Zoɛli 1:11 - Bibeli do fee

¹¹ Inɔi woo logoo ŋau í fɔ, nɔ woo ce icɛi jĩi ndii rezɛ̃ɛ ŋau à wasi ku dɔ̃ anu na bilee do ɔɔzu, domi amaajɛ ŋa iyi à da hai iko ŋau fei à ce nfe.

Zoɛli 1:11 Iomraidhean Croise

Ezai 17:11

Ajɔ iyi ì lɔ ŋa ŋau, ajɔ nŋu bɛi mɔi à dede à la. Daakɔu bɛ mɔi mii ŋa iyi ì gbɛ̃ ŋau à ce koko ŋa. Amma amaajɛ nŋɛ ŋau à tãi si waatii bɔ̃ɔ. Nɔ nŋui í baa í jɛ wahala nŋɛ iyi kù nɛ ku tã.

Zeremi 14:2

Inɛi Zudaa ŋa à wa si inɔ kufɔi iku. Ilu nŋa ŋa à baa à kpɔò bomma, nɔ aŋa fei à wa si inɔ kufɔ à waa buba ilɛ. Kukpatai inɛi Zeruzalɛmu ŋau wa bɔ hee lelei Aɔ̃.

Zeremi 50:16

Inɛ iyi wa gbɛ̃ do inɛ iyi í so kɔɔma si waati ku mu fei, i nyaa hai Babilɔni ŋa. Bii igũ í na í dede, inɛ fei ku sa ku nɛ ideɛ, inɛ fei ku sa ku nyi ikpa ilɛɛ.

Zeremi 9:12

Ŋɔi Aɔ̃ Lafɛ̃ɛ í ni má, mii ŋau í ba ŋai si na iyi í jɔ̀ à fũsi woodam ŋa iyi ǹ na ŋa awɔ, do si na iyi í jɔ̀ à kɔ̀ ku gbɔ idem nɔ a kù jɛ ku tooɛ.

Ezekiɛli 30:2

awɔ amanɛ, ce walii i fɔ i ni amu Aɔ̃ Lafɛ̃ɛ ǹ ni a kpata, a dɔ̃ anu na ajɔ si bii laalɔ gɔ á naa.

Amɔsu 5:16

Aɔ̃ Lafɛ̃ɛi lele do ilɛ í ni, si bantuma ŋa, aa maa gbɔ kukpatai inɛ ŋai. Si kpãa ŋa inɛ ŋa aa maa dɔ̃ anu a maa ni, irei ì gbɔ inɔ kufɔ, aa kpe woo ce icɛi iko ŋa bii iku í ceu do inɛ ŋa iyi à mà irii akũ ku kɔ̃.

Romu 5:5

Nɔ kpãa iyi à waa cɔu kaa jɛ ngbɛ domi kubii Ilaaɔ̃ í wa si idɔ nwa do saabui Hundeɛ iyi í mu nwa.