Zoɛli 1:13 - Bibeli do fee

¹³ Iŋɛ woo wee ŋa, i dasi ibɔi akũ nɔ i kpata i maa weeweaò ŋa. Iŋɛ iyi ì ya ce kuwee si bi kuweeu, i dɔ̃ anu ŋa. I we saaki i wɔ̀ò njoo iŋɛ woo ce kuweei Ilaaɔ̃ Lafɛ̃ɛm ŋa, domi inɛ ŋa a kù waa naaò kuweei iyafũ ŋa do ti vɛ̃ɛ ŋa wa kpasɛ̃i Ilaaɔ̃ Lafɛ̃ɛ nŋɛ má.

Zoɛli 1:13 Iomraidhean Croise

Samuɛli 2, 12:16

Ŋɔi Davidi í lɔsi Ilaaɔ̃ ku tɔɔ na amau, í dĩ anu, nɔ í ya lɔ ilei koo sũ ilɛ hee iju koo máu.

Ilaalu 1, 21:27

Iyi Akabu í gbɔ idei Eliiu í tã ŋɔi í ga ibɔɛ í nyisiò ara ku kayeɛ. Í dasi saaki nɔ í dĩ anu. Do saakiu bɛi í ya sũ, nɔ do nŋui í ya maa nɛò kpɛlɛ kpɛlɛ.

Ezai 22:12

Aɔ̃ Lafɛ̃ɛi lele do ilɛ í kpe ŋɛ ajɔ nŋu í ni i kpata nɔ i maa weewea ŋa. I wa iri nŋɛ ŋa, nɔ i we saaki ŋa i nyisiò inɔ kufɔ nŋɛ.

Ezai 61:6

Amma iŋɛ, woo weei Aɔ̃ Lafɛ̃ɛ ŋai aa ya kpe ŋɛ. Bii à waa fɔ ide nŋɛ, woo ce icɛi Aɔ̃ Lafɛ̃ɛ nwa ŋai aa ya ni. Iŋɛi aa jɛ aranfãanii amanii inɛi ilɛ ŋau ŋa, nɔ iŋɛi aa tɔɔ fufu do amani nŋa ŋau.

Zeremi 4:8

Na nŋu, i bii ara nŋɛ do saaki, i kpata nɔ i ŋɔ inyí ŋa, domi idɔɔkɔ̃ nla nlai Aɔ̃ Lafɛ̃ɛu kaa jɔ̀ wa.

Zeremi 9:10

Aɔ̃ Lafɛ̃ɛ í ni, an jɔ̀ Zeruzalɛmu ku kpɔò bommai, nɔ ku baa ku jɛ bi kuwai ajaako ŋa. Nɔ an jɔ̀ ilui Zudaa ŋau a baa a kpɔò bomma, nɔ inɛ kãma kaa wa bɛ má.

Ezekiɛli 21:12

Inɛ ŋa aa beeɛ a ni, na mii í jɔ̀ ì waa kakaa. Aa jɛ nŋa i ni, laabaau laalɔ gɔi ǹ gbɔ iyi á na ku ce. Inɛ ŋa aa wɛɛò inɔ kufɔ nɔ a kua gbugbã. Ilu wɔɔkɔ ŋa aa kua gbugbã, nɔ ilugũ ŋa a kua gbugbã. Mii iyi Aɔ̃ Lafɛ̃ɛ í ni á ceu nŋui í sinti bɛ tã.

Ezekiɛli 27:31

Aa wa iri nŋa na iriɛ nɔ a we saaki a maa nyisiò inɔ kufɔ nŋa. Aa maa kpatai jiida jiida na iriɛ a maa nyisiò inɔ kufɔ nŋa ntɔ ntɔ.

Ezekiɛli 7:18

Saakii aa bii bɛi acɔ, nɔ a maa yaya do njo. Anyɔi á bii waju nŋa nɔ aa gbogoo iri nŋa ŋai na inɔ kufɔ.

Ozee 9:5

Bɛirei aa ce ŋa si ajɔi jingaui Aɔ̃ Lafɛ̃ɛ.

Zoɛli 2:12

Ŋɔi Aɔ̃ Lafɛ̃ɛ í fɔ í ni, bɛbɛi i nyi wa bi titom ŋa do idɔ nŋɛ fei. I dĩ anu ŋa, i kpata ŋa, nɔ i tɔɔm ŋa.

