Zeremi 8:9 - Bibeli do fee

⁹ Ilu laakai ŋau, anyɔi í jɛ tu ŋa. Njo wa mu ŋa, nɔ à dasi taai mbɛɛ. Inɛ ŋau à kɔ̀si idei Aɔ̃ Lafɛ̃ɛ. Bisi nŋau aranfãani yoomai aa ba si.

Zeremi 8:9 Iomraidhean Croise

Ilaalu 2, 17:15

À fũsi woodai Ilaaɔ̃ ŋau awɔ, a kù jirima akabuuɛ iyi í dĩ do bala nŋa ŋau, nɔ a kù saaluɛ waati iyi í ni a ce laakai. Nɔ à koo à waa tɔɔ iwɛ̃ nfe ŋa nɔ aŋa taka nŋa à baa à jɛ nfe. À waa too kucei inɛi ilɛ ŋa iyi à kaako ŋa iyi Aɔ̃ Lafɛ̃ɛ í ganji ŋa a sisiu.

Zɔɔbu 5:12

Nŋui í ya kɛkɛ mii iyi ilu bisi ŋa à waa ce nɔ icɛ nŋa ci ya to kɔɔ má.

Zɔɔbu 5:13

Í ya mu ilu bisi ŋa si bisi nŋa, nɔ ikɔi woo zamba inɛ ŋau ci ya nɛ gbugbã kãma.

Iri ku kɔ̃ 19:7

Í ya dedei do cingaa akãi lelei Aɔ̃ nɔ í ya koo lɔi do cingaa ihɔ̃. Inya gbãaɛ ci ya dale nkãma.

Ezai 19:11

Ilaalui Soãa ŋau, nnyɛi ŋai. Inɛ ŋa mɔ iyi à jɛ ilu laakai woo kɔi ilaalu Faraɔ̃u, igbɛi nnyɛi ŋai. Bɛirei í ce ì jɛ ì waa sɔ̃ Faraɔ̃ ì waa ni ŋa iŋɛ amai ilu laakai ŋai, amai ilaalui tako ŋai.

Ezai 29:14

Na nŋu, an maa n mɔsii n jɔ̀ inɛ ŋau a ya maa biti do maamaake nkpɔ nkpɔ ŋa iyi an maa n ce. Laakai iyi ilu laakai ŋau à nɛ, á ya koo kpa irii. Nɔ bisii ilu bisi ŋau á tãi.

Ezai 43:27

Inɛ iyi í jɛ bala sinteɛ í ce dulum, nɔ inɛ ŋa iyi à sisi nŋɛ idem ŋau mɔ, à ce ide kukɔ̀ bi titom.

Ezai 8:20

à nɛ ka baai si woodai Ilaaɔ̃ do si akabuu iyi awaò ŋa à nɛ. Nɔ inɛ iyi kù ceò ide ŋau bɛ icɛ, kaa yɛ inya kumái amɛɛjuumá.

Zeremi 15:6

Ŋɔi Aɔ̃ Lafɛ̃ɛ í ni má, ì fũsim awɔ ì sinda ì nyi do anyi. Na nŋu, an yɔ awɔm wa siɛ nɔ n ce nfeɛ. N kaa n yɔkɔ n maa n mɔsi do araareɛ ku ce.

Zeremi 19:7

Si inyau bɛi an kpa irii kucei inɛi Zudaa do ti inɛi Zeruzalɛmu ŋau. An jɔ̀ a dasi awɔi mbɛɛ nŋa ŋai do si awɔi woo yɛ taale nŋa ŋa, nɔ a kpa ŋa do taakuba. Yɛi ŋa do mɛɛmui sako ŋai an jɔ̀ a jɛ iku nŋa ŋa.

Zeremi 2:8

Woo wee ŋau a kù bee, iwoi Aɔ̃ Lafɛ̃ɛ í wa. Woo mà wooda ŋau a kù màm má. Woo gbã inɛm ŋau à dedeò ide ku kɔ̀ bi tom. Walii ŋau à ce walii nŋai do irii iwɛ̃ Baali. Nɔ à koo à waa too iwɛ̃ ŋa iyi a kaa yɔkɔ a ce nŋa nkãma.

Zeremi 49:7

Si gãmɛi inɛi Edɔmu ŋa, Aɔ̃ Lafɛ̃ɛi lele do ilɛ í fɔ í ni, ilu laakai kãma kù wa Temaa? Ikɔ ŋau fei à kpa iri bi ama inɛmɔkɔ ilu laakaiɛ ŋaui? Laakai ku nɛ nŋau í bɛjɛi?

Zeremi 6:15

Anyɔ í nɛ ku mu ŋai wo si laalɔ ŋa iyi à ce. Amma kù mu ŋa. A kù mà baa mà aŋa à wa si kurara. Na ŋɔi í ce aa cukui do inɛ ŋa iyi à waa cuku. Ilɛi aa maa tɛɛsɛ waati iyi an kpã ŋa iju. Amu Aɔ̃ Lafɛ̃ɛi ǹ fɔ bɛɛbɛ.

Zeremi 6:19

Iŋɛ inɛi andunya ŋa i sotĩ i gbɔ ŋa. Wee ǹ wa n naaò laalɔ wa si inɛm ŋau ihɛ̃, nŋui á jɛ ribai lasabu laalɔ nŋau domi à kɔ̀ ku gbɔ idem ŋa, à kɔ̀ ku jirima woodam ŋa.

Ezekiɛli 7:26

Si antaii wahalau, wahalai á naa má, nɔ laabaau laalɔ ŋai aa ya maa gbɔ. Aa tɔɔ walii ŋa a ce kuyɛ, nɔ aa bi woo wee ŋa do inɛ ngbo ŋa a ya kɔ inɛ ŋa, amma woo wee ŋau taka nŋa a kaa mà wooda.

Amɔsu 2:4

Aɔ̃ Lafɛ̃ɛ í ni, dulum dii inɛi Zudaa ŋa í la. Na nŋu, an jɔ̀ ijuukpã ku ba ŋai ntɔ ntɔ, si na iyi í jɔ̀ à kɔ̀si woodam nɔ a kù ceò idem ŋa icɛ, nɔ à jɔ̀ iboi iwɛ̃ ŋa iyi baa nŋa ŋa à tɔɔ wo à nyɔ ŋa.

Zakari 13:4

Ajɔ nŋu, anyɔ á mu walii ilu ibo ŋau fei akã akã na kuyɛ nŋa ŋa. Njo kaa jɔ̀ ŋa a maa dasi ibɔ ilu ntoi walii ŋau má a maa dĩò ijui inɛ ŋa.

Wooda ku kɔsi 4:6

I jirima fei ndɛɛ nɔ i ceò icɛ ŋa, domi iyi bɛi á jɔ̀ i jɛ ilu laakai nɔ i jɛ woo mà ŋa. Nɔ inɛi ilɛ mmu ŋa iyi aa gbɔ idei wooda ŋau fei aa fɔi a maa ni, zamaa nla nlau ihɛ̃ í nɛ laakai nɔ í nɛ kumà.

Timɔtee 2, 3:15

Hai keekeɛi, ì mà kukɔi idei Ilaaɔ̃ iyi á yɔkɔ ku muuɛ bisi i dasiò Jesu Kirisi naanɛ ku ba i ba faaba.