Zoɛli 1:2 - Bibeli do fee

² Iŋɛ inɛ ngbo ŋa, i sotĩ i gbɔ ŋa. I sotĩ i gbɔ ŋa iŋɛ iyi ì wa si ilɛu fei. Mii dimi bɛ ihɛ̃ í ce si waati nŋɛ, walakɔ si waatii bala nŋɛ ŋa?

Zoɛli 1:2 Iomraidhean Croise

Zɔɔbu 12:12

Mɔkɔ ngbo ŋai à ya nɛ laakai, nɔ hunde sisɔi í ya naaò bisi wa.

Zɔɔbu 15:10

Mɔkɔ ngbo ilu ntoi iri fũfũ ŋa à wa si inɔ nwa iyi à gboa baaɛ.

Zɔɔbu 21:7

Na mii í jɔ̀ inɛ laalɔ ŋa à kɔ̀ à wɛɛ si hunde. Na mii í ce à ya gbo nɔ a kɔ̀ a maa gbeò gbugbã.

Zɔɔbu 8:8

Koo i bee inɛ ŋa iyi à cua wa, nɔ i gbɔ bɛi bala nŋa ŋa à ce,

Iri ku kɔ̃ 49:1

Iriu ihɛ̃ ti inɛ ngboi woo kɔ̃ iri ŋai do amai Kore ŋa.

Ezai 34:1

I sɛkɛɛ wa iŋɛ inɛi ilɛ ŋa, ku ba i gbɔ ŋa. Zamaa, i sotĩ i gbɔ ŋa. Ilɛ mɔ hee do mii iyi í wa si fei, ku sotĩ ku gbɔ. Nɔ andunya mɔ hee do mii iyi í wa si fei, ku sotĩ ku gbɔ.

Ezai 7:17

Amma awɔ, Aɔ̃ Lafɛ̃ɛ á jɔ̀ wahala gɔ ku naa siɛ do si zamaaɛ ŋa do si bommaɛ. Wahalau, a kù yɛ dimiɛ ajɔ kãma hai waati iyi bommai Izirɛli do ti Zudaa ŋau à kpɛ̃. Iyi bɛ á cei hai do bi ilaalui Asiri.

Zeremi 30:7

Irei ì gbɔ inɔ kufɔ. Ajɔu bɛ ajɔ nla nlai. Ajɔ mmu kãma kù yɛ bɛɛbɛ má. Waatii inɔ kufɔi ti tɔkui Zakɔbu ŋa, amma do nŋu fei aa fita si mbɛ ide kãma kaa wa si.

Zeremi 5:21

i sotĩ i gbɔ, iŋɛ zamaa nnyɛi iyi í kua laakai ŋa. Ì nɛ iju ŋa, amma i kù waa yɛ ilu ŋa. Ì nɛ itĩ ŋa, nɔ i kù waa gbɔ ide ŋa.

Daniɛli 12:1

Ŋɔi amalekau í bam ide ku fɔ má í ni, si waatiu bɛi Misɛli inɛ ngboi amaleka ŋau á faata wa, nŋu iyi í jɛ inɛ iyi á kɔ̀ò zamaaɛu. Waatiu, waatii wahalai á jɛ iyi a kù yɛ dimiɛ bii kãma hee ku naa si waatiu bɛ. Si waatiu bɛ, inɛɛ ŋa iyi à kɔ iri nŋa si tiai kuwɛɛu fei, aa ba a fita si.

Ozee 4:1

Iŋɛ inɛi Izirɛli ŋa, i sotĩ i gbɔ idei Aɔ̃ Lafɛ̃ɛ ŋa, domi idei taale í wa si gãmɛi Aɔ̃ Lafɛ̃ɛ do inɛi ilɛɛ ŋau si na iyi í jɔ̀ jiida ku jɛ do dee dee ku jɛ do Ilaaɔ̃ ku mà kù wa si ŋa.

Ozee 5:1

Iŋɛ woo wee ŋau, i sotĩ i gbɔ ku ce ncɛɛ ŋa. Iŋɛ mɔ inɛi Izirɛli ŋa, i ce laakai ŋa. Iŋɛ mɔ inɛi kpasɛ̃i ilaalu ŋa, i sotĩ i gbɔ ŋa. Iŋɛi à waa fãa si gãmɛi idei kiitiu bɛ, domi Misipa bɛ iŋɛi ì jɛ bɛi cɛkũm bi inɛm ŋau, nɔ ì jɛ má ŋa bɛi taa iyi à le si iri kutai Tabɔɔ.

