Zeremi 9:3 - Bibeli do fee

³ Na nŋu, inɛ fei ku maa ce laakaii araɛ do inɛ mmu ŋa, nɔ inɛ kãma ku maà naanɛ inɛɛ ŋa, domi aŋa fei à baa à jɛ inɛ laalɔ woo zamba ŋa, nɔ aŋa fei à ya maa nya fũnɛi inɛi.

Zeremi 9:3 Iomraidhean Croise

Kusintii Andunya 39:16

Ŋɔi abou í ce bi ku jilɛ ibɔu hee bii mɔkɔɛ í baa kpasɛ̃.

Mɔnda ŋa 12:5

Lasabui inɛ dee dee ŋa fei í ya tɛi, amma ikɔi inɛ laalɔ ŋa fei iboi.

Ezai 1:3

Kɛtɛ í ya mà lafɛ̃ɛɛ, nɔ gbankɛlɛ mɔ í ya mà lafɛ̃ɛɛ iyi í ya náa sɔnda. Amma inɛi Izirɛli ŋa a kù mà nkãma. Zamaam nɔu kù waa gbɔ yaasei nkãma.

Ezai 3:5

Si zamaau inɛ ŋa aa ya maa taa njɛ gbugbãi. Awaasũ ŋa a kaa ya saalu mɔkɔ ngbo ŋa, nɔ inɛ ngbɛ ngbɛ ŋa a kaa saalu ilu bɛɛrɛ ŋa.

Ezai 6:5

Ŋɔi ǹ dɔ̃ anu ǹ ni, inɔ kufɔi í jɛ tom. Ǹ ce nfe mbɛ, domi gɛlɛm kù maaju, nɔ ǹ wa si aninii inɛ ŋa iyi gɛlɛ nŋa ŋa kù maaju. Nɔ wee ǹ yɛ ilaalu Aɔ̃ Lafɛ̃ɛi lele do ilɛ do ijum.

Ezai 9:18

Na idɔɔkɔ̃i Aɔ̃ Lafɛ̃ɛi lele do ilɛ, ilɛu á mu inai nɔ zamaau ku ce nfe si inɔ inau. Inɛ kãma kaa yɔkɔ ku faaba inɛ mmu gɔ.

Zeremi 12:6

Ntɔ ntɔ, inɛɛ ŋa taka nŋa mɔ, do inɛi kpasɛ̃i baaɛ ŋa à waa zambaɛ. Aŋa taka nŋa à waa dɔ̃ anu si fitiɛ wa ntɔ ntɔ. Maà dasi naanɛ baa bii à waa sɔ̃ɛ ide didɔ̃ ŋa.

Zeremi 22:16

Í ya ce kiitiɛi si dee dee ku jɛ si gãmɛi ilu are ŋa, do si gãmɛi inɛ ŋa iyi inɛ ŋa à waa taa gbugbã. Na nŋu, mii fei wa nɛa njɛi dee dee. Inɛ iyi wa ce bɛɛbɛ wa nyisi iyi nŋu í mà amu Aɔ̃ Lafɛ̃ɛi ntɔ ntɔ.

Zeremi 31:34

Waati bɛɛbɛ, inɛ kãma nŋa kaa nɛ bukaatai ku maa kɔ́ kpaasiɛ ŋa do nyaanzeɛ ŋa bɛi aa ce a mà amu Aɔ̃ Lafɛ̃ɛ. Hai inɛ iyi í kere í re hee do inɛ iyi í la í re fei á màm nii. An ce nŋa suurui dulum iyi à ce feii, n kaa n ye gigiɛ má.

Zeremi 4:22

Aɔ̃ Lafɛ̃ɛ í ni, ntɔ ntɔ zamaam nɔu í sũmui, kù màm. Ama nnyɛi ŋai, a kù nɛ bisi. Bisii laalɔ ku cei à nɛ. Amma a kù mà jiida ku ce.

Zeremi 5:4

Ǹ ya n fɔi wo n maa n ni, inɛ ŋa iyi a kù nɛ kumà ŋai, nɔ ǹ ya n ni idei nnyɛii à waa ce, si na iyi í jɔ̀ a kù mà kpãai Ilaaɔ̃ ku too do woodai Aɔ̃ Lafɛ̃ɛ nŋa.

Zeremi 5:5

Bɛbɛi bi inɛ ngbo ŋai an bɔ n sɔ̃ ŋa ide, domi ngu ŋa a mà kpãai Ilaaɔ̃ ku too do woodai Aɔ̃ Lafɛ̃ɛ nŋa. Amma aŋa mɔ, aŋaò ŋa fei akãi. Tilasi do anu akã iyi í wa si gãmɛ nŋa do Aɔ̃ Lafɛ̃ɛ nŋau fei, à daai.

Zeremi 6:28

Aŋa fei ilu idɔ kulele ŋai, do woo sɔ irii inɛ ŋa. À lelei bɛi isɔ danya do bɛi isɔ. Aŋa fei woo kpa inɛ ŋai.

Zeremi 7:26

Amma a kù gbɔ idem ŋa pai, a kù desi itĩ. À lele idɔ nŋa, nɔ à ce daa laalɔ iyi í re ti bala nŋa ŋa.

Zeremi 9:5

Ŋɔi Aɔ̃ Lafɛ̃ɛ í nyi í ni má, kitã nŋa í wai si inɔi woo zamba inɛ ŋa. Na inɛ ŋa ku zambau bɛi í jɔ̀ a kù jɛ aŋa a màm.

Zeremi 9:8

Amu Aɔ̃ Lafɛ̃ɛ, n kù nɛ n kpã kookoosu ŋau bɛ iju de. N kaa n baò inɛi ilɛ dimiɛ ŋa ija de.

