Zeremi 8:5 - Bibeli do fee

⁵ Na mii í jɔ̀ idɔi zamaai Zeruzalɛmuu ihɛ̃ í le bɛɛbɛ. Si zamba nŋaui à waa leekĩ, a kù kpaasi. A kù jɛ ku sinda ku nyi wa.

Zeremi 8:5 Iomraidhean Croise

Mɔnda ŋa 4:13

Jɔ̀ i mu ikɔu, nɔ i maa jɔ̀ɔ. Muu, domi nŋui í jɛ kuwɛɛɛ.

Ezai 1:20

Amma bii i kù jɛ ŋa, bii ì kɔ̀ ì waa leekĩ si ide ku kɔ̀ nŋɛ ŋa, taakubai á na ku kpa ŋɛ. Aɔ̃ Lafɛ̃ɛi í fɔ bɛɛbɛ.

Ezai 30:10

Aŋai à ya sɔ̃ woo ce kuyɛ ŋa a maa ni, i maà yɛ ngɔgɔ ŋa. Nɔ à ya sɔ̃ walii ŋa a maa ni, i maà ce kuyɛ iyi í jɛ dee dee si gãmɛ nwa ŋa. I ya sɔ̃ wa idei mii ŋa iyi á dɔ̃ nwa si, nɔ i ya ce nwa kuyɛ ŋa iyi a kù jɛ ntɔ.

Ezai 44:20

Ntɔ ntɔ lasabu nŋa fei, si ilúlu iyi kù re nkãmau bɛi í wa. Lasabu nŋa í yaa, nŋui í jɔ̀ à nyɔ. Iwɛ̃ nŋau kaa yɔkɔ ku faaba ŋa, nɔ aŋa taka nŋa a ci ya fɔ a ni iboi aŋa à waa mu si awɔ.

Zeremi 14:7

Inɛi Zudaa ŋa à ni, ntɔ ntɔ à waa ba taalei na saabui kurara nwa ŋa. Amma à waa tɔɔɛi Aɔ̃ Lafɛ̃ɛ, ce ngɔgɔ baa na irii awɔ takaɛ, domi à zambaɛ tuuba nkpɔ nkpɔ, nɔ à ce dulum bi tɛɛ.

Zeremi 2:32

Mudɛ̃ɛ í ya gbɛjɛ jĩnɛ ku ce boodaɛ ŋa? Abo titɔ̃ í ya gbɛjɛ kungbã iyi á dĩ si gbankilii ibɔi abɔdɔ̃ɛ? Amma iŋɛ zamaam ŋa ì gbɛjɛ idem hai ajɔ nkpɔ nkpɔ iyi kù nɛ jia.

Zeremi 3:5

Aa maa mum do idɔɔkɔ̃i hee do ajɔ fei? Aa maa mum do mbɛɛtɛi waati kãma fei? Bɛi ì waa fɔ mbɛ. Amma ì kɔ̀ ì waa mɔsi do laalɔ ku ce.

Zeremi 5:27

Bɛi bii kaika í kɔ̃ò yɛi ŋa í ya yɛ, bɛɛbɛi ile nŋa ŋa à kɔ̃ò asoi ile. Bɛɛbɛi à ce à baò gbugbã à jɛ ilu fia ŋa.

Zeremi 5:3

Aɔ̃ Lafɛ̃ɛ, mii iyi ì bii í jɛ kuwɛɛ si ntɔ. Wee nsɛi ì kpã ŋa iju, amma kù jɛ nŋa si nkãma. Ì bi i tã do aŋa, amma à kɔ̀ ku gbɔ ide iyi ì waa sɔ̃ ŋa. À lele idɔ nŋa ŋa bɛi kuta, nɔ à kɔ̀ ku nyi wa bi tɛɛ.

Zeremi 5:6

Na ŋɔi í ce muusu nla í fita wa hai sako wa kpa ŋa. Nɔ gbeegbekũi gbaa wa ce nfe nŋa. Muãa wa manji kɔkɔi ilu nŋa. Inɛ nŋa iyi á fita fei, á gagagaai, domi dulum du ŋau í kpɔ wa kɔ̃ɔsii. Zamba nŋa mɔ kù nɛ baa jia.