Zoɛli 2:14

Á yɔkɔ ku jɛ Aɔ̃ Lafɛ̃ɛ á kpaasi lasabuɛ, nɔ ku jɔ̀ jiida ku jɛɛ ku naa si ŋɛ. Waati bɛɛbɛ, aa yɔkɔ i naaò kuweei iyafũ do ti vɛ̃ɛ wa ŋa.

Zoɛli 2:17

Woo wee ŋa iyi à waa ce icɛi Aɔ̃ Lafɛ̃ɛ ŋau a kpata si inɔ kpasɛ̃i Aɔ̃ Lafɛ̃ɛu si afei andɛi kpasɛ̃u do bi ku ce kuweeu a maa ni, Aɔ̃ Lafɛ̃ɛ, ce araarei awa inɛɛ ŋau. Maà dasi awa inɛɛ ŋau anyɔ. Maà jɔ̀ isɛ mmu ŋa a yaako wa a maa ni, hee iwoi Ilaaɔ̃ Lafɛ̃ɛ nŋau í wa.

Kuka 28:14

Amuai vɛ̃ɛ iyi aa naò mɔ, kɛtɛ kombo akã fei liiti mɛɛtai, angudã kombo akã mɔ fei liiti minjii, ama angudã ŋau mɔ liiti akã do bubu. Iyi bɛi í jɛ kuwee iyi aa ya ce si ajɔ sintei cukpa titɔ̃ fei si adɔ̃.

Kuka 28:4

Ama angudã akãi aa ceò kuwee daakɔ, minjisiau mɔ alɛ.

Kuka 28:7

Angudãi daakɔ iyi aa ceò kuweeu, aa naaò wai do vɛ̃ɛ liiti akã do bubu. Si inɔ ile kumáui aa dikã vɛ̃ɛu.

Kuka 29:6

Aa ce kuwee ŋau bɛ ŋai baai kuwee iyi à ya jo si ina fei sãa sãa waati kãma fei do ti ajɔ sintei cukpau do kuweei iyafũ ŋa do amuai vɛ̃ɛ ŋau baasi. Nɔ inunui kuwee ŋa iyi à ya jo si ina á dɔ̃ɔm si.

Kɔrɛnti 1, 4:1

Í sĩa i doo wa bɛi woo ce icɛi Kirisi ŋa iyi Ilaaɔ̃ í so idei asiiɛ í daa si awɔ.

Kɔrɛnti 1, 9:13

I kù mà ŋa iyi inɛ ŋa iyi à waa ce icɛ kpasɛ̃i Ilaaɔ̃, bɛi à ya ba ijɛ nŋa? Inɛ ŋa mɔ iyi à jɛ woo wee ŋa, si kuweeu bɛi à ya ba mii ku jɛ nŋa.

Kɔrɛnti 2, 11:23

À jɛ woo ce icɛi Kirisi ŋai? Ǹ re ŋa si bɛ. Idem nɔu, idei sũmui. Ǹ ce icɛ ǹ re ŋa, à dasim piisɔ̃ɔ í re ŋa, à tɛɛm kpɔtɔɔ n kù mà baa jiaɛ. Isɛ nkpɔ nkpɔi ǹ maai iku.

Kɔrɛnti 2, 3:6

domi nŋui í mu nwa gbugbã ka jɛò amaacɛɛ ŋa ka sisia inɛ ŋa akabuu titɔ̃. Akabuuu kù waa ce icɛ do wooda iyi à kɔu, bii kù jɛ do Hundei Ilaaɔ̃. Wooda iyi à kɔu í ya jɔ̀ inɛ ku kui, amma Hundei Ilaaɔ̃ í ya na kuwɛɛi.

Kɔrɛnti 2, 6:4

Amma si kuce nwa fei à waa bi kuwɛɛ nwa ku nyisi iyi à jɛ woo ce icɛ jiidai Ilaaɔ̃ ŋa. À waa temua ntɔ ntɔ si wahala do si are do si ijuukpã.

Kuyɛi Zãa 11:3

Nɔ í ni nŋu á jɔ̀ woo jɛ sɛɛda minjii nŋu ŋau a fɔ idei nŋu. Aa maa we saaki ŋa, nɔ nŋu á na ŋa kpãa a ceò walii si afei ajɔ dubu do cĩɔ minji do kita (1.260).