Zeremi 9:2 - Bibeli do fee

² Aɔ̃ Lafɛ̃ɛ í ni, amɛ nŋa í yɛi bɛi bioo, nɔ à nɛ ibo. Gbugbã ku nɛ nŋa si ilɛu kù jɛ na dee dee ku jɛ nŋa, domi si inɔ kukãu bɛi à ya maa nɛ si, nɔ a kù màm.

Zeremi 9:2 Iomraidhean Croise

Ezai 59:3

Ntɔ ntɔ ì kpa inɛ ŋa nkpɔ nkpɔ nɔ ì ce dulum dimi ikã ikã ŋa. Iboi í ya wa si gɛlɛ nŋɛ ŋa, nɔ ide ku fɔ nŋɛ ci ya jɛ dee dee.

Zeremi 12:1

Aɔ̃ Lafɛ̃ɛ, dee dee ku jɛɛ í caa. N kù nɛ n maa n ce kakɔɔ do awɔ. Amma do nŋu fei, ǹ bi n baɛ ide ku fɔ si kiitiɛ ŋa. Inɛ ŋa iyi à jɛ inɛ laalɔ ŋa, mii iyi à waa ce si kuwɛɛ nŋa fei, í ya maa nɛ nŋai dee dee. Na mii. Bɛirei í ce woo zamba inɛ ŋa, aŋa fei à ya maa wɛɛ nŋai do laakai ku sũ.

Zeremi 12:6

Ntɔ ntɔ, inɛɛ ŋa taka nŋa mɔ, do inɛi kpasɛ̃i baaɛ ŋa à waa zambaɛ. Aŋa taka nŋa à waa dɔ̃ anu si fitiɛ wa ntɔ ntɔ. Maà dasi naanɛ baa bii à waa sɔ̃ɛ ide didɔ̃ ŋa.

Zeremi 13:22

Waati bɛɛbɛ, aa bee araɛ ide i maa ni, na mii í jɔ̀ mii nɔu ihɛ̃ wa bam. Na kurara nkpɔ nkpɔɛ ŋaui í jɔ̀ itĩi ibɔɛ ŋau wa nya, nɔ ì waa ba kumɛɛ ntɔ ntɔ si cicĩisɛɛ ŋa.

Zeremi 23:10

Ntɔ ntɔ ilɛu í kɔ̃i do inɛ ŋa iyi à sinda à toa Aɔ̃ Lafɛ̃ɛ anyi à koo à waa tɔɔ iwɛ̃ ŋa. Inɔ kufɔi iku í wa si ilɛui na ikpe. Bi ku ce degbe ŋau fei à gbɛ. Laalɔi inɛ ŋa à ya maa sɛi si, nɔ si mii iyi kù jɛ dee deei à ya nɛ himma.

Zeremi 4:22

Aɔ̃ Lafɛ̃ɛ í ni, ntɔ ntɔ zamaam nɔu í sũmui, kù màm. Ama nnyɛi ŋai, a kù nɛ bisi. Bisii laalɔ ku cei à nɛ. Amma a kù mà jiida ku ce.

Zeremi 5:1

I dabii si kpãai Zeruzalɛmu ŋau i cɔ ŋa nɔ i ce kudɛdɛ si bantuma ŋau wa ŋa, bii aa ba inɛ baa akã iyi kuceɛ í sĩa nɔ wa dɛdɛ nŋu ku ce mii iyi í jɛ ntɔ. Bii í jɛ ì ba inɛ baa akã ŋa, an cea Zeruzalɛmu suuru.

Zeremi 5:11

Ntɔ ntɔ, hai inɛi Izirɛli ŋa do inɛi Zudaa ŋau fei, kãma nŋa kù leekĩ do amu. Amu Aɔ̃ Lafɛ̃ɛi ǹ fɔ bɛɛbɛ.

Zeremi 5:2

Baa bii à waa ce kugbasi à waa ni, ǹ gbasi do irii Aɔ̃ Lafɛ̃ɛ nŋu iyi í wɛɛ, si iboi à ya maa ceò kugbasiu.

Ozee 4:2

Mii iyi í wa si anini nŋai í jɛ ikpe do ibo do inɛ ku kpa do ile do sakara do inɛ ku taa gbugbã. À ya so waati nŋa feii a maa kpaò inɛ ŋa.

Ozee 5:7

Inɛ ŋau à zamba Aɔ̃ Lafɛ̃ɛi, domi à bí amu ŋa do abo ŋa iyi aŋaò ŋa a kù ce abɔdɔ̃. Na nŋu, hai ihɛ̃ ku bɔ cukpa akã, aa ce nfei ilɛ nŋaui do amani nŋa ŋa.

Ozee 6:7

Iŋɛ mɔ i kù jirima akabuum bɛi inɛi ilui Adamu ŋa. Si gãmɛu bɛi ì zambam ŋa.

Ozee 7:4

Aŋa fei woo ce sakara ŋai. À yɛi bɛi bi ku sɔ̃ pɛ̃ɛ iyi woo sɔ̃ pɛ̃ɛu í jɔ̀ wa gbãa ntɔ ntɔ nɔ kù waa ce laakaiɛ má hai waati iyi í kpo iyafũu hee í koo í dedeò.

Misee 6:12

Ilu amani ŋau à ya maa taa inɛ ŋa gbugbãi. Inɛi ilu ŋau iboi à ya bi. Nɔ do idei gɛlɛ nŋai à ya maa zambaò inɛ ŋa.

Sofoni 3:4

Waliiɛ ŋa a kù jɛ ilu laakai jiida ŋa. Woo ce zamba ŋai. Woo weeɛ ŋau à ya riisi mii iyi à nya ikã ku jɛ ti Aɔ̃ Lafɛ̃ɛi, nɔ à ya kua wooda.

Malasi 2:11

Inɛi Zudaa ŋa à dede si akabuu iyi à dĩ. À ce dulum nla nla Zeruzalɛmu do si ilɛi Izirɛli fei. À riisi kpasɛ̃ kumá iyi Aɔ̃ Lafɛ̃ɛ í biu. À koo à so mudɛ̃ɛi woo tɔɔ iwɛ̃ ŋa à ce ŋa abo ŋa.

Malasi 2:14

Nɔ ì waa ni ŋa, bɛirei í ce í jɛ bɛɛbɛ. Í ce bɛɛbɛi si na iyi í jɔ̀ inɛ gɔ nŋɛ ŋa a kù kɔ̃ akabuu iyi à dĩ si wajui Aɔ̃ Lafɛ̃ɛ do aboi hai waatii awaasũ nŋa ŋa iyi à jɛ minjisia nŋa ŋa nɔ aŋaò ŋa à dĩ akabuu.

Zaaki 4:4

Iŋɛ iyi i kù leekĩò inɛ akã ŋa, i kù mà ŋa iyi bii ì bi andunya, mbɛɛi Ilaaɔ̃i ì ya jɛ ŋa? Inɛ iyi í bi andunya, mbɛɛi Ilaaɔ̃i í ya jɛ.

Woo kiiti ŋa 2:10

Inɛ ŋa iyi à jɛ saaɛ ŋa si waati bɛɛbɛu fei à ku. Inɛ ŋa iyi à na à dede si anyi nŋa ŋau a kù mà Aɔ̃ Lafɛ̃ɛ hee má jɛ icɛ ŋa iyi í cea inɛi Izirɛli ŋau wo.