Zeremi 6:17

Ǹ jilɛ woo degbe ŋa kɔkɔ nŋɛ, ǹ ni, i maa de itĩ ŋa na bii à na à fã kuu. Amma à jɛ à ni, a kaa ka de itĩ.

Zeremi 6:19

Iŋɛ inɛi andunya ŋa i sotĩ i gbɔ ŋa. Wee ǹ wa n naaò laalɔ wa si inɛm ŋau ihɛ̃, nŋui á jɛ ribai lasabu laalɔ nŋau domi à kɔ̀ ku gbɔ idem ŋa, à kɔ̀ ku jirima woodam ŋa.

Zeremi 9:6

Na ŋɔi í jɔ̀ Aɔ̃ Lafɛ̃ɛi lele do ilɛ í ni, an dasi ŋa inai n ba n jɔ̀ a má, domi bii kù jɛ bɛɛbɛ, n kù mà bɛi an cea inɛm ŋau ihɛ̃ má.

Daniɛli 9:11

Inɛi Izirɛli ŋau fei à gbea woodaɛ ŋa nɔ à jĩò ŋa a kù de si itĩ. Na ŋɔi í jɔ̀ ikpe í cuku si wa na idei kugbasi ŋa iyi à kɔ si woodai Moizi woo ce icɛɛ, domi à ce dulum nii bi awɔ Ilaaɔ̃.

Ozee 11:5

Inɛi Izirɛli ŋau a kaa sinda a nyi ilɛi Ezibiti má, amma inɛi Asiriui á jɛ ilaalu nŋa, domi à kɔ̀ ku sinda wa bi titom.

Ozee 11:7

Zamaam nɔu wa leekĩi si dee dee hai jɛɛ si gãmɛm. À waa kpe ŋa a dede a leekĩ, amma kãma nŋa kù bi ku dede.

Ozee 13:2

Nsɛi wee à waa mɔsi do dulum du ŋa ku ce má. À ya yɔ isɔ fũfũ ŋai a ceò iwɛ̃ ŋa. À ya ce iwɛ̃ ŋaui si bɛi aŋa taka nŋa à lasabu. Woo ce icɛi awɔ ŋai à ya ce fei ndɛɛ. À ya fɔi si gãmɛ nŋa a maa ni, inɛ ŋa à waa ce kuwee do amanɛ ŋa, nɔ à ya maa tɔɔ ama kɛtɛ kombo ŋa.

Ozee 4:16

Izirɛli í ce itĩ ku yikai bɛi kɛtɛ iyi í kɔ̀ icɛ ku ce. Na nŋu, na mii Aɔ̃ Lafɛ̃ɛ njɛ mɔ á gbã ku bɔòɛ ku jɛ bɛi angudã tengi bii bantuma í cĩ.

Zakari 7:11

Amma inɛ ŋau à kɔ̀ ku gbɔ ideu. À dĩ itĩ nŋa ku ba a maà gbɔ.

Laabaau jiida iyi Zãa í kɔ 5:40

Amma do nŋu fei ì kɔ̀ ku naa bi tom ku ba i ba kuwɛɛ ŋa.

Tɛsalonika 1, 5:21

Amma i jɔ̀ i wũa mii fei ŋa nɔ i mu iyi í sĩa ŋa.

Ebɛɛ 12:25

Na nŋu, i ce laakai ŋa i maà kɔ̀ ku gbɔ idei inɛ iyi wa ba ŋɛ ide ku fɔ ŋa. Moizi í ba inɛ ŋa ide ku fɔ si andunyau ihɛ̃ í ni a ce laakai, nɔ inɛ ŋa iyi à kɔ̀ ku gbɔ ideɛu a kù fita si ijuukpã. To, awa mɔ iyi à waa gbɔ inɛ iyi wa fɔ ide wa hai lelei Aɔ̃, bɛirei aa ka ce ka fita si ijuukpã bii à waa toaa anyi.

Kuyɛi Zãa 2:25

Amma naanɛ iyi ì nɛ ŋa, i muu dim dim ŋa hee n koo n toò wa.