Zoɛli 1:4 - Bibeli do fee

⁴ Iyi koko ŋa à jɛ à jɔ̀, ngootue ŋai à na à jɔɔ. Iyi ngootue ŋau mɔ à jɛ à jɔ̀, kpɔɔwɛɛ ŋai à na à jɔɔ. Iyi kpɔɔwɛɛ ŋau mɔ à jɛ à jɔ̀, kɛtɛngbo ŋai à na à jɔɔ.

Zoɛli 1:4 Iomraidhean Croise

Ilaalu 1, 8:37

Waati iyi ari á naa walakɔ patapoo walakɔ ibũ tũtũ walakɔ bɔ̃ɔi amaajɛ mmu ŋa walakɔ angocange do kɛtɛngbo ŋa, walakɔ bii mbɛɛ ŋa à na à tɛsi ilɛu walakɔ wahala ŋa do bɔ̃ɔ dimi ikã ikã baa yooma fei,

Bomma 2, 6:28

Waati iyi ari á naa walakɔ patapoo, walakɔ ibũ tũtũ walakɔ bɔ̃ɔi amaajɛ mmu ŋa, walakɔ angocange do kɛtɛngbo ŋa, walakɔ bii mbɛɛ ŋa à na à tɛsi ilɛu, walakɔ wahala ŋa do bɔ̃ɔ dimi ikã ikã baa yooma fei,

Bomma 2, 7:13

Waati iyi an cĩmbo leleu, nɔ agbɛ ku mu, nɔ n ni angocange ŋa a ce nfei amaajɛi ilɛu fei, walakɔ bii ǹ jɔ̀ patapoo í naa si zamaam nɔu,

Iri ku kɔ̃ 105:34

Ilaaɔ̃ í na wooda má, nɔ kɛtɛngbo ŋa à naa si ilɛu bãm bãm.

Iri ku kɔ̃ 78:46

Í jɔ̀ kɛtɛngbo ŋa à ŋɔ amaajɛ nŋa ŋa. Icɛi awɔ gbugbã nŋa, ngootue ŋai à ce nfeɛ.

Kufita 10:4

Bii ì kɔ̀ ku jɔ̀ inɛi nŋu ŋau a nɛ, ala nŋu á jɔ̀ kɛtɛngbo ŋa a naa si gbugbãai ilɛɛ fei.

Kufita 10:5

Kɛtɛngbo ŋau, aa bii gbugbãai ilɛu feii hee inɛ ŋa a kaa yɛ ilɛu má mɔm. Si amaajɛ iyi í gbɛ̃ ŋau, andi iyi kutai ijĩ í jɔ̀ nŋɛu aŋai aa jɔɔ. Aŋai aa kpa jĩi ŋa iyi à wa si iko nŋɛ ŋa fei.

Ezai 33:4

Inɛ ŋa aa bii si mii ndu ŋɛ ŋai a koo bɛi kɛtɛngbo ŋa à ya ce. Inɛ ŋa aa bii si ŋai bɛi kɛtɛngbo ŋa à ya bii si mii ŋa.

Zeremi 51:14

Aɔ̃ Lafɛ̃ɛi lele do ilɛ í ce kugbasi do irii nŋu takaɛ í ni, ntɔ ntɔ, an jɔ̀ zamaa ku naa siɛ bɛi kɛtɛngbo ŋa, nɔ aa dɔ̃ siɛ anui igũ ku jɛi.

Zeremi 51:27

I kɔa tuuta lele si ilɛu ŋa. I fãa zamaau kuu ŋa. I jɔ̀ zamaa nkpɔ nkpɔ ku dede si inɛi Babilɔni ŋau ŋa. I tɔtɔɔ bommai Ararati ŋa do ti Mini ŋa do ti Asekenazi ŋau a naa si ŋa ŋa. I so inɛ ngboi sooge ŋa nɔ aŋa mɔ a dɛdɛ inɛ ŋa iyi aa naa a koo a jɛ ŋa igũ. I jɔ̀ acĩ ŋa iyi kukpɔ nŋa í jɔ̀ à yɛ bɛi kɛtɛngbo ŋa iyi à yɛ bɛi kudũi ijĩ a koo si ŋa igũ ŋa.

Zoɛli 2:25

Aɔ̃ Lafɛ̃ɛ í ni, an sã nŋɛ si adɔ̃ ŋa iyi kokoo ŋa, do ngootue ŋa, do kpɔɔwɛɛ ŋa, do kɛtɛngbo ŋa à ce asɔɔi amaajɛ nŋɛ ŋau. Mii ŋau bɛi à jɛ bɛi soogem ŋa iyi ǹ jɔ̀ à naa si ŋɛ wo nkpɔ nkpɔ.

Amɔsu 4:9

Ǹ jɔ̀ amaajɛ nŋɛ ŋa à ba bɔ̃ɔ, nɔ à gbɛ. Jĩi ndii lambo nŋɛ ŋa hai rezɛ̃ɛ nŋɛ ŋa do jĩi ndii figi nŋɛ ŋa do jĩi ndii olivi nŋɛ ŋa, kokoo ŋa à ŋɔ ŋa. Amma do nŋu fei i kù nyi wa bi tom ŋa. Amu Aɔ̃ Lafɛ̃ɛi ǹ fɔ bɛɛbɛ.

Amɔsu 7:1

Mii iyi Aɔ̃ Lafɛ̃ɛ í jɔ̀ ǹ yɛ wee. Í tɔtɔɔ kɛtɛngbo ŋa nkpɔ nkpɔ waati iyi fɔfɔ í sinti ku la wa. Si anyii iyi ilaalu í bu fɔfɔ sinte ti mɛɛmuɛ ŋa, ŋɔi fɔfɔ í nyi wa la wa má.

Malasi 3:11

An lele kɛtɛngbo ŋa hai si ilɛ nŋɛ ŋa, ku ba a maà bɛjɛ amaajɛ nŋɛ ŋa. An jɔ̀ jĩi ndii rezɛ̃ɛ nŋɛ ŋa iyi a ci ya so ŋau a so si iko nŋɛ ŋa. Amu Aɔ̃ Lafɛ̃ɛi lele do ilɛi ǹ fɔ bɛɛbɛ.

Wooda ku kɔsi 28:38

Dimi nkpɔ nkpɔi aa ya koo i gbɛ̃ si iko nŋɛ ŋa, amma amaajɛ iyi aa ya ba i da i baaò wa ŋa, kaa ya kpɔ, domi kɛtɛngbo ŋa aa ya jɔɔi.

Wooda ku kɔsi 28:42

Jĩi ndu ŋɛ ŋa do amaajɛi ilɛ nŋɛ ŋa fei, sɔndai kɛtɛngbo ŋai aa jɛ.