Zoɛli 1:12 - Bibeli do fee

¹² Jĩi ndii rezɛ̃ɛ í gbɛ, nɔ ti figi ŋau mɔ a kù waa so má. Jĩi ndii gerenadi ŋa do jĩi ndii kpakpa ku nɛ iso wɛwɛɛ ŋau do jĩi ndii pɔmu ŋau fei à gbɛi. Inɔ didɔ̃ fei í leekĩi bi amanɛ ŋa.

Zoɛli 1:12 Iomraidhean Croise

Iri ku kɔ̃ 4:7

Inɛ nkpɔi í ya maa ni, yooi á jɔ̀ ka yɛ mii jiida. Aɔ̃ Lafɛ̃ɛ, cɔ wa nɔ i ce nwa didɔ̃.

Iri ku kɔ̃ 92:12

Ijum í wai si mbɛɛm ŋa nɔ itĩm wa gbɔ ibai inɛ laalɔ ilu gbugbã ŋa iyi à dede sim wau.

Iri ku kɔ̃ iyi í dɔ̃ í re 2:3

awaasũm iyi í wa si aninii kpaasiɛ ŋa í yɛi bɛi jĩi iyi í ya so si aninii jĩi mmu ŋa si inɔ agbo. Si abɛ jĩjĩɛi ǹ ya n bi ku buba, nɔ isoɛ ŋa à ya dɔ̃ɔm sii ntɔ ntɔ.

Iri ku kɔ̃ iyi í dɔ̃ í re 4:13

Amaawɔɛ ŋa à yɛi bɛi amaawɔi jĩi ndii gerenadi iyi í nɛ iso ku dɔ̃ ku jɛ ŋa, bɛi jĩi ku nɛ inunu jiida ŋa, do bɛi jĩi iyi à ya kpe hɛnee do naadi,

Ezai 16:10

Inɔ didɔ̃ kãma kù wa si ikoi jĩi nɔu má. Nɔ si inɔ jĩi ndii rezɛ̃ɛ ŋau, iri ku kɔ̃ do inɔ didɔ̃ do akpɛ kãma kù wa si má. Woo fɔ̃ inyii isoi jĩi ndii rezɛ̃ɛ ŋau, kù waa fɔ̃ɔ si dangala ŋau má. Ǹ jɔ̀ anu ku dɔ̃i inɔ didɔ̃ fei í leekĩ.

Ezai 24:11

Inɛ ŋa à waa dɔ̃ anu si kpãa ŋa, si na iyi í jɔ̀ atɛ̃ vɛ̃ɛ í gaizia. Inɔ didɔ̃ fei í leekĩ. Ntɔ ntɔ, inɔ didɔ̃ í kpa irii si ilɛu.

Ezai 24:7

Ŋɔi vɛ̃ɛ titɔ̃ í dasi inɔ kufɔ, nɔ jĩi ndii rezɛ̃ɛu wa gbɛ. Inɛ ŋa iyi à tako à wɛɛò inɔ didɔ̃ ŋau fei wo, à baa à waa weewea.

Ezai 9:3

Do yaase bɛi ì tako ì ce wo si waati iyi ì jɔ̀ inɛi Madiãa ŋa à sau, bɛɛbɛi ì waa ce nnyi má. Ì jɔ̀ wahala do ijuukpã iyi wa tɛ zamaaɛu í leekĩ. Aso ku wo iyi wa tɛ kɔngɔɛ ŋau, do golo iyi à waa cãa dou mɔ í leekĩ.

Zeremi 48:3

Ŋɔi à gbɔ anu ku dɔ̃i faaba ku tɔɔ wa naa hai Horonaimu. Inɛ ŋa à waa ni, à ce asɔɔi mii fei, nɔ í jɛ wahala nla nla.

Zeremi 48:33

Inɔ didɔ̃ nla nlau kù wa si ikoi jĩi ku so isoi inɛi Moabu ŋau má. Atɛ̃ vɛ̃ɛ kù wa si nantaa nŋa ŋau má. Inɛ ŋa a kù wɛɛ iyi aa lɔlɔ rezɛ̃ɛ ŋau má. Anu ku dɔ̃i inɔ didɔ̃ nŋa ŋau fei í coko.

Zoɛli 1:10

Iko ŋau à ce asɔɔ, ilɛ í wɛɛò inɔ kufɔ bɛi ti iku, domi à ce asɔɔi bilee ŋa, nɔ vɛ̃ɛ mɔ kù wɛɛ má. Ikpo mɔ kù wɛɛ má baa keeke.

Zoɛli 1:16

Inɔ didɔ̃ do ara ku fũ nwa fei í kpa iri hai si kpasɛ̃i Ilaaɔ̃ Lafɛ̃ɛ nwau, domi amaajɛ ŋa iyi à ya ka ceò kuwee ŋau a kù wɛɛ má.

Zonasi 4:7

Amma iyi iju í má daadaakɔu, Ilaaɔ̃ í jɔ̀ koko gɔ í naa ŋɔ jĩi nɔu, nɔ í gbɛ.

Azee 2:19

Suu nŋɛ ŋa à nɛ amaajɛ má? Aawo. Baa jĩi ndii rezɛ̃ɛ nŋɛ ŋa do jĩi ndii figi nŋɛ ŋa do jĩi ndii gerenadi nŋɛ ŋa do jĩi ndii olivi nŋɛ ŋa a kù so. Amma hai nnyi amu Aɔ̃ Lafɛ̃ɛ an wee nŋɛ.

Malasi 3:11

An lele kɛtɛngbo ŋa hai si ilɛ nŋɛ ŋa, ku ba a maà bɛjɛ amaajɛ nŋɛ ŋa. An jɔ̀ jĩi ndii rezɛ̃ɛ nŋɛ ŋa iyi a ci ya so ŋau a so si iko nŋɛ ŋa. Amu Aɔ̃ Lafɛ̃ɛi lele do ilɛi ǹ fɔ bɛɛbɛ.

Kuka 13:23

Ŋɔi à bɔ hee lɔɔmai Ɛsekɔlu, hai tengi bii à da amaawɔi jĩi ndii rezɛ̃ɛ do saa akã wa à tɔtɔɔɛ do isoi jĩi gɔ iyi à ya kpe gerenadi, do isoi figi à so à kɔaɛ si jĩi gɔ amanɛ minji wa soo wa.