Zoɛli 1:6 - Bibeli do fee

⁶ Ntɔ ntɔ, dimi gɔ í bii si ilɛm wa. Dimiu í nɛ gbugbã, nɔ à kpɔ. À nɛ inyí ŋai bɛi ti muusu nla. Kɛkɛlɛ nŋa í yɛi bɛi ti muusu nla abo.

Zoɛli 1:6 Iomraidhean Croise

Iri ku kɔ̃ 107:34

Í jɔ̀ ilɛ ku nɛ taasi í baa í kpɔò ilɛ hai nɛ taasi na inɔ kukãi inɛi ilɛ ŋau.

Mɔnda ŋa 30:14

Inɛ gɔ ŋa à ya taa hai nɛ gbugbã ŋa do ilu are ŋa gbugbã. Inyíi inɛ ŋau í yɛi bɛi taakuba, kɛkɛlɛ nŋa ŋa mɔ bɛi kasɛ.

Ezai 32:13

Agũ dimi ikã ikã ŋai aa fita a maa la si ilɛi inɛm ŋau hee do si kpasɛ̃ fei bii inɔ didɔ̃ í wa do si ilu bii aa maa gbɔ anu ku dɔ̃i inɔ didɔ̃.

Ezai 8:8

Kukɔ̃i inyiu á bɔi hee Zudaa, nɔ á kɔ̃i ntɔ ntɔ hee si kɔ̃ɔ. Á bii kucĩi ilɛɛu mɔm nii fei, Emanuɛli.

Ozee 9:3

Inɛi Efaraimu ŋau a kaa yɔkɔ a buba si ilɛi Aɔ̃ Lafɛ̃ɛu. Aa sinda a nyi ilɛi Ezibitii walakɔ a bɔ ilɛi Asirii tengi bii aa jɛ sɔnda ŋa iyi à jɛ iwɔ̀.

Zoɛli 2:25

Aɔ̃ Lafɛ̃ɛ í ni, an sã nŋɛ si adɔ̃ ŋa iyi kokoo ŋa, do ngootue ŋa, do kpɔɔwɛɛ ŋa, do kɛtɛngbo ŋa à ce asɔɔi amaajɛ nŋɛ ŋau. Mii ŋau bɛi à jɛ bɛi soogem ŋa iyi ǹ jɔ̀ à naa si ŋɛ wo nkpɔ nkpɔ.