Zeremi 8:6 - Bibeli do fee

⁶ Ǹ de itĩ jiida ǹ wa n gbɔ bɛi à waa fɔ. A kù waa fɔ ide si yaase bɛi í jɔ. Kãma nŋa kù waa kpaasi hai si laalɔ ku ceɛ. Nɔ a ci ya bee ara nŋa a ni, mii ǹ ce. Aŋa fei à ya teese a sɛi a maa koo nŋai bɛi acĩ iyi wa sɛi wa bɔ igũ.

Zeremi 8:6 Iomraidhean Croise

Zɔɔbu 10:2

An sɔ̃ Ilaaɔ̃ n ni, maà maa ceem bɛi ilu taale, sɔ̃m na mii í jɔ̀ ì waa yɛ taalem.

Zɔɔbu 34:31

Ka jilɛ si inɛ gɔ í sɔ̃ Ilaaɔ̃ í ni, ǹ ba ijuukpã, n kaa n ce laalɔ má.

Zɔɔbu 34:32

Nyisim kurara ŋa iyi n kù yɔkɔ n kù yɛ. Bii ǹ ce iyi kù sĩai, n kaa n coo má.

Iri ku kɔ̃ 14:2

Aɔ̃ Lafɛ̃ɛ wa cɔ inɛ ŋa wa hai lelei Aɔ̃ ku ba ku yɛ bii ilu laakai gɔ í wɛɛ iyi wa dɛdɛɛ.

Ezai 30:18

Na ŋɔi í jɔ̀ Aɔ̃ Lafɛ̃ɛ wa degbe ku ba ku ce nŋɛ didɔ̃. Aɔ̃ Lafɛ̃ɛ á dedei ku ce araare nŋɛ, domi í jɛ dee dee. Ilu inɔ didɔ̃ ŋai inɛ ŋa iyi kpãa ku cɔ nŋa fei í wa siɛ.

Ezai 57:17

Idɔm í kɔ̃ si Izirɛli na laalɔ ku ceɛ do na mii ŋa iyi í ba si kpãa iyi kù jɛ dee dee. Na ŋɔi í jɔ̀ si idɔɔkɔ̃m ǹ kpãa iju nɔ n kù bi baa ku yɛɛ má. Amma í kɔ̀ í lele idɔɛ nɔ í leekĩ si dee dee hai jɛɛ.

Ezai 59:16

Aɔ̃ Lafɛ̃ɛ í yɔɔ iyi baai inɛ kãma kù wa si, nɔ í biti si na iyi í jɔ̀ inɛ kãma kù ce ngɔgɔ. Ŋɔi nŋu takaɛ í dasi idɔ nŋu ku dasi awɔ, nɔ dee dee ku jɛi nŋu takaɛi í jɛ gbugbãɛ.

Zeremi 23:25

Amu Aɔ̃ Lafɛ̃ɛ, ǹ gbɔ bɛi walii ŋa à ya maa fɔ. Walii iboi à ya maa ce do irim, a maa ni, ǹ ce kuyɛ, ǹ ce kuyɛ.

Zeremi 3:5

Aa maa mum do idɔɔkɔ̃i hee do ajɔ fei? Aa maa mum do mbɛɛtɛi waati kãma fei? Bɛi ì waa fɔ mbɛ. Amma ì kɔ̀ ì waa mɔsi do laalɔ ku ce.

Zeremi 5:1

I dabii si kpãai Zeruzalɛmu ŋau i cɔ ŋa nɔ i ce kudɛdɛ si bantuma ŋau wa ŋa, bii aa ba inɛ baa akã iyi kuceɛ í sĩa nɔ wa dɛdɛ nŋu ku ce mii iyi í jɛ ntɔ. Bii í jɛ ì ba inɛ baa akã ŋa, an cea Zeruzalɛmu suuru.

Ezekiɛli 18:28

Bii í yɛ laalɔ ŋa iyi nŋu wa ce nɔ í jɔ̀ɔ fei, ntɔ ntɔ á wɛɛi kaa ku má.

Ezekiɛli 22:30

Ǹ dɛdɛ inɛ gɔ si inɔ nŋa iyi á ma bindiu ku kaakoɛ nɔ ku maa leekĩ bi foo ku ba n maà n naa n ce nfei ilɛu, amma n kù ba.

Daniɛli 9:11

Inɛi Izirɛli ŋau fei à gbea woodaɛ ŋa nɔ à jĩò ŋa a kù de si itĩ. Na ŋɔi í jɔ̀ ikpe í cuku si wa na idei kugbasi ŋa iyi à kɔ si woodai Moizi woo ce icɛɛ, domi à ce dulum nii bi awɔ Ilaaɔ̃.

Misee 7:2

Si ilɛu, inɛ dee dee gɔ kù wɛɛ má, inɛ ŋa iyi à waa too ntɔ ŋa a kù wɛɛ má. Inɛ ku kpai inɛ nkpɔ nŋa fei í mu. Inɛ ŋa à ya maa zamba njɛi.

Sofoni 3:7

Nɔ ǹ fɔ ǹ ni, awɔ Zeruzalɛmu bii í jɛ ì mà bɛɛrɛm wo, nɔ ì jɛsi ì gba ikɔm wo, n kaa n ce nfei kuwɛɛɛ. Waati iyi ǹ wa n kpã inɛɛ ŋa iju fei, à ya hanya a maa mɔsi laalɔ ku cei si isɛɛnɛ nŋa ŋau fei.

Azee 1:5

Na ŋɔi í ce nsɛi, amu Aɔ̃ Lafɛ̃ɛi lele do ilɛ ǹ ni i lasabu ŋa do yaasei kuce nŋɛ.

Azee 1:7

Na nŋu, amu Aɔ̃ Lafɛ̃ɛi lele do ilɛ ǹ sisi ǹ wa n fɔ má n ni, i lasabu ŋa si yaasei isɛɛnɛ nŋɛ.

Malasi 3:16

Ŋɔi inɛ ŋa iyi à waa jirima Aɔ̃ Lafɛ̃ɛ ŋa à fɔ si njɛ. Aɔ̃ Lafɛ̃ɛ í de si ŋa itĩ í gbɔ ide nŋa. Nɔ à jilɛ tia gɔ iyi í jɛ ti gigi ku ye si wajuɛ si bii à kɔ irii inɛ ŋa iyi à mà bɛɛrɛɛ nɔ à waa jirimaɛ.

Piɛɛ 2, 3:9

Aɔ̃ Lafɛ̃ɛ ci ya jɔ̀ idei kuwãɛ iyi í jilɛu ku kpɛ ideu ku kɔ̃ò si bɛi inɛ gɔ ŋa à waa tamaa. Amma wa temua nŋɛi, domi kù bi baa inɛ akã ku ce nfe. Í bi mɔm ku jɛ inɛ fei ku kpaasi idɔ.

Kuyɛi Zãa 9:20

Do nŋu fei, inɛi andunya ŋa iyi à gbe a kù ku si bɔ̃nɛu à kɔ̀ ku kpaasi idɔ. Nɔ à kɔ̀ ku jɔ̀ mii ŋa iyi à ce do awɔ nŋa ku tɔɔ. À waa mɔsi inɛi inɔɔko ŋa ku tɔɔ do iwɛ̃ ŋa iyi à ce do wura do isɔ fũfũ do isɔ danya do kuta do jĩi ŋa, aŋa iyi a kaa yɔkɔ a gbɔ ide, a kaa nɔ a yɔkɔ a yɛ ilu, hee má jɛ a nɛ.