Ezekiɛli 8:13

Nɔ í ni má, aa yɛ laalɔ nla nla mmu gɔ ŋa iyi à waa ce má.

Daniɛli 11:27

Ilaalu minji ŋau aa tɔtɔɔ a jɛ inya akã, amma si idɔ nŋa, aa dɛdɛ a cea njɛ laalɔi. Iboi aa sɔa njɛ. Ide nŋa kaa nɛ aranfãani kãma, domi ideu á kpa irii bii waati iyi à jilɛu í to.

Kuwee 19:11

I maà ya ce ile ŋa, nɔ i maà sɔ ibo ŋa, nɔ i maà ya zamba njɛ ŋa.

Maaku 8:38

Nɔ Jesu í ni má, inɛi nsɛi ŋa ilu dulum ŋai iyi a kù leekĩò Ilaaɔ̃ nŋu akã. Na nŋu, inɛ iyi wa ce anyɔi amu Amai Amanɛ, walakɔ wa ce anyɔi idem si waju nŋa, amu mɔ an ce anyɔi lafɛ̃ɛ waati iyi an nyi wa. Nɔ waati iyi an nyi wa an nyi wai do amboei Baam do ti amaleka ŋa ajɔ.

Laabaau jiida iyi Zãa í kɔ 17:3

Kuwɛɛ hai tãui í jɛ inɛ ŋa a màɛ, awɔ Ilaaɔ̃ akã ilu ntɔu, nɔ a màm, amu Jesu Kirisi iyi ì bɛ wau.

Woo bɛ ŋa 24:9

Iyi Tɛɛtulu í fɔ bɛɛbɛ í tã nɔ Zuifu ŋa iyi à wa bɛu fei à ni ideu ntɔi.

Romu 1:16

N kaa n ce anyɔi laabaau jiidau, domi í jɛ gbugbãi Ilaaɔ̃i iyi wa faaba inɛ iyi í dasi Jesu naanɛ fei, hai Zuifu ŋa hee ku koo si dimi mmu ŋa.

Romu 1:28

Si bɛi a kù bi Ilaaɔ̃ ku mà, ŋɔi í jɔ̀ Ilaaɔ̃ í fũsi ŋa awɔ si lasabu laalɔ nŋa a ceò mii iyi kù jɔ amanɛ ku ce.

Romu 3:13

Idei gɛlɛ nŋa í sãmi bɛi balɛ foo. Do idei gɛlɛ nŋaui à ya takiiò inɛ ŋa. Gɛlɛ nŋau í nɛ acĩ bɛi njo.

Kɔrɛnti 1, 15:34

I jɔ̀ laakai jiida nŋɛ ku nyi wa si bɛi á sĩa, nɔ i jɔ̀ kookoosui dulum. Inɛ gɔ nŋɛ ŋa a kù mà Ilaaɔ̃ do ntɔ. Ǹ wa n fɔ iyi bɛi ku ba anyɔ ku mu ŋɛ.

Filipi 1:28

I maà jɔ̀ mbɛɛ nŋɛ ŋa a da zigi nŋɛ si nkãma. Nŋui á nyisi ŋa iyi aŋai à waa bɔ nfe ku ce, nɔ ku nyisi iŋɛ mɔ iyi ì wa si kpãai faaba ŋa. Iyi bɛ fei wa naai hai bi Ilaaɔ̃,

Timɔtee 2, 3:13

Amma inɛ laalɔ ŋa do woo sɔ ibo ŋa waati kãma fei laalɔ nŋa í ya maa kɔ̃ɔsii. Si bɛi à waa dĩ ijui inɛ gɔ ŋa, bɛɛbɛ mɔi à waa dĩ ijui ara nŋa.

Zudu 1:3

Iŋɛ baakɔɔm ŋa, ǹ dasi idɔ wo ntɔ ntɔ n kɔ nŋɛ tia wa, na idei faabai awaɛ ŋau. Amma wee ǹ yɛ í cem tilasi n kɔ nŋɛ tiau ihɛ̃ wa nsɛi n kɔ̃ɔ nŋɛ si himma ku ba i jabu i maa leekĩ si kukɔsi ntɔ iyi à na inɛi Ilaaɔ̃ ŋa gbakã akã hee do ajɔ fei.

Kuyɛi Zãa 12:11

Inɛ nwa ŋau à jɔɔ igũ do saabui njɛi ama angudãu do sɛɛdai ntɔu iyi à jɛ. A kù doo kuwɛɛ nŋa nkãma, amma à jɛsi aŋa a ku.

Woo kiiti ŋa 14:17

Hai waati bɛɛbɛ ŋɔi í wasi ku kpata siɛ hee ajɔ mɛɛjei jingauu í koo í kɔ̃. Si ajɔ mɛɛjesiau í bɛi í sisiaa yaasei mɔndau, domi í wasi ku manteɛi. Ŋɔi gbakã í koo í sisia inɛi ilɛɛ ŋau yaasei mɔndau.

Woo kiiti ŋa 2:10

Inɛ ŋa iyi à jɛ saaɛ ŋa si waati bɛɛbɛu fei à ku. Inɛ ŋa iyi à na à dede si anyi nŋa ŋau a kù mà Aɔ̃ Lafɛ̃ɛ hee má jɛ icɛ ŋa iyi í cea inɛi Izirɛli ŋau wo.

Samuɛli 1, 2:12

Amai Elii ŋa inɛ laalɔ ŋai iyi a kù mà bɛɛrɛi Aɔ̃ Lafɛ̃ɛ.