Zoɛli 1:18 - Bibeli do fee

¹⁸ Mɛɛmu ŋa à wasi ku wahala. Kɛtɛ gaa ŋa à wasi ku dabii bii fei, domi bi kujɛ kù wɛɛ. Nɔ wahalau í tosi baa angudã ŋa.

Zoɛli 1:18 Iomraidhean Croise

Ilaalu 1, 18:5

Iyi Abudiasi í to wa, ŋɔi Akabu í sɔ̃ɔ í ni, jɔ̀ kaa dabii si ilɛu ka cɔ isɔ̃ ŋau do acãi inyi ŋau fei. Á yɔkɔ ku jɛ aa ka ba fɔfɔ ka woò acĩ ŋau do mulee nwa ŋa ku ba a maà ku, nɔ ka maà nɛ ka kpa mɛɛmu nwa ŋa má.

Ilaalu 1, 8:5

Ŋɔi ilaalu Salomɔɔ do inɛi Izirɛli ŋau fei à tɔtɔɔ si wajui kpakou. Nɔ à ce kuwee do angudã ŋa do kɛtɛ ŋa iyi a kaa yɔkɔ a mà jia nŋa na kukpɔ nŋa.

Zeremi 12:4

Hee waati yoomai ilɛu á maa wa si kukpatai akũ, nɔ jĩi do fɔfɔ tũtũ fei ku gbɛ. Na irii inɔ kukãi inɛi ilɛ ŋau, mɛɛmu do yɛi ŋa fei aa tãi, domi à ya maa ni, kaa yɔkɔ ku fɔ mii iyi á na ku ba wa.

Ozee 4:3

Na nŋu, ilɛu si inɔ kufɔi ikui á wa si. Inɛ ŋa iyi à wa si ilɛu fei aa gbɛi aŋa do mɛɛmui sako ŋau do yɛi ŋa. Baa cɛ̃ɛi inɔ tenku ŋa aa kpa irii mam mam.

Zoɛli 1:20

Nɔ baa mɛɛmui sako ŋa, bi titɛɛi à sinda waju nŋa wa, domi bi ku mɔ inyi nŋa ŋau fei à gbɛi, nɔ ina í ce nfei bi kujɛ ŋa si gbaau.

Amɔsu 1:2

Amɔsu í ni, hai iri kutai Siɔ̃ɔ, Aɔ̃ Lafɛ̃ɛ í dɔ̃ anu bɛi muusu nla nɔ à gbɔ imuɛ hee Zeruzalɛmu. Woo degbe ŋa à nɛ inɔ kufɔ domi fɔfɔ kù wɛɛ, nɔ iri kutai Kaamɛli mɔ hee antaiɛ lele fei í gbɛ.

Abakuku 3:17

Jĩi ndii figi kaa da koko, jĩi ndii rezɛ̃ɛ kaa so jĩi ndii olivi mɔ kaa so, iko ŋa a kaa ce amaajɛ kãma, angudã ŋa a kaa wa inɔ aro, kɛtɛ ŋa mɔ a kaa wa bi ku so nŋa.

Azee 1:10

Na ŋɔi í ce ijĩ kù tontoo wa hai lele nɔ nkãma kù ce ncɛɛ.

Romu 8:22

À mà iyi hee nsɛi mii ŋa iyi Ilaaɔ̃ í taka fei à waa kakaai bɛi inaabo iyi wa kakaa do ara kuroi kubí.