Zoɛli 1:14

I tɔtɔɔ zamaa nɔ i nya waati i ce anu ku dĩ ŋa. I tɔtɔɔ inɛ ngboi ilu ŋau do zamaai ilɛu fei si kpasɛ̃i Aɔ̃ Lafɛ̃ɛ nŋɛ, nɔ i dɔ̃ siɛ anu ŋa.

Zoɛli 2:2

Ajɔu ajɔi ilu kuku nla nlai. Ajɔu kudũi ijĩi í biiɛ, nɔ ilu kuku nla nlai í ce. Ajɔ nŋu zamaa nla nla ku nɛ gbugbã gɔi á naa bɛi inya kumái amɛɛjuumá iyi í fangaa si antaii iri kuta ŋau. Zamaau a kù yɛ dimiɛ titã, nɔ a kaa yɛ dimiɛ ajɔ kãma má. Nɔ baa tɔku ŋa iyi aa na a dede hee do waju fei, a kaa yɛ dimiɛ ajɔ kãma.

Amɔsu 3:1

I de itĩ i gbɔ ide iyi amu Aɔ̃ Lafɛ̃ɛ ǹ wa n fɔ, iŋɛ inɛi Izirɛli ŋa fei, iŋɛ iyi ǹ nya wa hai ilɛi Ezibitiu.

Amɔsu 4:1

Nɔ Amɔsu í ni má, iŋɛ inaaboi Samari ŋa, iŋɛ iyi ì yɛ bɛi kɛtɛ abo ŋa iyi à jɛ à ce kaato ŋa, inɛ ŋa iyi a kù nɛ gbugbãi ì ya maa taa gbugbã ŋa. Ì ya maa gba mii ndii ilu are ŋa, nɔ ì ya maa sɔ̃ mɔkɔ nŋɛ ŋa i maa ni a naaò atɛ̃ wa iŋɛò ŋa i mɔ. I sotĩ i gbɔ ŋa.

Amɔsu 5:1

Amɔsu í ni, iŋɛ inɛi Izirɛli ŋa i de itĩ i gbɔ irii akũ iyi ǹ wa n kɔ̃ na iri nŋɛ.

Misee 1:2

Misee í ni, iŋɛ inɛi andunya ŋa fei, i sotĩ i gbɔ ŋa. Ilɛ do mii iyi í wa si fei ku ce laakai. Ilaaɔ̃ Lafɛ̃ɛ á naa hai si kpasɛ̃ kumáɛ ku na ku yɛ taale nŋɛ.

Misee 3:1

Misee í ni, iŋɛ iyi ì jɛ inɛ ngboi tɔkui Zakɔbu ŋa, iŋɛ woo kiitii inɛi Izirɛli ŋa, i sotĩ i gbɔ ŋa. Aɔ̃ Lafɛ̃ɛ í ni, kù jɛ iŋɛi í sĩa i mà wooda ŋa?

Misee 3:9

Iŋɛ inɛ ngboi tɔkui Zakɔbu ŋa, do iŋɛ woo kiitii inɛi Izirɛli ŋa, i sotĩ i gbɔ ŋa, iŋɛ iyi i ci ya bi mii iyi í jɛ dee dee ŋa, iŋɛ iyi ì ya maa bɛjɛ ntɔ ŋa,

Matie 13:9

Iyi Jesu í kpa mɔndau í tã ŋɔi í ni, inɛ iyi í nɛ itĩ iyi á gbɔò ide, ku gbɔ.

Matie 24:21

Ntɔ ntɔ, waati bɛɛbɛ wahala nla nlai á naa iyi a kù yɛ dimiɛ hai sintei andunya hee do nnyi, nɔ a kaa ka yɛ dimiɛ má hee do ajɔ fei.

Kuyɛi Zãa 2:7

Inɛ iyi í nɛ itĩ, ku sotĩ ku gbɔ mii iyi Hundei Ilaaɔ̃ wa sɔ̃ igbɛi inɛi Jesu ŋa fei. Inɛ iyi í jɛ igũ, an jɔ̀ ku jɛ isoi jĩi ndii kuwɛɛ iyi í wa azanna.