ǹ bi ngɔgɔ ku ka bi tu ŋa, n ci ya n ba isoi rezɛ̃ɛ kãma si jĩi ndii rezɛ̃ɛ. N ci ya n ba isoi figi kãma si jĩi ndii figiu. Wua ŋau à gbɛ fei. Mii iyi ǹ tako ǹ na ŋau à bɛjɛɛ.

Ozee 2:12

Bɛbɛi, an jɔ̀ ku gbe basĩi ku ba anyɔ ku muu si ijui mɔkɔ kaafeɛ ŋau, nɔ inɛ kãma kaa nyaa hai si awɔm.

Zoɛli 1:12

Jĩi ndii rezɛ̃ɛ í gbɛ, nɔ ti figi ŋau mɔ a kù waa so má. Jĩi ndii gerenadi ŋa do jĩi ndii kpakpa ku nɛ iso wɛwɛɛ ŋau do jĩi ndii pɔmu ŋau fei à gbɛi. Inɔ didɔ̃ fei í leekĩi bi amanɛ ŋa.

Amɔsu 4:9

Ǹ jɔ̀ amaajɛ nŋɛ ŋa à ba bɔ̃ɔ, nɔ à gbɛ. Jĩi ndii lambo nŋɛ ŋa hai rezɛ̃ɛ nŋɛ ŋa do jĩi ndii figi nŋɛ ŋa do jĩi ndii olivi nŋɛ ŋa, kokoo ŋa à ŋɔ ŋa. Amma do nŋu fei i kù nyi wa bi tom ŋa. Amu Aɔ̃ Lafɛ̃ɛi ǹ fɔ bɛɛbɛ.

Abakuku 3:17

Jĩi ndii figi kaa da koko, jĩi ndii rezɛ̃ɛ kaa so jĩi ndii olivi mɔ kaa so, iko ŋa a kaa ce amaajɛ kãma, angudã ŋa a kaa wa inɔ aro, kɛtɛ ŋa mɔ a kaa wa bi ku so nŋa.

Malasi 3:11

An lele kɛtɛngbo ŋa hai si ilɛ nŋɛ ŋa, ku ba a maà bɛjɛ amaajɛ nŋɛ ŋa. An jɔ̀ jĩi ndii rezɛ̃ɛ nŋɛ ŋa iyi a ci ya so ŋau a so si iko nŋɛ ŋa. Amu Aɔ̃ Lafɛ̃ɛi lele do ilɛi ǹ fɔ bɛɛbɛ.