Zoɛli 1:10 - Bibeli do fee

¹⁰ Iko ŋau à ce asɔɔ, ilɛ í wɛɛò inɔ kufɔ bɛi ti iku, domi à ce asɔɔi bilee ŋa, nɔ vɛ̃ɛ mɔ kù wɛɛ má. Ikpo mɔ kù wɛɛ má baa keeke.

Zoɛli 1:10 Iomraidhean Croise

Kusintii Andunya 4:12

Baa bii ì waa logoo i kaa ba ngɔgɔ. Aa ya sa i maa dabii bii fei si andunyau ihɛ̃.

Ezai 15:6

domi inyii idoi Nimurimu í gbɛ, nɔ fɔfɔ ŋa mɔ à gbɛ. Jĩi ŋa iyi à nɛ wua tũtũ ŋau à gbɛ. Fɔfɔ tũtũ boogu kù wɛɛ má.

Ezai 24:11

Inɛ ŋa à waa dɔ̃ anu si kpãa ŋa, si na iyi í jɔ̀ atɛ̃ vɛ̃ɛ í gaizia. Inɔ didɔ̃ fei í leekĩ. Ntɔ ntɔ, inɔ didɔ̃ í kpa irii si ilɛu.

Ezai 24:7

Ŋɔi vɛ̃ɛ titɔ̃ í dasi inɔ kufɔ, nɔ jĩi ndii rezɛ̃ɛu wa gbɛ. Inɛ ŋa iyi à tako à wɛɛò inɔ didɔ̃ ŋau fei wo, à baa à waa weewea.

Zeremi 12:11

À jɔ̀ í baa í kpɔò bomma do inyai kukpata na inɔ kufɔi iku. Ilɛu í baa í kpɔò bomma si wajum. À ce nfei ilɛui fei mam mam, nɔ inɛ kãma kù waa lasabu si.

Zeremi 12:4

Hee waati yoomai ilɛu á maa wa si kukpatai akũ, nɔ jĩi do fɔfɔ tũtũ fei ku gbɛ. Na irii inɔ kukãi inɛi ilɛ ŋau, mɛɛmu do yɛi ŋa fei aa tãi, domi à ya maa ni, kaa yɔkɔ ku fɔ mii iyi á na ku ba wa.

Zeremi 48:33

Inɔ didɔ̃ nla nlau kù wa si ikoi jĩi ku so isoi inɛi Moabu ŋau má. Atɛ̃ vɛ̃ɛ kù wa si nantaa nŋa ŋau má. Inɛ ŋa a kù wɛɛ iyi aa lɔlɔ rezɛ̃ɛ ŋau má. Anu ku dɔ̃i inɔ didɔ̃ nŋa ŋau fei í coko.

Ozee 4:3

Na nŋu, ilɛu si inɔ kufɔi ikui á wa si. Inɛ ŋa iyi à wa si ilɛu fei aa gbɛi aŋa do mɛɛmui sako ŋau do yɛi ŋa. Baa cɛ̃ɛi inɔ tenku ŋa aa kpa irii mam mam.

Ozee 9:2

Amma bilee iyi à waa kpokpo, do ikpo iyi à waa fɔ̃u, a kaa jɛ titɛɛ. Vɛ̃ɛ titɔ̃ iyi ì waa degbeu, i kaa baa.

Zoɛli 1:12

Jĩi ndii rezɛ̃ɛ í gbɛ, nɔ ti figi ŋau mɔ a kù waa so má. Jĩi ndii gerenadi ŋa do jĩi ndii kpakpa ku nɛ iso wɛwɛɛ ŋau do jĩi ndii pɔmu ŋau fei à gbɛi. Inɔ didɔ̃ fei í leekĩi bi amanɛ ŋa.

Zoɛli 1:5

I jĩ hai si iri njoo ŋa iŋɛ iyi atɛ̃ wa kpa, nɔ i kpata ŋa. Iŋɛ fei i weewea ŋa, iŋɛ woo mɔ vɛ̃ɛ ŋau, si na iyi í jɔ̀ à nya inyii isoi rezɛ̃ɛu hai si gɛlɛ nŋɛ.

Zoɛli 2:19

nɔ í jɛ nŋa kutɔɔ nŋau í ni, an mu nŋɛ bilee ŋa, do vɛ̃ɛ do ikpo. An mu nŋɛi hee ku to ŋɛ, nɔ n kaa n so ŋɛ n daa inɛi ilɛ mmu ŋa si awɔ a yaako ŋɛ má.

Kuwee 26:20

Aa ya ta gbugbã nŋɛ ŋai ngbɛ ngbɛ, ilɛ nŋɛ ŋa a kaa ya ce amaajɛ kãma, nɔ jĩi ndii ilɛ nŋɛ ŋau mɔ a kaa ya so iso kãma.

Abakuku 3:17

Jĩi ndii figi kaa da koko, jĩi ndii rezɛ̃ɛ kaa so jĩi ndii olivi mɔ kaa so, iko ŋa a kaa ce amaajɛ kãma, angudã ŋa a kaa wa inɔ aro, kɛtɛ ŋa mɔ a kaa wa bi ku so nŋa.

Azee 1:11

Ǹ jɔ̀ agbɛ í ce si ilɛu hee do si iri kuta ŋa fei, nɔ hai bilee do jĩi ndii rezɛ̃ɛ do isoi jĩi ndii olivi ŋau fei à gbɛ hee ku koo si mii mmu ŋa iyi à fita si ilɛ fei. Amanɛ do mɛɛmu ŋa fei à wahala ntɔ ntɔ nɔ icɛ iyi ì ce ŋa í ce nfe.

Malasi 2:3

An jɔ̀ ijuukpã ku naa si dimi nŋɛ ŋai. An so imii mɛɛmu ŋa iyi ì ya ceò kuwee si waatii jingau nŋɛ ŋau n jɔ nŋɛ si waju. Nɔ aa ko ŋɛi do imiu ajɔ.